عندي سوال ياريت تجاوبوني عليه بجد هو لو انا كنت وحده ملتزمه وربنا حماني في فترة المدرسه والثانوي اني مكلمش شباب انا عرفة ساعتها انو ربنا هيظلني يوم القيمه من ٧ الي هيظلهم تحت ظله
وبعديه جيت الفتره دي يعلم ربنا انو غصب عني واني والله مش بعمل كده استخفاف بربنا او بعمل كده نقصني حب وبدور عليه بره او مش عارفه قيمه نفسي والله ابدا انا الحمد لله محاطه بحب ولو ملقتهوش بحب انا الناس
المهم نزلت برنامج من برامج التعارف واتعرفت على كذا شاب ورجعت توبة تاني توبه نصوحه والله من قلبي ورجعت تاني نفسي ضعفت مع إني بجاهد نفسي وبمسح أي حاجه تحاول تجرني للحاجات دي لحد ما رجعت امبارح ونزلت البرنامج تاني واتعرفت على شباين
أنا محبتش قبل كده والحمد لله ربنا حماني ومش بهدر قلبي في الحب مجرد كلام عادي فانا مسحت التطبيق بليل ومسحت الحساب وتوبة لربنا انا والله الذنب ده كبير عليا اوي ويعلم ربنا بيزعلني قد اي ويخليني مش طايقه نفسي
عندي سؤال كده ربنا مش هيخليني من السبعه الي بيظلهم تحت ظله وهل كده انا واحده اخلاقها وحشه ومش محترمه مع اني الحمد لله الحمد لله لابسه الحجاب الشرعي وعارفه حدودي و بحاول واسعى اني اغض بصري ومش بتكلم مع شباب نهائي في الحياه بره بس ماعدا التطبيق
بس حد يرد لو سمحتو ويفيدني انا ايدي بترتعش وانا بكتب وزعلانه اوي ووحسه اني حتى لو ربنا تقيل توبتي إن شاء الله هيرزقني بشخص كان بيكلم بنات برضو ومش هاخد واحد صالح
أنا عارف شعورك كويس جدا، بصي محدش مبيغلطش، انتي واضح عليكي الاتزام عشان كدا أول غلطة بتحسي فيها بذنب شديد جدا وتوتر ودا شيء كويس ودليل إن قلبك سليم، غالبا انتي معندكيش الاحتواء العاطفي الكافي حتى لو فاكرة إنه عندك، ودا مش عيب فيكي، معظمنا أهلنا مش بيراعوا مشاعرنا زي ما احنا حاسين، وغالبا كمان وقتك مش مليان نشاطات وحاجات تسليكي بتحبيها فعلا، دي حاجات لازم تاخدي بالك منها، مش بهون من الذنوب بس فعلا اللي عملتيه دا يعتبر ولا حاجة بالنسبة للذنوب اللي بتحصل الأيام دي، دا كدا مجرد فضول بس لعالم الجنس الآخر، عارف الشعور دا ومريت بيه كتير، وصدقيني آخره فاضي تماما، مجرد متعة لحظية مش مؤبدة حتى، حاولي تبعدي شوية عن التليفون خصوصا دلوقتي لإن دماغك لسا بيدور الموضوع مع نفسه يشوف هيعجبه ولا لأ، كمان باب التوبة مفتوح في كل وقت، توبة نصوح وركعتين وانسي اللي حصل واعتبريه مكانش، لإني عارف إن دماغك هتفضل تفكرك بيه وتحسسك إنك بقيتي وحشة وكل نضافتك وسختيها فجأة وتعبك طول الفترة دي راح، مفيش حاجة راحت نهائي، انتي حد كويس وهتلاقي زوج جميل محترم مش لازم يكون كلم بنات ولا حاجة وحتى لو عمل هتلاقيه صالح وبيتوب وتاب قبل كدا توبة نصوحة، لإننا بشر مش ملائكة، اعتبريها نصيحة حد اتألم زيك كتير، اوعي اوعي اوعي مهما حصل إحساس الذنب عندك يزيد عن حده، صدقيني وقتها حياتك مش هتعرفي ترجعيلها وهتبقي عايشة زي المسخ وسط الناس، من كلامك أعتقد إنك مجتهدة وإن اللي حواليكي عاوزينك بالشعرة مبيحبوش الغلطات ودا من أسباب وجعك دلوقتي، إنك شايفة إن أي نقص يبقا خلاص كل حاجة باظت، بس الحقيقة إننا بشر وإن كل دا متوقع حدوثه، الفكرة بس هل هنتوب ونرجع ولا لأ، أنا بتمنالك من كل قلبي مع إني مش عارفك إن ربنا يغفر لك ويرزقك بالحب والزوج الصالح ويملأ كل حياتك فرحة وسعادة واحتواء، ربنا يجعلك من أهله ويظلك بظله يوم لا ظل إلا ظله.
تم النشر الخميس، ٣ سبتمبر ٢٠٢٦
ربنا رحيم بينا جدا.. رحيم بينا اكتر من نفسنا ف هوني علي نفسك وتوبي توبه صادقه من قلبك ورينا هيتقبلها بأذن الله واستغفري كتير وحافظي ع صلاتك واحب اقولك ان ربنا بيحب العبد الاواب ف متبقيش قاسيه علي نفسك واهم حاجه متعمليش كدا تاني
تم النشر السبت، ٥ سبتمبر ٢٠٢٦
ربنا مش بيخلص ذنب حد ف حد تانى ومش معنى إنك مكلمتيش فهتقعى مع حد مبيكلمش والعكس صحيح .. الموضوع مالوش كتالوج معين .. المطلوب منك طالما توبتى ومترجعيش تانى للموضوع وظنى ظن حسن في الله يرزقك بالافضل .. من الآخر نصيحتى ركزى ف انك تكون شخص أفضل واما التفاصيل التانية دى ترتيب ربنا.
تم النشر الخميس، ٣ سبتمبر ٢٠٢٦
يا بنتي، أول حاجة أحب أقولها لكِ إن شعورك بالذنب ده دليل على إيمانك القوي، مش على إنكِ شخص سيء أو أخلاقك وحشة. ربنا سبحانه وتعالى يعلم ما في قلبكِ، ويعلم إنكِ بتجاهدي نفسكِ وبترجعي تتوبي بصدق، وده بالضبط اللي بيخلّي التوبة النصوحة مقبولة عنده. الذنب ده مش هيخلّيكِ خارجة من رحمته أبدًا، لأن الله غفور رحيم، وهو اللي قال "إن الله يحب التوابين"، ومش هيحرمكِ من ظله يوم القيامة بسبب صراع داخلي أنتِ بتحاولي تتغلبي عليه. اللي بيحصل معاكِ طبيعي جدًا في زمن فيه الفتن كتير، والتطبيقات دي بتكون سهلة الوصول، لكن المهم إنكِ بترجعي تمسحي وتتوبي، وده بيظهر قوتكِ مش ضعفكِ. أنتِ مش "وحشة" ولا "مش محترمة"، بالعكس، حجابكِ الشرعي وسعيكِ لغض البصر بره التطبيقات بيأكد إنكِ بتحافظي على نفسكِ، والخطأ ده مش بيغير هويتكِ كإنسانة طيبة محاطة بحب. ربنا مش هيعاقبكِ على نية صالحة حتى لو وقعتِ في الذنب، طالما التوبة جاية من القلب. عشان تتقدمي، ركزي على بناء عادات يومية تقوّي إيمانكِ زي قراءة القرآن بانتظام والدعاء بإن ربنا يثبتكِ، ولو لقيتِ نفسكِ بتفكري في التطبيقات تاني، حاولي تشغلي وقتكِ بأنشطة مفيدة زي تعلم مهارة جديدة أو قراءة كتب إسلامية عن التوبة. ابحثي عن أسئلة مشابهة على فدني عشان تشوفي تجارب بنات تانيين وتاخدي منظور أوسع. أنتِ قادرة تتجاوزي ده، وإن شاء الله ربنا هيرزقكِ بالخير اللي يناسب توبتكِ الصادقة. أنا هنا لو عايزة تتكلمي أكتر.
تم النشر الخميس، ٣ سبتمبر ٢٠٢٦
انتي ممكن لما تحسي انك هتنزلي الابلكيشن اشغلي نفسك بحاجه فورا وجددي شغفك واستمري في السعي وتطوير الذات وانت باين عليكي بنت شطوره ومحترمه وان شاء الله ربنا يصلح حالك
تم النشر الجمعة، ٤ سبتمبر ٢٠٢٦
طالما انتي م مرتاحه وعارفه ان دا غلط دي بدايه التوبه امسحي التطبيق دا خالص واي حاجه شبه وحاولي اي فديوز اي حد بيتكلم ف الحوارات دي تبعدي عنه ثانيا عايزه اقولك حاجه ان افضل واحسن الناس عند ربنا اللي بيغلطو ويتوبو حتي لو كررو الغلط ميت مره بس الاهم انهم يرجعو لربنا ويتوبو ويجاهدو نفسهم ميعملوش الذنب دا تاني وكلامي دا م معناه تكملي ف اي حاجه غلط وتقولي هرجع اتوب لا خالص انا اقصد لو نفسك غلبتك ارعي لربنا وتوبي وربنا غفور رحيم وانتي محترمه جدا ع فكره م معنا اللي حصل دا انك وحشه لا طالما حسيتي انك بتعملي حاجه غلط يبقي انت انسانه نظيفه ومحترمه ونصحيتي تاني امسحي اي حاجه ليها علاقه بالموضوع دا
تم النشر الجمعة، ٤ سبتمبر ٢٠٢٦
جامعه انا حسه اني قلبي بقالي خالي من المشاعر حسه اني بقيت قسيه
تم النشر الأحد، ٦ سبتمبر ٢٠٢٦
بجد شكرا للكلامكم ربنا يفرح قلبكم يارب انا مسحت في نفس اليوم الي نزلته فيه اذكروني في دعاوتكم لعلكم اقرب الي الله مني 🥹🥹❤️
تم النشر السبت، ٥ سبتمبر ٢٠٢٦
مهو انا واللهي مببقي عوزه اعمل كده ولا ببقي مبسوطه انت فاهم قصدي ازي مقعش تاني
تم النشر الجمعة، ٤ سبتمبر ٢٠٢٦
ابعدي نصيحه مني ابعدي لان الموضوع بيتطور واغلب العيال الي على الapps بتاعت التعارف دي. مبتكونش كويسه. ويعني انتي في فتره مهمه من حياتك ركزي على اي مهاره اتعلميها وجاهدي نفسك وادعي. ربنا يهدينا كلنا يارب
تم النشر الجمعة، ٤ سبتمبر ٢٠٢٦
لعرض السؤال في فدني اضغط هنا