بصي اولا ربنا يعينك على الفتره دي لحد ما تعدي منها بسلام كل اللي اقدر انصحك بيه انك تشغلي نفسك قدر الإمكان وحاولي اتعرفي على ناس جديده صحاب او ناس ليهم نفس اهتماماتك ومعرفش ده هيفيدك ولا بس ممكن تجربي تقعدي مع نفسك وتسجلي لنفسك ريكوردات او تكتبي زي ما تحبي وتحاولي تكوني صادقه مع نفسك وكأنك بتفصصي الذكريات وكل اللي حصل وجمعيهم ببعض وابدأي شوفي اللي كتبتيه كأنك حد تاني واسالي نفسك هل انتي شايفه ان تصرفاته دي تدل على حد بيحبك اصلا؟ وهل دي العلاقه اللي كنتي بتحلمي بيها او ده الشخص المناسب ليكي؟ انتي بتقولي بقالكم تقريبا سنتين ف طبيعي كل حاجه جت بالتدريج وممكن تكوني اتعلقتي بيه بس مش شرط ده يكون حب حاولي ترجعي لقبل كده من قبل ما تعرفيه لو كنتي تعرفي انه هيعمل كل ده هل كنتي هترضي تدخلي العلاقه دي من الاول؟ ولو هو بيحبك طيب ليه مخدش ولا خطوه فعليه ليه عايزك موجوده بشكل معين مفيد ليه بس في حين ده هيستنزفك ويأذيكي جدا ف صدقيني الحياه فيها ناس احسن بكتير وكونك حد مش قابل الغلط وبعدتي عنه وخدتي الخطوه دي فانتي حد شجاع وكويس من جواه بلاش تخسري كل الحلو اللي جواكي عشان حد مهما كان لأنك تستاهلي حد اصلا يتعب ويحاول عشان يعرف يوصلك ويكون جنبك بالحلال ويحافظ على الحلو اللي عندك مش يستنزفه وفكري في نفسك وشخصيتك انتي لأنه مهما كنا بنحب حد فاللي نقدر نكمل معاه حد يخلينا احسن ونحب نفسنا اكتر مع الوقت مش العكس وطبعا انا معرفش حالتك دلوقتي بس لو الموضوع متفاقم اوي عندك وحاسه انك تشغلي نفسك مش كفايه فلو تقدري شوفي دكتور او اي حد قريب منك تتكلمي معاه وتحاولي بس تطلعي اللي جواكي وصدقيني مع الوقت هتبقي اقوى بس حاولي تشوفي الصوره على حقيقتها مش من خلال مشاعرك لانها في الغالب هتضعفك كتير وتخليكي يمكن تحسي انك خسرتي وربنا يوفقك ويعوضك خير
الله يسلمك يا رب بتمنالك كل الخير والتوفيق♥️
تم النشر الخميس، ١٩ مارس ٢٠٢٦
جزاكِ الله كل خير يا رب🌹
تم النشر الخميس، ١٩ مارس ٢٠٢٦
تسلمي يا رب على كلامك ده
تم النشر الخميس، ١٩ مارس ٢٠٢٦
لعرض الإجابة في فدني اضغط هنا