انا الحمد لله بجد الحمد لله قربت من ربنا مش بيقيت اسيب ولا اي فرض الحمد لله بس المشكله اني بسرق فلوس مثلا من اهلي مثلا اكذب و كدا يعني كبائر جدا المهم يعني انا عايزه ابطل اسرق واكذب عايزه اكرههم واقرب من ربنا الحمد لله عايزه بس ارجع احسن واكرهم بس وعايزه فعلا ولا اكذب ولا اسرق
السلام عليكم ورحمة الله وبركاته ❤️ أول حاجة متيأسيش من رحمة ربنا وطالما ندمتي وعايزة تبطلي بجد فابدئي توبة صادقة استغفري ربنا وصلي وحاولي تبعدي عن أي حاجة أو موقف ممكن يرجعك للغلط وكل ما نفسك تقولك تعالي نعمل كذا افتكري إنك وعدتي ربنا إنك تبطلي وبالنسبة للسرقة لو في حاجة اتاخدت من حد حاولي ترجعيها لصاحبها بطريقة مناسبة من غير ما تفضحي نفسك يعني ممكن تشتري للشخص هدية كتعويض عن اللي حصل فاهمه وربنا غفور رحيم وباب التوبه مفتوح وبعدين التوبة مش معناها إن الإنسان عمره ما يغلط لكن معناها إنه كل ما يقع يرجع لربنا ويحاول بصدق إنه مايرجعش للغلط تاني💕 ربنا يتقبل توبتك ويثبتك ويبعدك عن المعصيه يارب
تم النشر السبت، ١٩ سبتمبر ٢٠٢٦
انك توصلي لمرحلة انو تعرفي انو دا غلط وتحمدي ربنا انك اتحسنتي دا لوحدو حاجة كبيرة كملي في طريقك مع ربنا خلي بينك وبين ربنا حاجة محدش يعرفها غيركو اتكلمي معاة وقوليلو اللي في قلبك وهو هيقربلك اكتر نصيحة اوعي تنسيها خلي حسن الظن في ربنا كبير اوي اوي اوي
تم النشر الجمعة، ١٨ سبتمبر ٢٠٢٦
دا شيء كويس جدا انك تقربى من ربنا وعاوز اقلك ان اى طريق بعيد عن ربنا ماهو الا جحيم فكونك قربتى او بتحاولى تقربى دا شيء كويس لازم تحمدى ربنا عليه وبالنسبه لمشكلتك دا غلط طبعا والإعتراف بالخطأ جزء من الحل ادعى ربنا ع طول لإن الهدايه بإيد ربنا ولازم تستعينى بيه ف البعد عن اى معصيه لازم تعرفى ان الى بتعمليه دا عمل سيء جدا ولازم تحتقرى من نفسك وسارعى بالتوبه بعد كل ذنب حتى لو كبيره يمكن بعد مره من التوبات ربنا يهديكى الى الصواب والبعد عن الخطأ ربنا يهديكى 🤲🏻
تم النشر الخميس، ١٧ سبتمبر ٢٠٢٦
أختي العزيزة، أولاً أحمد الله معك على نعمتك بالقرب منه وعلى حرصك على أداء الفرائض، فهذا أساس قوي جدًا تبنين عليه. إدراكك للمشكلة ورفضك للسرقة والكذب دليل على يقظة قلبك، وهذا بحد ذاته خطوة كبيرة نحو التغيير. الله يحب التوابين، وهو يعلم أن التخلص من العادات السيئة يحتاج وقتًا وجهدًا مستمرًا، فلا تيأسي أبدًا. للتخلص من السرقة والكذب، ابدئي بخطوات عملية واضحة: أولها التوبة الصادقة، وهي أن تندمي بصدق وتعزمي على عدم العودة، ثم استغفري الله كثيرًا وادعيه أن يعينك على ترك هذه الذنوب. اجعلي لنفسك "حاجزًا" عمليًا، مثل أن تكتبي كل يوم ما تحتاجينه من مصروف وتطلبيه بصراحة بدل السرقة، وإذا وقعتِ في خطأ فاعترفي لنفسك فورًا ولا تبرري. كذلك، ذكّري نفسك دائمًا بأن الله يراكِ، واستبدلي الكذب بصمت مؤقت أو بقول الحقيقة حتى لو كانت صعبة في البداية. استمري في التقرب إلى الله بالنوافل والذكر، فهذا يقوي إرادتك تدريجيًا. كلما شعرتِ برغبة في السرقة أو الكذب، قولي "أعوذ بالله من الشيطان الرجيم" ثم غيري المكان أو النشاط. تذكري أن التحسن لا يحدث بين يوم وليلة، لكنه يأتي بالإصرار والدعاء. ابحثي عن أسئلة مشابهة على فدني لتستفيدي من تجارب الآخرين، وأنتِ قادرة بإذن الله على أن تصبحي أفضل مما تتخيلين.
تم النشر الأربعاء، ١٦ سبتمبر ٢٠٢٦
دا مرض، والله بجد دي حاجه نفسية
تم النشر الجمعة، ١٨ سبتمبر ٢٠٢٦
انتي عايزة تبطلي الحرام ليه؟ ..خوفا من الله و حبآ فيه..صح؟ ..طيب انتي عارفة انتي خايفة من مين و اللي انتي خايفة منه دة..يبقى مين و يقدر يعمل ايه ؟.. طب انتي عارفة اللي بتحبيه دة يبقى مين و بتحبيه ليه و هل بتحبيه فعلا ولا لا؟ ..الرسول صلّى الله عليه وسلم..قال انا اعرفكم بالله و اشدكم له خشية او كما قال الحديث . فاعرفي الله الاول ..اسمعي لحد بيشرح اسماء الله الحسنى..و بعدها هتلاقي كل دة وقف بأمر الله..الله مستحيل يؤذى عبد يريد التقرب اليه و يتركه..لكن المهم يكون العبد فعلاااا صادق
تم النشر الجمعة، ١٨ سبتمبر ٢٠٢٦
المال من الأشياء المحببه للنفس ف هذا اختبار من الله لكِ إما أن تأخذي هذا المال بطريقة حلال أو تختاري الحرام فعليكي أن تجاهدي نفسك وتذكري دائما أنك تريدين الحلال. وأما الكذب نابع من خوفك من البشر وأنتي لست مضطرة أن تخافي من بشر الخشية تكون من الله فقط
تم النشر الجمعة، ١٨ سبتمبر ٢٠٢٦
لعرض السؤال في فدني اضغط هنا