انا مخطوبة لحب عمرى اكتر من ٨ سنين حب مع بعض واستحملت كل الظروف لحد م اتخطبنا ،المهم دلوقتى فرحنا قرب ومشكلته انه شغله اتأخر ودور على شغل فى كذا مجال تانى بس للاسف مش بيتوفق وأهله كانو مفهمينه انهم هيساعدوه ودلوقتي مش راضين يساعدوه هما جابو حاجات بس مجابوش كل اللى اتفقنا عليه وبيقولوا ان كتير
وفى حاجات مفروض ع العروسة زى السجاد والستاير بس بابا كان متفق عليهم وكانو موافقين دلوقتى لما الفرح قرب وحجزنا كل حاجة وعلى أساس هيساعدو ابنهم بمبلغ يكمل الجواز ويفتح مشروع بس هما عمالين يضيعو فى الوقت ومش قاضيين مصلحة وخطيبي حكالى وصارحنى وقالى انا هجيب اللى اتفقت عليه بس قدام أهلى هقول انك انتى جيبتى السجاد والستاير وتقفيلة المطبخ وانا بجد على اد ما مبسوطة منه على اد ما خايفة ادخل مع الناس دى
مع العلم هسكن فى شقة بعيد عنهم مش فى نفس البيت وبرضوا خايفة لأنهم خلقوا كذا مشكله عشان يكرهو خطيبى فيا وحركاتهم باينة بيبوظو الجوازة بس مش بيقولو كدا بطريقة مباشرة بس كل حركاتهم بتقول كدا
انا خايفة اوووى ادخل وسط الناس دى بجد وفى نفس الوقت مش قادرة اخسر حب عمرى
مع العلم هو ولد وحيد على أربع بنات
هو اتقدملى كتير اوووى واهلى كانو بيرفضو بسبب انه كان لسه طالب وبعدين وافقو بيه وحبوه اوووى وكله بيقول عليه كويس بس مشكلته ظروفه وحشه اوووى وهسكن فى شقة إيجار وهو لسه مش معاه شغل ودى حاجة مخوفانى وبرضوا مشاكل اهله مخوفانى اوووى
واهلى اللى يقولى خليكى واستنى واللى يقولى وعليكى ب ايه سيبيه وتاخدى واحد جاهز افضل وأهله شارينيك
اعمل ايه
والسلام عليكم ورحمه الله وبركاته الحيره والتناقض اللي موجودين جواكي صعبين جدا في حاجه في اقصى اليمين وفي حاجه في اقصى الشمال انا شخصيا احترت طول ما انا بقرأ السؤال بتاعي هل انت فعلا يعني متمسكه بخطيبك قوي وبتحبيه قوي قوي قوي للدرجه دي ولا انت يعني عادي اه بتحبيه وكل حاجه ولكن عندك اولويات اخرى ممكن تقرري قرار مش علاقه خالص بالتمسك وتسيبيه من اجل انك تشوفي حد يكون مناسب لك اكثر من كده هنا أنا عايزاك تسالي سؤال لنفسك عشان تقدري تشوفي انت هتروحي لاني اتجاه هو انت بتحبيه علشان الحب اللي هو بيحبه لك وتمسكه بيكي ولا انت بتحبيه علشان فعلا هو شخص كويس ومناسب ليكي وانت حاسه معاه بامان وارتياح محتاجه تجاوب السؤال ده ما بينك وما بين نفسك بكل صدق وبكل شفافيه لانك لو بتحبي عشان الحاجات اللي هو بيعملها تجاهك او عشان حبه ليكي فهنا هيكون في جزء ظلم ليه لانك ممكن تؤاخذه تقولي له لا انا مش حاسه ان انا عايزه اكمل معك وده حيكون صادم جدا للشخص ده وحاجه لكن لو بتحبيه عشان فعلا الشخص ده شخص مناسب ليكي فهنا هنبدا بقى اقول لك رايي في الموضوع واقول لك الظروف الماديه ممكن تتغير طالما الشخص كويس وسايبه له هو بيحاول يعتمد على نفسه لانه لو هو في الاساس معتمد على اهله ومستني لاهله هيعملوه هنا انا هقول لك ممكن تخافي لانه لو من دلوقتي تكاسل شويه في انه يدور على شغله معتمد ان اهله. هيساعدوه وهيجيبوا له وهيعملوله فده يشوطك انه ممكن بعد الجواز اصلا الوضع يستمر على كده ويفضل ياخد منهم مساعدات واا ما يشتغلش فيبقى الوضع من اسوا. لكن انت كويس قوي في صفقاته يعني هو فعلا شخص لا بيعتمد على نفسه ولا لا وده اللي هيحدد لك اذا كان يستاهل انك تستحملي معايا الظروف الاولانيه دي ولا لا؟
تم النشر الأربعاء، ٢٥ يونيو ٢٠٢٥
بصي أنتي أجلي الفرح شويه وشوفي الدنيا أي ولو أهل خطيبك مسيطرين عليه بشكل دا سيبه أحسن وكمان لازم برضوا يكون أهل جوزك بيحبوكي ومتقبلينك عشان ممكن بعد الجواز تدخلوا في مشاكل أكبر من كدا ويحاول يفرقوكم عن بعض يأما لو هتعرفي تكسبي قلبهم بس قبل الجواز كملي الجوازة
تم النشر الأربعاء، ٢٥ يونيو ٢٠٢٥
مرحباً بكِ يا غالية، وشكراً لكِ على ثقتك لمشاركة هذه المشاعر والهموم الكبيرة التي تمرين بها. خليني أساعدك خطوة خطوة، ونحاول نفهم التحديات معاً. بالنسبة لمشكلة أهل خطيبك: واضح أن أهله لم يلتزموا بالدعم اللي اتفقتم عليه، وهذا طبعاً عبء يثقل عليكم، ويستفز مشاعرك. هذا أمر مزعج ومؤلم. هو بيحاول يبعدك عن هذا الموقف قدر الإمكان، عشان يحميك من إحراجهم وتحسسهم، وهذا يدل أنه فعلاً يحبك وبيحاول يحمي لك العلاقة. كوني واعية أن تدخل أهل الطرف الآخر في تفاصيل الزواج مثل الأمور المالية والأثاث غالباً يكون فيه خلافات، خاصة لو عندهم توقعات أو أفكار مختلفة. نصائحي لكِ: التواصل مع خطيبك بشفافية وصراحة: حاولي تتحدثي معه بصراحة عن مخاوفك، وخدي منه وعد بأنكما ستكونان فريق واحد أمام أية تحديات. تفكيك الخوف: أنت سكنتِ في شقة بعيدة عنهم وهذا جيد لأنه يقلل من احتكاكك المستمر معهم. مخاوفك طبيعية، لكن حاولي تتحكمي في قلقك بالتخطيط الجيد للحياة مع خطيبك. ادخلي في مرحلة "تفاهم وتنسيق" مع خطيبك حول الأمور المالية وكيف ستتعاملان معها، خصوصاً في مرحلة عدم وجود شغل ثابت له حالياً. تحملي مسؤولية دورك بالرفق: لا تتوقعي أن كل شيء سيأتي من أهل خطيبك، أحياناً الحوار والطلب المهذب يفتحون آفاق. كوني قوية ومتمسكة بحبك، ولكن لا تجعلي حبك يغيب عنك حكمتك: انظري إلى حاجتك للاستقرار، والحياة السعيدة لا يجب أن تكون على حساب نفسيتك أو كرامتك. معرفة أن أهلك شجعوك على هذا الشاب بناءً على فضائل شخصيته وليس على وضعه المالي الآن، وهذا دعم مهم لكِ. على الجانب الآخر، طالما الفرحة قريبة والأمور المالية ضاغطة، من الأفضل أن تخططوا معاً لعدة أشهر مقبلة، مع وضع خطة لجني دخل مستقر. أمور عليك الانتباه لها: إذا لاحظتِ أن تصرفات أهل خطيبك تسيء لك أو تؤثر على نفسيتك بشكل مستمر، من الأفضل تحاولي استشارة خبير نفسي أو مستشار أسري يمكنه أن يقدم لك الدعم العملي والنفسي، وتوجهي لها من خلال صفحة الخبراء على فدني: https://www.fedni.net/experts لا تترددي في البحث عن تجارب مماثلة على فدني، فالمجتمع هنا مليء بالنصائح الواقعية من نساء مررن بأمور قريبة منك. خلاصة: أنتِ في موقف يحتاج صبر، تواصل، وتخطيط، والشيء الجميل أن خطيبك يحبك ويحلم ببداية ناجحة معك رغم كل يوم يمر بصعوباته. لا تجعلي الخوف يسرق منكِ فرصة سعادتك، وخذي خطوات صغيرة ومدروسة، واطلبي دائماً الدعم من الله بالدعاء. لو حابة، أنا دايماً هنا معك يا عزيزتي ذكية في فدني، تفضلي اسألي وأشاركك أفكاري وحتى نساعدك تضبطي تفاصيل حياتك الجديدة.
تم النشر الثلاثاء، ٢٤ يونيو ٢٠٢٥
متوفقيش انو تتجوزو بدون انو يمسك اي شغل لانو انتي برضو عندك متطلباتك
تم النشر الخميس، ٢٦ يونيو ٢٠٢٥
اوعي توافقي قبل مايمسك شغل. تبقي ظلمتي نفسك قوي ، ليه العجلة ، لازم يعتمد على نفسه كليا بعدها ممكن تتقربي من اهله وكده
تم النشر الأربعاء، ٢٥ يونيو ٢٠٢٥
رأيي ان تتمهلوا وتسألوا اكثر عن الولد وسمعته لأن مادام اهله مش كويسين ممكن هو يطلع عنده حاجات خافيها مش كويسة ..
تم النشر الأربعاء، ٢٥ يونيو ٢٠٢٥
لعرض السؤال في فدني اضغط هنا