واحده من اكتر الحاجات الصعبه اللي مريت بيها ان ميبقاش عندي طاقه مش مثلا عشان يوم كان وحش او اسبوع وحش او الكلام دا او فصلت فهشحن وارجع
لا معندكش طاقه لأبسط امور حياتك انك تقوم مالنوم معندكش طاقه ولا قادر تصحى ليوم جديد انك تصلي من غير طاقه تمارس حياتك بالعافيه حرفيا ومحدش حواليك فاهمك ولا عارف اي جواك كله فاكر انها لحظه مؤقته بس بالنسبالك عمرها ما كانت لحظه مؤقته دا بقا يومك العادي
وقلة الطاقه جيالك من الانهيارات الداخليه والتراكمات والأذى النفسي اللي خلاص مبقتش قادر تشيله جواك حرفيا انت مهما حكيت محدش هيتحط مكانك ولا هيعرف قد اي بتعاني ...
بتحاول تعيش يومك قد متقدر بمسئولياتك تحاول ترضي عيلتك امك ابوك اخواتك صحابك تحاول تسمعهم وتبقا جمبهم لانهم مسئولين من يومك ومنك تحاول تنزل تتعايش مع البشر فالشارع بس ييجي يتقلك اصلك اناني او حتى تتعاتب بس هي بقت فكرة انك تحس ان في عتاب هيتحط عليك اصلا دي تموتك لوحدها ..
لان مش قادر انت بتحاول تقوم بمسئولياتك بتحاول تعيش بتحاول تصلي بتحاول بتحاول وكل مدى بتعيش يوم اصلا انت مش قادر تعيشه عايشه بالعافيه ...
وترجع تفكر أناني ؟ انا اناني ؟ انا مبفكرش في اللي حوليا طب ولما كدا اللي وصلتله دا وصلتله من اي ؟ عشان اناني اديت اخر طاقه واخر حب واخر كل حاجه فيا للي حوليا عشان يتقلي انت أناني ؟
ويا عيني لو قصرت عشان بتحاول تختار نفسك هيتقال اااه مش فارق معاه حد واناني بزياده عشان انت معدتش بتقدر تدي للي حوليك اللي اتعودوا عليه منك ..
وبترجع لنقطة الصفر والبدايه انك خلاص مضيقه عليك من كل اتجاه ومقفله بضبه ومفتاح انت لا عدت قادر تقوم ولا تعمل حاجه ولما بتقرر تقوم بتهمد من كتر ما رجلك مش شيلاك ولا في اي حاجه فحياتك ماشيه لا مثلا لا في حب ولا في شغل عمال بس يوميا تدور فنفس الدايره ومفيش أبدا نقطة نور تشوفها تحس حتى انك عايش ومحدش لا فاهمك ولا حاسس بيك بس كله اللي هامه نفسه
انا عمري مقللت من مشاعر حد دايما بسمع الكل ومكنش عندي اي مانع ادفن اي زعل عندي عشان اللي حوليا اقومهم بس معدتش قادره ومش عارفه ارتاح
مش عارفه ارتاح لان الحياه ماشيه بيا مش عارفه افصل منها مش عارفه اوقف اي حاجه مش عارفه مثلا انام يوم كامل عشان خاطر لو مقومتش اساعد امي هتتعب اليوم دا مش عارفه اخرج لوحدي اشم نفسي عشان خاطر ابويا هيحطلي ميعاد ارجع فيه وهحس كإني بطلب حاجه غريبه اي عاوزه تقعدي مع نفسك بتمري بإي يعني ؟!
مش عاوزه أسئله مش عاوزه أجاوب مش قادره حتي اجاوب لو قلت يعني هيتقال ايوا يعني مريتي بإي مخليكي تعبانه ...
مش عارفه اسافر القاهره مثلا عشان احاول اجري ورا حلمي يمكن احس اني عايشه والسبب ان ابويا مش هيسبني لوحدي اصل عيب البنت تعيش لوحدها .. مش عارفه حرفيا أتنفس
روحت يمكن طلعتلك يومين صيفت فصلت دماغك دماغك اللي شغاله مش راضيه تقف واول ما ترجع ما انت رجعت تاني للي كنت فيه فصلت الف مبروك كمل بقا اوفر ثنكنج لحد ما تموت مجلوط
مفيش اي مخرج مفيش اي حد يفهمني مفيش اي حد يقدر اللي جوايا مش اللي هو بقا بكلام وانا جمبك ومتقلقيش لا انا اصلا من كتر ما مبقاش جوايا حاجه بقيت غصب عني جعانه لناس تحن تقف تبقا موجوده تطبطب
تعبت من كتر ما صمدت وتحملت وراكمت ومخلتش حد يحس بيا عماله اضحك واضحك واضحك عشان خاطر مبينش انا طول عمري اه احس بزعل بس اضحك عالاقل احس بطعم الضحكه دلوقتي بقيت حقيقي بمثلها من كتر ما هي مش راضيه تطلع من قلبي ...
وييجي حد يقولي هو انتي هتاخدي طاقه واول ما تخلص ترجعي تاخدي مني طاقه .. يعني فالآخر برضه هتشاف وحشه ..
اتشاف زي متشاف بس انا تعبت ماللي وصلتله ونفسي حد يقرأ كل كلمه انا متعودتش احكي ويعز عليا جدا ان حد يشوف بتألم او مكسوره او مش قادره انا اتعودت دايما اني اكون مصدر نجاه للي حوليا وبهجه وسعاده ولكن لما اوصل لنقطة اني مش عارفه احقق حتي لنفسي دا او عشان معدتش قادره أدي بكفائتي قبل كدا يبقا لازم اعرف اعمل اي بس لإني حقيقي معدتش قادره .
آسفه اني طولت عليكم
السلام عليكم ورحمه الله وبركاته. خليني الاول اقول لك انه كل اللي انت بتوصفيه ده من حاله انسحاب للطاقه وعدم القدره على ااا الامور الحياتيه الطبيعيه وده بياخد مني بيحس انه بياخذ طاقه كبيره جدا وانت مش قادره عليها كل اللي وصفتيه ده احتراق نفسي يعني ايه احتراق نفسي زي بالضبط كده عود كبريت واولع في اوضه الكبريت ده ويفضل يولع يولع يولع لحد الاخر يعني خلاص بقى اتحرق بقى فاهمه هقدر استخدم العود ده مره تانيه حتى لو حاولت وولعته من نار ثانيه ومش هيبصمد معايا كثير هيولع بس شويه صغيرين قوي وهتطفي ثاني بسرعه جدا ليه لان هو بالفعل انا اخدت كل الطخه اللي فيه هو عود خشب رفيع قوي طب طبعا احنا مش عود خشب احنا عندنا طاقه اكثر من كده بس لما بنعدي باوقات كثيره جدا. خلي بقى ان انا جبت شجره وعملت فيها زي عود الكبريت ده. سايبه النار ولعه طول الوقت سواء الصبح او بالليل طب ما هو الصبح في في نور انا انا مولعه النار ليه في الشجره دي ليه بقنع الشجره دي انك طول الوقت محتاجه تدي من الطاقه اللي عندك ما ينفعش في اي وقت تتطفي طول ما انا بقنع في الشجره كده هتفضل النار. كل من طاقه الشجره تاكل منطقه الشجره لحد ما الشجره تتحول لفحمه لونها اسود ويبقى صعب جدا ان هي ترجع اا تدي طاقه مره تانيه اقدر اولع بيها نار ثانيه تنور في الوقت اللي فعلا محتاجين فيه نوف. ده مثال توضيحي عشان يوري يوريك يعني احتراق نفسي احنا بقى مش زي الشجره ومش زي الخشبه وندفعهم خالص وما بنرجعش لا الحمد لله النفسيه دي ااا تبقى زي الزرعه اللي بتدبل بس نقدر ان احنا نعتني بيها تاني لحد ما ترجع كده تظهر من جديد. طيب. ايه الاسباب في البدايه الاسباب حاجات كتير حاجات كتير تعدي كبيره او صغيره مش هتفرق خالص وانا عمال ادي طاقه من غير ما اشحنتهم دي نقطه مهمه جدا وما بناخدش بالنا منها كلنا كلنا ممكن ابقى طول اليوم بقد مسؤولياتي وبعمل اللي عليا وبعمل الوجبات اللي عليا وبمشي ورا حلمي وبعمل الفروض اللي عليا في كل حاجه طب هل انا باخد؟ الحقيقه انه اللي باخده ما بلحقش اشحن بيه برضو بحرقه على طول. فاحنا محتاجين ان احنا نرجع نعمل توازن ثاني في الحياه علشان نبقى بنشحن في وقت زي الموبايل كده لازم اسيبه يشحن عشان ما يبقاش اللي بشحنه بستخدمه في نفس الوقت طول ما انا ماسكاه فمحتاجه وقت اشحن فيه واكون عارفه ايه الحاجات اللي بتشحني في الحياه كل شخص بقى عنده حاجات مختلفه بتشحنه نفسيا في حد لما بيقعد مع نفسه بيتشحن نفسه في حد ما بيقعد وسط اصحابه بيتشحن نفسيا في حد لما بيسافر بيتشحن كل واحد له طريقه. هل انت مكتشفه طريقتك دي؟ عارفه انك ممكن تطلعي من وسط الكلام اللي انت قلتيه انه اه طب ما هو فيه حاجات انا عارفه ان هي هتشحني نفسيا بس هم مش هيسيبوني في حياتي هم مش هيدولي للفرن. دلوقتي طاقتك ضعيفه فتحسي اي حاجه صعبه. عشان كده انا بقول لك وبكل بساطه كوني انانيه. جزئيه الانعاميه دي فيها خدعه كبيره جدا بنتعرض لها كلنا انه لو انت اخذت وقت لنفسك وسبتنا وما قعدتش معانا تبقى اناني لو انت فكرت بس في انك تكوني انت مرتاح ومش مهم احنا يبقى انت اناني الحقيقه انه احنا محتاجين يكون عندنا وقت احنا انانين فيه والا زي ما احنا لسه قايلين مش هنعرف ندي لانه هيكون اللي عندنا خلص الطاقه اللي عندنا خلصت هديكوا ايه بقى ما انا لو ما كنتش اناني في وقت من الاوقات واديت لنفسي اللي هي محتاجاه انا مش هاعرف اني ادي غيري مش هعرف ادي اللي بيحبوني مش هعرف اسمع لهم زي ما بسمعهم مش هعرف اقف جن من السؤال بتاعك ممكن اكون مش هناقشها بشكل مفصل معاكي في الاجابه لانه اغلبها هو نابع من الحاله السلبيه اللي انت فيها. لكن كل ما نتخلص من الحاله السلبيه دي هتبدا نظرتك تختلف للحاجات دي.بهم وقت ما يحتاجوني فكوني اناناس وفي الوقت اللي انت فيه انانيه اي حد يقول لك اي اي انا انانيه دلوقتي تقبلوا انا نيتي ولو مش قادرين تتقبلوها براحتكم. اللي قدامك اللي بيطلب منك انك طول الوقت تكوني بشكل محدد هو اصلا شخص اناني وما ينفعش يوصفك بالاناناس كلنا محتاجين الانانيه فكوني انانيه وانت مبسوطه اه عايزه ابقى لوحدي اه مش عايزه حد معايا اه عايزه اعمل الحاجه دي ليا انا بس اه انا عايزه اخذ البيتزا دي ليا انا بس مش عايزه حد يشاركني فيها اه انا في وقت هحتاج اعمل فيه كده مش انا اجي في وقت ثاني اعرف اشارك.
تم النشر الثلاثاء، ٥ أغسطس ٢٠٢٥
عزيزتي، أولاً أحب أقول لك: لا تعتذري أبداً عن الكلام اللي خرج من قلبك، لأن هذا الكلام مهم جداً ويعبر عن عمق ما تمرين به من ألم وحيرة. أنتِ لم تطيلي، بل شاركتيني لحظة صادقة من حياتك وأعطيتيني فرصة لأكون معك خطوة خطوة، وهذا بحد ذاته شرف لي. قرأت مشاعرك وكأنك تحملين حمل الدنيا كلها فوق كتافك، تشعرين بثقل لا ينتهي، طاقة مفقودة، وداخل قلبك جروح متراكمة لا يراها أحد. هذا الشعور العميق بالعجز والإرهاق النفسي له صدى كبير في كثير من الناس، وأنتِ لست وحدك في هذا الطريق الصعب، حتى وإن بدا لكِ ذلك. خليني أساعدك ننظر معاً إلى نقاط أساسية ممكن تبدأي منها لتخفيف هذا الثقل: الاعتراف بأنك بحاجة للراحة مش ضعف بل حكمة أن تعرفي متى تحتاجين توقفين وتتنفسين. حتى جسمك وروحك يحتاجوا فترة يتعاملوا فيها بلطف. ليس مطلوب منكِ أن تتحملي كل شيء بنفسك وحدك. تحديد الأولويات بواقعية لا تحتاجي لإرضاء الجميع دفعة واحدة. الحياة ليست سباق، وأحياناً تقولين "لا" هو فعل شجاعة وليس أنانية. اختاري المسؤوليات التي تستطيعين تحملها الآن، والباقي ممكن ينتظر. طلب الدعم المناسب ذكرتِ أنكِ تشعرين أن لا أحد يفهمك، وهذا طبيعي، لكن في بعض الأحيان، مشاركة مشاعرنا مع مختص نفسي أو مدرب حياة يمكن أن تساعد على تخفيف الحمل وتقديم أدوات عملية تعينك على التعامل مع الألم النفسي. العناية بالنفس من منظور إسلامي الاعتناء بالنفس والراحة جزء من الطاعة، لأن الإنسان إن لم يعتنِ بنفسه كيف سيخدم الآخرين؟ فتذكري أن الدعاء واللجوء إلى الله مصدرك الأساسي، واطلبي منه العون والقوة في صلاتك، فهذا يمنحك سكينة وطمأنينة. تغيير الروتين خطوة بخطوة حاولي تضعي أهداف صغيرة وسهلة يمكنك تحقيقها، مثلاً: قراءة آية أو سورة تحبينها يومياً، المشي في مكان تحبيه لو حتى 5 دقائق، أو الكتابة عن شعورك في دفتر (حتى لو كان بسيطا). هذه الخطوات الصغيرة تجمع قوة مع الوقت. حماية طاقتك النفسية حاولي تقليل المخاوف والتفكير الزائد قدر الإمكان، واعطي لنفسك حق أن تقولي: "هذا الوقت لي، وسأهتم بنفسي الآن." عزيزتي، الحياة أحياناً تكون صعبة جداً وحينها تكون القوة في الاستسلام المؤقت والاعتناء بالنفس، وليس في الصمود بعنف. أنا هنا معك، وتذكري أن منصة فدني تحتوي على خبراء نفسيين ومدربين حياة يمكنهم مساعدتك بشكل متخصص، يمكنك زيارة صفحة الخبراء على fedni experts لتجدي من يناسبك. وأيضاً لو رغبتِ، بإمكانك تصفح أسئلة أخرى في فدني تشبه حالتك، لأن تجربة الآخرين قد تضيء لك طرقا جديدة للخروج من هذا الدوامة. أنتِ قوية حتى وأنت تشعرين بالضعف، وهذا بداية الشفاء. لا تترددي في طرح أي سؤال أو مشاركة جزء من رحلتك معي هنا في أي وقت، أنا معك دائماً يا ذكية القلب. دمتِ بخير وبركة، وأعانك الله على كل ما تمرين به. 💛
تم النشر الخميس، ٣١ يوليو ٢٠٢٥
لعرض السؤال في فدني اضغط هنا