السلام عليكم، طالما تبتِ وندمتِ خلاص تيقني إن ربنا تقبل توبتك واعزمي على عدم تكرار الذنب واستغلي الألم اللي حاساه دلوقتي بسبب ذنبك في إنه يدفعك تحسني من حجابك وتقربي أكتر من ربنا. "رُب معصية أورثت ذلًّا وافتقارًا خير من طاعة أورثت عزًّا واستكبارًا" *** كلام صاحبتك مش صحيح. حسناتك السابقة مش هتتمحي بالعكس، السيئات بعد التوبة هي اللي بتتمحي وبتتبدل حسنات. "التائب من الذنب كمن لا ذنب له" *** متسمعيش لوساوس الشيطان عشان دي من أساليبه إنه يستغل إحساسك بالندم عشان يخليكِ تيأسي من رحمة ربنا ومغفرته ويخليكِ تكملي في طريق الغلط. استعيني بالله وقربي لربنا واحدة واحدة وتدرجي في العبادات والطاعات ومع الوقت هتلاقيها أسهل وعلاقتك بربنا بقت أفضل. بالتوفيق.💚💚
هي ممكن الفكرة دي شبيهة بفكرة الإيمان في القلب ومش مهم أنا لابسة إيه طالما بعبد ربنا، بس الحقيقة إن جزء كبير من عبادة ربنا هي طاعة أوامره. أنتِ ممكن تتعرفي أكتر على معاني الإيمان والعبودية وتقربي أكتر من ربنا وافهمي الحجاب أكتر ومعناه وليه تختاري تلبسيه واستعيني بالله أهم حاجة وإن شاء الله أي شكوك أو أفكار مش في الطريق الصح تبعد عنك. بالتوفيق.❤️
تم النشر الأربعاء، ٢٣ سبتمبر ٢٠٢٦
العفو🥰، عادي كلنا بيجي علينا لحظات وبنضعف ونقع في ذنوب ممكن حتى مكناش نظن إننا نقع فيها وممكن تراودنا أفكار مختلفة عن اعتقاد ثابت جوانا وممكن الشيطان يوسوس لنا. فأنتِ ترفقي بنفسك واعتبري اللي حصل كان لحظة ضعف قُدام فكرة راودتك.
تم النشر الأربعاء، ٢٣ سبتمبر ٢٠٢٦
@mai mahfouz صراحة أنا زعلانه إني خلعته عارفه إنه فرض لكن اللي مستغربه منه إن فكرة اني لو خالعه الحجاب وبعبد ربنا وعارفه في الدين بحس انه حلال كل تفكيري متمحور حول التفكير دا بالرغم اني عارفه انه حرام مش عارفه اي مشكلتي ،،شكرا ليكي🙏
تم النشر الأربعاء، ٢٣ سبتمبر ٢٠٢٦
لعرض الإجابة في فدني اضغط هنا