السلام عليكم ورحمة الله
انا بنت عندي 15 سنة في اولي ثانوي وبنزل دروس وفي بنت بتاخد معايا في درس الإنجليزي ودرس العربي البنت دي كانت معايا في الإعدادية فهنسميها فلانة فلانة دي انا وهيا كان مبينا مشاكل كتيره وياما اتخانقنا ووصلت لمد الأيد وبغض النظر مين فينا الغلطان بس في النهاية اتصالحنا او مش اتصالحنا اوي بس بقينا بنتعامل عادي المهم بعد كده حصلت مشكلة كبيرة جدا بيني وبين واحدة صحبتها وكام موقف بعدهم حصل معاها ووصلت ان احنا رجعنا اتخانقنا تاني المهم ان الكلام دا حصل لما كنت في تانية اعدادي وبعد كده فلانة فضلت كل م تشوفني تبصلي بقرف ومن فوق لتحت طولت اللي فضل من تانية اعدادي لحد حتي 3 اعدادي بس دا في فترة الإمتحانات بس لاني في 3 اعدادي مكنتش باخد دروس اصلا بس بدات اخد دروس من اولي ثانوي
وللاسف لقيتها بتاخد معايا في اكتر درس انا بحب انزله درس الإنجليزي ودرس العربي
ومع ذلك مبطلتش حركاتها انه تفضل تبصلي بقرف ومن فوق لتحت وكدا انا كنت بتجاهل دايما وبعدي دا كلوا ولما الاقيها بتبحلقلي بقرف ببعد نظري عنها بالرغم من اني حساسة جدا وحاجه زي دي في حد ذاتها بيكون ليها تاثير علي نفسيتي وبضايق وبفضل متنكده بسببها ومبحبش اوقفها عند حدها عشان هي بنت مش متربية وسهل جدا انها تتطاول عليا بالكلام وتوصل عادي جدا انها تتطاول بالإيد لانها عيلة بلطجية فبطنش دايما نظرتها ليا دي وكنت بقول طالما مبتعمليش حاجه ف اتجاهلها ولا اكني اعرفها لكن بجد بجد انا طفح بيا الكيل من تصرفتها وكل شويا اعدي واطنش وحسيت انها بدات تتمادي زي مثلا انهاردة لما كنت في درس عربي واحنا مروحيين فضلت بصالي جامد وهي عمالة تقول بصوت عالي "انا عايزه اضرب حد " بجد يجماعه هي تخطت حدودها جدا معايا وانا تعبت وزهقت والموضوع دا تعبني نفسيا جدا ومبقتش مركزه في مذاكرتي نهائي عايزه حل للي انا فيه دا علي الأقل اخليها تصفي من نحيتي وتبطل تكرهني وتبصلي بقرف تتعامل معايا عادي او اوقفها عند حدها لاني عندي احساس ان انا بتجاهلي لتصرفتها دا بيخليها تتمادي معايا وتشوفني قليلة لانها بتبصلي نظرات استنكار واحتقار جامدين اوي ولا كاني نكرة انا بجد مش فاهمة هي بتعمل كدا ليه يعني لو حد اتعرض لشخصية زي كده ياريت يفيدني ويقولي هي بتعمل معايا كدا ليه واتصرف معاها ازاي عشان اوقفها عند حدها وتبطل تحتقرني يجماعة اقسم لكم بالله انها بتحتقرني اكتر حتي من الحيوانت بجد ربنا ياخدها دي تطيق العمي ومتطقنيش بتكرهني كره مش قادرة استوعبه
وعليكم السلام ورحمة الله، يا بنتي. أولاً، أقدر تمامًا مدى الضغط النفسي اللي بتمرين بيه، وإنك بتحسي بالإحباط والكره الموجه ليكِ من شخص كان في حياتك من قبل، وده بيأثر على تركيزك ونفسيتك. اللي بيحصل ده مش مجرد "نظرات"، ده نوع من التنمر المستمر اللي بيخلّي الإنسان يشك في نفسه، وده طبيعي جدًا في سنك، خاصة مع تاريخ الخلافات القديم. من منظور نفسي واجتماعي، اللي بتعمله البنت دي غالبًا نابع من مشاكل داخلية عندها: عدم نضج، أو شعور بالنقص، أو رغبة في السيطرة والشعور بالقوة من خلال إذلال الآخرين. التاريخ المشترك بينكم بيخليها تستمر في التصرف ده كوسيلة للحفاظ على "الصورة" القديمة، ونظراتها وكلامها العالي زي "عايزة أضرب حد" دليل على أنها بتحاول تستفزك لتردي وتثبت لنفسها إنها أقوى. تجاهلك السابق كان صحيحًا في البداية، لكنه دلوقتي محتاج يتطور لاستراتيجية أقوى: ركزي على بناء ثقتك بنفسك من خلال إنجازاتك الدراسية، لأن التركيز على مذاكرتك هيخلّيها أقل أهمية في حياتك اليومية. عمليًا، جربي الخطوات دي: أولاً، حددي موقفًا واضحًا في ذهنك إنك مش هتسمحي لنظراتها تؤثر على مزاجك، وكل ما تشوفيها قولي لنفسك "ده مش عني، ده عنها". ثانيًا، لو الموقف تكرر ووصل للكلام العالي أو التهديد، فكري في التحدث بهدوء مع مدرس الدرس (مش مواجهة مباشرة معاها) ووصفي الموقف باختصار كـ"إزعاج مستمر" بدون تفاصيل كتير عشان تحمي نفسك. ثالثًا، ادعي الله إنه يبعد عنك الشر ويمنحك الصبر والقوة، وتذكري إن قيمتك مش مرتبطة برأيها أبدًا. لو استمر الموضوع وأثر عليكِ أكتر، ابحثي عن أسئلة مشابهة على فدني عشان تشوفي تجارب بنات تانيين وتستفيدي من وجهات نظر إضافية. أنتِ قوية، وهتعدي الفترة دي بإذن الله.
تم النشر الجمعة، ١١ سبتمبر ٢٠٢٦
تجاهليها نهائي ولو خلاص هتنسى نفسها وتعيش الدور دخلي حد اكبر منك من اهلك علشان لو هي بلطجية كدا مش هتقدري عليها وهتعملك مشاكل انتي ف غنى عنها بما انك ف مرحلة الثانوي،،،حصلت معايا مشكلة ف تالته اعدادي مع شلة بنات مش سهلين والله وانا كنت لوحدي بس انا بطبعي مش بعرف اسكت عن ال بيستحقرني او بيتكاتروا عليا ف مسكتهم هزقتهم وحدة وحدة قدامهم كلهم وكانوا بيردوا عليا رد اطفال مش عارفين يدافعوا عن مفسهم لما عرفتهم مقامهم وطلعت كل وحدة من المقلب ال هي وخداه ف نفسها.. و وحدة كانت عاملة نفسها زعيمة الشلة دي هزقتها إكسترا تهزيق بقا قدامهم وشها أحمّر ورجعت لورا وهم بصوا لبعض حسسوني انهم اول مرة يتخانقوا مع ان حياتهم خناقات مع كل بنت شوية بس انا تجاهلتهم ف الاول واستأذنت من والدي و والدتي اني هقول للمستر ف الدرس لأن سبب المشكلة كان ليه علاقة بالدرس ف قولت للمستر بالفعل ومعملش حاجة ف خدت حقي بنفسي مع اني كنت لوحدي والله الحمدلله بس ربنا أعانّي عليهم ،،، كنت لوحدي وكنت بقفل امتحانات الدروس ال هم معايا فيها وطلعت الأولى بفضل الله ف تانية اعدادي الترمين و تالته اعدادي اول مكرر ،، زعيمة الشلة بتاعتهم دي كانت الوحيدة ال بتطلع فيهم م الاوائل كانت مركز سادس ..ف أولى ثانوي صحبة مشتركة بينا صالحتنا وانا ال بدأت الصلح علشان هم كانوا مكسوفين😂 ودلوقتي داخلين اولى جامعة دعواتك ولو حد جاب سيرة الموضوع ده بنضحك 😄
تم النشر الجمعة، ١١ سبتمبر ٢٠٢٦
من رأيي الأفضل انك تتجاهليها خالص كأنها مش موجوده قدامك أصلا ده يحرق .مها أكتر وبعدين اشكال البنات البلطجية دي اللي هي مش شبهك متركزيش معاها لان خسارة تضيعي وقت في التفكير فيها ولو الموضوع مدايقك زيادة وهي زودتها بتصرفات مباشرة معاكي لازم تكلمي حد من اهلك هو اللي يتصرف
تم النشر الجمعة، ١١ سبتمبر ٢٠٢٦
لو معاكِ أخت كبيرة أكبر منك أحكيلها طالما الموضوع مأثر عليكِ وهي هتتصرف زي مثلًا تصالحكم على بعض أو على الأقل تكون عارفة تصرفات البنت دي عشان لو حصلك حاجة، المهم أنت كلمي من أهلك أكبر منك وهو هيساعدك عادي تطلبي المساعدة خاصةً إن نفسيتك مهمة وأنتِ كمان لأزم تحافظي على نفسك عشان محدش يضرك!
تم النشر الجمعة، ١١ سبتمبر ٢٠٢٦
لعرض السؤال في فدني اضغط هنا