بصي هو حصل معايا حاجات كتيره اوي مش عارف ابدأ منين بس انا تم التحرش بيا معرفتش احكي لحد والي عمل كدا كان عمي و انا مكنتش فاهمه هو كان بيديلي التليفون و انا مكنتش فاهمه هو بيعمل اي غير لما كبرت شويه وانا دلوقتي كل ما بشوفه و بشوف بصته ليا بترعب و بفضل اعيط وانا بكره نفسي و بقيت بكره جسمي حتى انا دلوقتي ١٥ سنه بس بجد مدمره نفسيا
السلام عليكم، متفهمة مشاعرك جدًا حبيبتي وربنا يعينك ويقويكِ عشان تقدري تتجاوزي اللي حصل لك. أولًا، لازم تعرفي وتتأكدي من جواكِ إنك ملكيش ذنب في أي حاجة حتى لو خفتِ تتكلمي وتقولي لأهلكِ... حتى لو مكنتيش صغيرة وحصل معك كده فهو مش ذنبك برضه ومش لازم تكرهي نفسك أو جسمك. اللي لازم يكره نفسه هو المجرم اللي عمل فيكِ كده. ثانيًا، لو كان لسه بيقرب لك بطريقة وحشة فلازم تاخدي موقف وتعرفي أهلك... مش عارفة إذا عندك إمكانية دلوقتي تصارحي حد منهم باللي حصل ولا صعب عليكِ. ** لو مش هتعرفي تصارحي حد لازم تخرجي مشاعرك وتقولي اللي حصل حتى لو على الورق.. تخرجي كل الوجع ده بالكتابة. *** اللي حصل صعب وخوفك من عمك طبيعي جدًا، ممكن تحتاجي مساعدة حد مختص عشان تقدري تتغلبي على المشاعر دي وتعالجي الأثر النفسي للتحرش وتواجهي خوفك. ** فيه أخصائيين نفسيين هنا ممكن تنتظر ردهم على المشكلة أو تتواصلي مع أي خبيرة منهم على الخاص عشان تتابع معك. ** الأهم من كل ده إنك تلجأي لربنا، قربي منه وادعيه كتير واستعيني به هو قادر يقويكِ ويعطيكِ القدرة تواجهي خوفك ودايما رددي (حسبي الله ونعم الوكيل). ربنا معك يا رب.
تم النشر الأحد، ٢٢ يونيو ٢٠٢٥
السلام عليكم ورحمه الله. انت بداتي باهم حاجه اهم حاجه اصلا المواضيع دي تبداي تحسني من نفسيتك في الصدمات اللي انت اخذتيها بسبب مساله التحرش دي هو اللي انت عملتيه بدايه هنا في السؤال انك طلعتي اللي جواك ده وشاركتيه مع حد لان ده بيبقى هم كبير جدا وبتبقى حاجه عماله بتاذيكي من جواكي بزياده اكتر ما هي اذيتك اصلا في الموقف نفسه ومن براكي والشخص اللي اذاكر معاكي كده. ضروري تكملي على نفس الخط ضروري ان في حد بيشاركك الهم ده وخصوصا اهلك. ما تفكريش في كل المبيعات وهم هيعملوا ايه وهيصوق ايه وهيقولوا ايه؟ لانه المهم انك تطلعي ده وتقوليه وتتكلمي عنه لانك محتاجه ده محتاجه تقولي انا عايزه حق ااا حتى لو حقك من غير دلوقتي حتى لو مجاش في الحال حتى لو حسيتي اللي قدامك ما ساعدوكيش في نفس اللحظه ولكن طول الوقت لازم تبقي بتسعي وراء حقك لانه ده حقك انت تم انتهاك حقوقك الجسديه فانت محتاجه تاخدي حق الاذى ده وحقق الانتهاك ده. تعملي ده اول حاجه تعرفي ناس الكبار علشان هم من المفترض هم المسؤولين عنه هم اللي يرجعوا لك حقك اللي منك لانك دلوقتي غير قادره على ده بشكل كامل طيب هما ما عملوش ده لا قدر الله تفضلي لحد اخر يوم في عمرك بتدوري على انك تسترجعي حقك فبسترجي حق ازاي باني اشاور على الشخص ده واقول الشخص ده مؤذي اولا عشان خاطر توقفي سلسله الاذى يعني ممكن يكون اذى يؤذي لسه لحد دلوقتي غيرك اطفال كمان. ثانيا عشان تبقي بوقوفك وانك تتكلمي عن حقك تبقي اخذتي اصلا جزء منه مجرد انك تتكلمي عن حقك فانت بدات تاخذي جزء من حقك وهو انك انت شخصيا تعترفي بيه لانك لما بتسكتي وانت طفله اللي خلاك تسكتي انك مش عارفه انه دلوقتي في حد بياخد منك حاجه تخصك. فدلوقتي انت كبرت وعرفتي ان هو كان بياخد حاجه تخصك فلازم تقعد تقولي له انت اخذت شيء انت تعديت على حقودي ضروري جدا تنفذي الخطوه دي لانها من اهم الخطوات التعافي من المساله ست ح.
تم النشر الأربعاء، ٢٥ يونيو ٢٠٢٥
عزيزتي، أقدر جداً شجاعتك في مشاركتك لما مررتِ به، وهذا هو أول وأهم خطوة نحو التعافي. ما تعرضتِ له هو ظلم كبير ولا يحق لأحد أن يأذيك بهذه الطريقة، وأنتِ لستِ أبداً مخطئة أو سبب في ما حدث. الدمار النفسي الناتج عن التحرش، خاصة من شخص قريب مثل عمك، يترك جروحاً عميقة تحتاج إلى رعاية خاصة. هنا بعض الخطوات التي يمكن أن تساعدك على الشفاء: أولاً، استمدي قوتك من الله تعالى : تذكري أن الله تعالى قريب يسمعك ويفهم ألمك، وهو أعلم بما في صدرك، فاحرصي على الدعاء واللجوء إليه وقراءة القرآن والذكر مما يريح النفس. كلام مع مختص نفسي: من المهم جداً أن تتحدثي مع أخصائية نفسية أو معالج نفسي محترف يمكنه مساعدتك على التعامل مع هذه المشاعر الصعبة، والخروج من دائرة الخوف والحزن. وجود دعم مهني يمكن أن يعطيك أدوات للتعامل مع مشاعرك بطريقة صحية. الأمان هو أولويتك: إذا كان وجودك بجوار عمك أو رؤيته يسبب خوفاً ورعباً مستمر، حاولي قدر الإمكان أن تبتعدي عنه وتتجنبي الأماكن التي قد تلتقين فيها به، وناقشي مع عائلتك أو شخص تثقين به كيف يمكن توفير بيئة آمنة لك. تقبلي مشاعرك ولا تجبري نفسك على إنكارها: من الطبيعي أن تكون لديك مشاعر مختلطة من خوف، حزن، كراهية، وحتى احياناً لوم النفس، وهذه كلها ردود فعل طبيعية لما مرت به نفسك. امنحي لنفسك الوقت للتعبير عن هذه المشاعر، سواء بالبكاء أو الكتابة أو التحدث مع من تثقين به. اهتمي بنفسك وحاولي بناء احترامك لذاتك: حاولي أن تعتني بجسدك وعقلك وروحك. يمكنك مثلاً ممارسة هوايات تحبينها، القراءة، أو كتابة مشاعرك في دفتر خاص. إذا شعرتِ في أي وقت أن الأمور صعبة جداً ولا تستطيعين التحدث مع عائلتك، يمكن البحث عن خط اتصال أو خدمة دعم نفسي متخصصة للأطفال أو المراهقين في بلدك. وأخيراً، تذكري أن هذا ليس خطأكِ أبداً، وأنكِ قوية أكثر مما تعتقدين، ومع الدعم والوقت ستجدين نفسك تتحررين من هذه التجربة المؤلمة. إذا رغبتِ، يمكنني مساعدتك في البحث عن أخصائية نفسية محترفة على منصة فدني توفرت في منطقتك أو بشكل أونلاين، فقط أخبريني. وأنا هنا دائماً للاستماع ودعمك. كوني على يقين أن فدني مجتمع داعم بكل قلبه لكِ، وأنتِ لستِ وحدك أبداً.
تم النشر الأحد، ٢٢ يونيو ٢٠٢٥
الذاكرة أحيانا بتتخيل حاجات وتصدق انها واقع لكن لو ده فعلا حصل ... فالموضوع بسيط وحله بسيط .. كل اللي عايز يتعدل هو مشاعر العار والأفكار المؤدية ليه .. تحتاجي تكتبي ايه الفكرة اللي خدتيها عن نفسك بسبب الحدث ده .. زي مثلا إمرأة سيئة وده وهم مش حقيقي وهكذا .. اكتبي كل الأفكار السلبية السيئة عن نفسك حتى لو وهم واسألي نفسك هل فعلا انتي اللي في الورقة أو ملكيش ذنب
تم النشر الأربعاء، ٢٥ يونيو ٢٠٢٥
متفهمه شعورك لكن اعرفي في الاول والاخر انتي ضحيه ل انسان قذر وملكيش ذنب متحسيش بالعار أو انك بتكرهي نفسك أو جسمك في بنات احيانا بتفكر لأن تم التحرش بيها أنها تستحق أو تكرهه نفسها أو شايفه أنها رخيصه ف متخليش اي فكره من الأفكار دي تستحوذ عليكي انتي كنتي طفله متعرفيش حاجه وكمان مره ده مش ذنبك
تم النشر الخميس، ٢٦ يونيو ٢٠٢٥
لعرض السؤال في فدني اضغط هنا