السلام عليكم، النشر سواء الورقي أو الإلكتروني لازمهم الاتنين يكون عندك قاعدة جمهور عشان تقدري تلاقي حد يشتري رواياتك. حاليًا دور نشر كتير بقت تدور بس على الناس اللي عندها متابعين كتير وخلاص ومش مهم نوع أو جودة المحتوى اللي بيقدموه للأسف، المهم عنده يكون ضامن إن فيه متابعين أو (فانز) هيشتروا الكتاب ويعوضوه تكاليف النشر. وكمان فيه دور نشر بتلزم الكاتب يطبع الرواية على حسابه الشخصي أو ممكن يتكلفوا بالطباعة لكن دون مسؤولية الدعاية والتوزيع فهتلاقي نفسك بتدوري على طريقة تسوقي بها لروايتك بفلوس أو علاقات على السوشيال ميديا. فأنا أنصحك الأول تتأكدي هل روايتك فعلا لو اتعرضت على جمهور هيشتريتها ويُقبل عليها ولا لأ. فبدل ما تفتحي صفحة أو جروب حاليا، انضمي لجروبات أدبية بس تكون فعلا جروبات كويسة وفيها قراء فاهمين أدب كويس عشان يقدروا يفيدوك واعرضي جزء من كتاباتك، وفيه جروبات بتسمح بنشر الروايات لكُتاب مختلفين فممكن تبدئي تنشري هناك وتاخدي خبرة أكبر وتصنعي قاعدة جمهور عندهم ولاء لك وممكن يشتروا رواياتك بعد كده إذا نشرتِ ورقي أو إلكتروني. بعد ما تتعرفي شوية على الجروبات ممكن ساعتها تعملي صفحة أو جروب وتدعي قرائك للانضمام وواحدة واحدة تسوقي لنفسك. نصيحة، متستعجليش تجيبي فلوس من الطريق ده ولو محتاجة قوي يكون لك دخل مادي ممكن تبدئي شغل فريلانسر في كتابة المحتوى مثلا أو أي مهارة تانية لحد ما تثبتي نفسك في مجال الكتابة الإبداعية. بالتوفيق.
ابحثي على فيسبوك هتلاقي جروبات كتير زي مثلا عصير الكتب وفيه روائع الروايات العربية (للبنات فقط) جروب روائع بيسمح بالنشر لكن فيه لجنة مراجعة بيتأكدوا الأول إن الرواية مناسبة وتصلح للنشر بالجروب.. الفريلانسر هو العمل الحر، بتتعلمي مهارة زي مثلا كتابة المحتوى، ممكن تتخصصي في كتابة المقالات مثلا والعميل بيطلب كتابة مقال مقابل مبلغ وبيبقى شغل من البيت عبر الإنترنت... مثلا لو بتعرفي تصممي ممكن تشتغلي مصممة جرافيك وتعملي تصاميم مقابل فلوس وهكذا.. بس نصيحة، لازم تعرفي إن أي شغل حتى الكتابة الإبداعية محتاج منك وقت ومجهود وتشتغلي على نفسك شوية عشان تقدري تنافسي في سوق العمل وتكسبي عملاء.. فمتستعجليش أو تحسي بملل لو الوقت تأخر شوية. دي دورة مجانية عن الفريلانسر ممكن تفيدك تفهميه أكتر وتحددي إذا يناسبك أو لأ. https://www.youtube.com/watch?v=Xa0oG8h7zeQ&list=PLLhcB4ZtQJdsT-Rp3SB3jrPj0EfcLUx1c
تم النشر الثلاثاء، ٢ سبتمبر ٢٠٢٥
اذاي انضم في جروبات ايه هو فريلانسر
تم النشر الثلاثاء، ٢ سبتمبر ٢٠٢٥
لعرض الإجابة في فدني اضغط هنا