السلام عليكم
انا والدي كان بيشرب سجاير كتير في فترة بعدها وقف و حلف مش هيشرب تاني عشان ماما مبتحبهاش و بتدايق منه لما يشربها بس رجعلها تاني و بقا بيشربها ف السر هو عنده مشكلة في التنفس و عمل عملية و كان السجاير ليها أثر وحش عليه
المهم بعد العملية و صعوبتها قرر يبطل و ماما حلفته ان يوقفها و وقفها و رجع بس ماما مكنتش عارفه
انا كنت بصحى من نص نومي منغير اي منبه و مببقاش عارفه اي الي مصحيني دلوقتي و بطلع الاقيه بيشربها ف السر ف البلكونة و بقفشه كتير جداً جداً عشان انا مبحبش ريحتها ف بعرف ريحتها بسرعة المهم هو كذا مره يلاقيني قفشته يقولي مقولش لماما و ساعات يرميها عشان قفشته ونا فعلا مكنتش بقولها بعدها الموضوع زاد و بقا بيشربها قدامي عادي لو ماما مش معانا و كأنه اتأكد خلاص ان مش هقولها
المهم ماما كانت بتقفشه و كان بيفهمها انه خلاص هيسيب و يسيب و يرجع في السر و هكذا
ف النهارده ماما فتحت موضوع له علاقه بالسجاير بيني انا و اخواتي البنات و انها لقيته ف مره مخبيها و كدا ف روحت انا نصحتها قولتلها ركزي معاه في السجاير بالذات بعدها قالتلي ليه هو كان بيشربها ونا مش عارفه او شربها من ورايا قريب ؟
روحت فتنت و قولتلها و سكت في النص استوعب الي بقوله قالتلي احكي متخافيش انا مش الست الي هتتصرف ب غير عقلانيه تجاه الموقف ده ف كملت و حكيتلها الي كان بيحصل كله ادايقت شويه و قالت انها خلاص هتتصرف هي ،
مع العلم كانو اخواتي قفشوه كتير قبل كدا و كانو بيخبوا بردو و في منهم فتن بردو و في الأخر ماما قالتلي بس هو اهم حاجه مينفعش يعرف الي قولتيه ليا ده قولتلها ماشي و حذرت اخواتي محدش يقوله حاجه من الي اتقالت
انا معرفش المره دي هو فعلا بطلها بصدق ولا لاء بس انا فتنت و قولت الي حصل من قريب و من بدري ،
انا عارفه ان ماما مش هتوصلها لخناقه كبيره هي هتزعل عشان هي عارفه انه هيخاف ع زعلها و يبطل و هتتصرف كويس انا واثقة من كدا ،
بس سؤالي هنا هو الي عملته ده غلط و مكنش ينفع افتن و حرام و هاخد أثم عليه عشان هو وثق فيا ولا لاء؟
انا خايفه عليه عشان هو ابويا و السجاير هتأثر فيه بس انا عارفه ان هو لو عرف ان فتنت هيزعل مني جدا جدا ، ارجو الإفاده عشان الموضوع مخوفني
انتي خايفه علي باباكي ودا شئ كويس ربنا يصلح حاله وحال الجميع اللهم آمين 🤲🏼 وشكلك بتحبي ماما ودا شئ طبيعي المهم متشغليش بالك كتير والدك نفسه عارف انه غلط ولما شافكم ساكتين هو تشجع اكتر على الغلط ما دامك مش عارفه تحلي المشكله سيبيها لوالدتك وإن شاء الله ربنا يهديه ليها ولنفسه ويبطل سجاير
تم النشر السبت، ١٣ ديسمبر ٢٠٢٥
إن شاء الله ، شكراً لردك 🤍
تم النشر الأحد، ١٤ ديسمبر ٢٠٢٥
لعرض السؤال في فدني اضغط هنا