السلام عليكم
أنا في حياتي شخصين الشخص الأول ده أعرفه من حوالي 4 سنين متعودة عليه وعارف كل حاجة عني وبيحبني جدا أنا مكنتش بحبه الاول لكن مع الوقت حبيته جدا وبعدين انفصلنا سنة وشهور بسبب إنه كدب عليا وخدعني في حاجة معينة وفضلت طول السنة والشهور دي يحاول يكلمني وأنا أرفض في الفترة دي دخل حياتي شخص معايا في الدراسة مكنتش اعرفه أوي شوفته مرة أتنين ف محاضرات بس هو يعرفني وكان عايز يتعرف عليا وكلمني وكنا بنتكلم صحاب عادي وهو كل فترة يسأل عليا لكن أنا مكنتش ببدأ بالكلام معاه ملحوظة أنا عرفته بعد امتحانات آخر سنة في مشروع التخرج يعني المهم أنه بطلنا نتكلم فترة بسبب أنه راح الجيش وبعدين رجع يكلمني تاني وكل فترة بنتكلم وهو اللي بيبدأ كلام واعترفلي بحبه وكان عايز نرتبط بس أنا رفضت عشان معنديش مشاعر ليه وعشان عايزه حاجه رسمي والشخص اللي بحبه ده ظهر تاني في حياتي وبعد محايلات سامحته وواحدة واحدة رجع حبي ليه تاني وأنا دلوقتي في حياتي الاتنين ومش عارفه اعمل ايه حاولت ابعد عن زميلي ده لكن بيكلمني برضوا ومش عايز يبعد عني وأنا شايفه نفسي شخص وحش وضميري بيأنبني لدرجة أني بقفل كل حاجة وببطل أكلم حد خالص عشان مبقاش وحشة ومظلمش حد معايا ومش عارفه اعمل ايه
بصراحة أنا عايزة اعمل كده وابعد عن الاتنين واللي بحبه لما يتقدم يبقي نتكلم لكن هو برضوا مش راضي بكده ولما اعمل بلوك من مكان يكلمني من مكان تاني وهكذا وزميلي ده خايفه اجرحه بكلامي عشان كدا بقفل كل حاجة وابعد
تم النشر السبت، ١٤ أكتوبر ٢٠٢٣
المفروض تقفلي اي باب تحسي فيه ان اللي قدامك مش ناوي على جد. كويس جدا انك قولتي انك مش عايزة تكلمي حد وعايزة اللي يجي يتقدم وده الصح. واتمنى تستمري على كده. الشخص اللي بتحبيه لو انتي موافقة عليه وحاسه من ناحيته انه مش هيغدر .. الاول حددي له معاد انه يجي يقابل والدك .. ولكن قولي له انك مش هتتكلمي معاه ف الفترة دي غير لما يجي ويتقدم رسمي. الشخص التاني لو انتي مفيش من ناحيتك اي مشاعر له، حرام تخليه متعلق كده. قولي له بكل احترام انا اسفة بس مفيش مشاعر من ناحيتي وربنا يرزقك ببنت الحلال وقولي له هتعملمي بلوك منعا للتواصل. وبعدها تعملي بلوك من كل حته.
تم النشر السبت، ١٤ أكتوبر ٢٠٢٣
كويس أنك بطلتي تكلميهم هم الاثنين ودة الصح اللي أي بنت مؤدبة هتعمله لو واحد منهم شايافه جاد وأنت موافقة عليه تعرفيه ازاي يطلبك من أهلك وشكرا لحد كدة
تم النشر الجمعة، ١٣ أكتوبر ٢٠٢٣
تمام
تم النشر الجمعة، ١٣ أكتوبر ٢٠٢٣
اه تمام فهمتك
تم النشر الجمعة، ١٣ أكتوبر ٢٠٢٣
زميلي ده فاكرني بحبه ومش عايزة اقوله إني بحبه غير لما يتقدملي فهمتني
تم النشر الجمعة، ١٣ أكتوبر ٢٠٢٣
طيب تمام ربنا يوفقك مع الي بتحبيه وبيحبك، بس معلش استفسار، مش عايزه تقولي ايه غير بخطوه رسمي، تقصدي مين فيهم وتقصدي ايه الي مش عايزه تقوليه؟
تم النشر الجمعة، ١٣ أكتوبر ٢٠٢٣
لا اللي أنا بحبه هيتقدملي أول ما ينزل من السفر وهو كان متقدملي وأنا رفضته بسبب الحوار اللي حصل بينا وكده وأنا أعرف أهله ، التاني فعلاً أنا معنديش مشاعر ناحيته بس هو مفكر إني بحبه ومش عايزة أقول غير لما ياخد خطوة رسمي
تم النشر الجمعة، ١٣ أكتوبر ٢٠٢٣
الموضوع بسيط لو طبيعة علاقتكم لم تخرج عن نطاق الزماله، عرفيه انك مش عايزه تكملي في علاقتك بيه. والتاني بردو اتاكدي انه هيتقدملك رسمي ف الوقت الحالي، بدل ما مشاعرك هي الي تنجرح. ممكن يكونو الاتنين اصلا مش مستعدين ووقت الجد متلاقيش حد ولا سبت. فاهمه قصدي؟
تم النشر الجمعة، ١٣ أكتوبر ٢٠٢٣
طب اسيب التاني إزاي وهو مش عايز يبعد عني من غير ما اجرحه
تم النشر الجمعة، ١٣ أكتوبر ٢٠٢٣
اختاري الي بتحبيه فيهم
تم النشر الجمعة، ١٣ أكتوبر ٢٠٢٣
اللي بحبه ايي
تم النشر الجمعة، ١٣ أكتوبر ٢٠٢٣
الي بتحبيه
تم النشر الجمعة، ١٣ أكتوبر ٢٠٢٣
لعرض السؤال في فدني اضغط هنا