حاولت كتر بس بضعف فالاخر مش عارف ابطل العاده السريه وانا داخل على ثانويه عامه مينفعش بس مش عارف بردو اعمل ايه ومش عارف انتظم فالصلاه ومعنديش ناس بنزل معاهم كتير والموضوع ده تاعبني جدا وعايز ابطلو اعمل ايه
العادة السرية سميت عادة من التعود عليها وعدم امتلاك القدرة على تجنبها وسرية لانها تمارس بين الشخص ونفسه وبقدر ما هي وسيلة سهلة وبسيطة لتفريغ الطاقة الجنسية إلا انه بمجرد الممارسة تذهب لذة الشهوة ويبقى الألم والندم منها الشهوة الجنسية هي رغبة طبيعية مثل إحتياج الإنسان لشهوة لطعام أوالشراب ولأنها رغبة طبيعية ناتجة عن نشاط هرمونات داخلية لذلك عندما تقوم الغدد بإفراز الهرمون الخاص بالشهوة الجنسية وبالنسبة للسيدات هرمون ( التستوستيرون ) ترى نفسك في حاجة لإخراج هذه الشهوة الناتجة عن الطاقة الداخلية فالشهوة هي مجموع طاقات داخلية تنشط بالمؤثرات الخارجية مثل الصور والافلام او بعض الكلمات وللمتزوجين تنشط ذاتيآ بمجرد الاحتياج لها الشهوة الجنسية تكون في حاجة للإشباع مثل إحتياجك للطعام فأنت حينما تشتاق للطعام لابد وأن تأكل وإلا لن تصل للراحه وسوف تشعر بالتوتر والعصبية حتى تأكل وكذلك الشعور بشهوة الزمأ والإحتياج للماء فلن ترتاح حتى تشرب الماء كذلك الجنس حين ينشط لابد من إشباعه إلا أنه يختلف عن شهوة الطعام والشراب لأنهم طاقة خارجية تدخل الجسم أما الجنس فهو طاقة داخلية تخرج من الجسم لذلك لابد وأن نستغل هذه الطاقة ونشبعها حتى لا نحتاج لتفريغها بطريقة سلبية مثل العادة السرية لذلك علينا بتفريغ هذه الطاقة في أشياء إيجابية حتى لا تسبب إلحاح بداخلك لتفريغ شهوتك وهذا يتحقق من خلال ▪︎ ممارسة رياضة تحبها لتفريغ اكبر قدر من الطاقة الجسدية ▪︎ ممارسة هواية مفضلة كالرسم او القراءة أو مشاهدة البرامح والافلام الايجابية وهذا لتفريغ الطاقة الفكرية ▪︎ تجنب الفراغ قدر المستطاع لأنه سبب مباشر في تحقيق الممارسة وضروري التواصل مع صديقات أو أحد الأقارب حتى يقل وقت وجودك بمفردك والذي يكون دافع للاحتياج لتفريغ شهوتك ▪︎ تجنب المثيرات الخارجية مثل افلام او صور الجنس او الكلمات المثيرة أو الرومانسيات التي تثير رغبتك ويارب يثبتك على الهدى ويصلح حالك
تم النشر الأربعاء، ١ يوليو ٢٠٢٦
أخي، أقدر تمامًا اللي بتمر بيه، والموضوع ده بيأثر على نفسيتك وتركيزك خاصة وأنت داخل على مرحلة مهمة زي الثانوية العامة. التعافي من الإدمان على الإباحية والعادة السرية مش سهل، وكتير بيحاولوا ويضعفوا، لكن المهم إنك عايز تتغير وده أول خطوة قوية. خلينا نركز على خطوات عملية وإسلامية تساعدك تبني عادات جديدة تدريجيًا بدون ما تحس بالضغط الشديد. ابدأ بخطوات صغيرة في الصلاة، حتى لو مش منتظم كامل، حاول تصلي الفرائض في وقتها وتستغفر بعد كل صلاة، ده بيبني شعور بالقرب من الله ويقلل الشعور بالذنب اللي بيخليك ترجع. كمان، حدد أوقات معينة في اليوم تكون فيها مشغول، زي جدول دراسي منظم للثانوية، وأضف نشاط بدني بسيط زي المشي أو تمارين خفيفة في البيت عشان تفرغ الطاقة. تجنب المحفزات زي الجوال في أوقات الفراغ، واستبدلها بقراءة أو استماع لمحتوى مفيد. لو مش عندك ناس بتنزل معاهم، حاول تبني علاقات إيجابية من خلال مجموعات دراسية أو أنشطة في المدرسة أو حتى أونلاين بطريقة آمنة، ده بيساعد على تقليل الوحدة اللي بتزود المشكلة. تذكر إن التغيير بيحصل بالاستمرار مش بالكمال، وكل مرة تقع حاول تقوم بسرعة وتتعلم منها. ابحث عن أسئلة مشابهة على فدني عشان تشوف تجارب ناس تانية وتاخد أفكار إضافية. أنت قادر، وأنا هنا لو عايز تتكلم أكتر.
تم النشر الأربعاء، ١ يوليو ٢٠٢٦
اولا كدا انت دلوقتي في اجازه ف دا الوقت المناسب انك تظبط نفسك تمام اول حاجة اشغل وقت والاحسن بالكورسات بقى عندك نحو وانجليزي وكمان بلاغه لانها هتفيدك اوي لو سمعتها في الاجازه وحاول تسمع كورسات كتيره وكمان متمسكش التلفون غير لما تعمل الحاجات دي بس وبعد كدا اقفله خالص هتقول حد هيرن او هكلم اصحابي انا بقولك بلاش وسيبك منهم اللي بيحبك هيقدر انك عندك ظروف وحاول تقرب من ربنا هتقول اصل انا بعمل ذنب ومينفعش لا انا بقولك قرب من ربنا كل ما تعمل العاده تقوم تغتسل وتصلي ركعتين توبه وكمان يسلام لو تصلي قيام الليل وتدعي ربنا انه يبعد عنك الحاجه دي وتدعي بحرقهي وندم بالله هيستجيب ليك واقرا قران واستغفر كتير كل الحاجات دي هتشغلك ومش هتبقي فاضي انك تعمل حاجة والاهم انك متقعدش لوحدك ابدا دايما اقعد وسط اهلك بس متقعدش وتقفل الباب عليك وحدك لان الشيطان شاطر
تم النشر السبت، ٤ يوليو ٢٠٢٦
حاول تقرب من ربنا وتسيب الموبايل الفترة دي وتشوف صحبة كويسة صحبة متتكلمش معاك فالحاجات دي انها عادي لان دي اكتر حاجة ممكن متخلكش تبطلها ودايما حافظ عالصلاة فالمسجد وفأول الوقت وعاقب نفسك لو عملت كده بالطاعة يعني اغتسل لو انت بالليل صلي قيام ليل بالمصحف ولو انت بالنهار صلي ركعتين توبة واقرأ ربع وربنا يبعدك عنها ويبعد الشباب كلهم عنها
تم النشر الجمعة، ٣ يوليو ٢٠٢٦
ولما تبقى في المسجد حاول تتعرف على حد كبير او صغير المهم حد كويس وخليه يرن عليك لو منزلتش للصلاة وحاول تصاحب حد كويييس حتى لو هتصاحبه عشان الصلاة ممكن يبقى واحد كبير في السن ومش فضولي يرن عليك لما تغيب
تم النشر السبت، ٤ يوليو ٢٠٢٦
بالنسبة للصلاة فخليك فاكر إن في سيئات وفي سيئات خط أحمر الصلاة دي خط أحمر دي زي أساس بيتك دي أساس دينك اسمع محاضرة يتارك الصلاة لماذا لا تصلي لحسين يعقوب ولو انت بتكسل تنزل عشان الصلاة فحاول الاذان يؤذن وانت في الشارع ولو مش بتنزل كتيير حاول يبقى قبل الصلاة بتعمل حاجة عاوز تهرب منها مثلا بتذاكر قبل الصلاة بساعة فأول ما الاذان يؤذن يبقى بريكك انك تنزل تصلي فهتلاقي نفسك بتجري عشان تهرب من المذاكرة.
تم النشر السبت، ٤ يوليو ٢٠٢٦
حمل تطبيق واعي هيفيدك جدا وحاجة كمان لو وقعت بعد كل ده مع إنك لو وقعت هيبقى أقل بكتير فمع كل واقعة اعمل حسنة فمثلا وقعت انهاردة يبقى بكرة هتصوم وقعت بكرة هتتصدق ٢٠ و وقعت نتطلع ٥٠ ج لله منه هتعمل حسنات والحانات يذهبن السيئات ومنه نفسك الأمارة بالسوء مش هتبقى عاوزك تعمل الحسنات دي فهتقلل السيئات.
تم النشر السبت، ٤ يوليو ٢٠٢٦
اول حاجه أنت عبد فأسأل ربنا إنه يعينك تاني حاجه اذكار الصباح والمساء كانت سبب في إني أسيب الاتنين دول فقول اذكار الصباح والمساء خاصة لا إله إلا الله وحده لا شريك له له الملك وله الحمد وهو على كل شيء قدير ١٠٠ مرة واللي هتأخد ١٠ دقايق وسبحان الله وبحمده مائة مرة واللي هتأخد ٥ دقايق ، تالت حاجة اقفل من على جوجل خاصية محتوى الحساس .رابع حاجة حمل تطبيق حرام بلور واللي ليمنع انك تفتح المواقع أو تظهر نساء على التليفون عشان بيعمل عليهم بلور،وخامس حاجة متقعدش في اوضك ذاكر فوق السطح أو في الصالة ومتفتحش تليفونك غير برة اوضتك ولو بتتفرج من على الكمبيوتر او اللاب فخليه في مكان كله شايفك ولإسوء الظروف لو منفعش يبقى سيب باب اوضك مفتوح وسادس حاجة متخليش عندك وقت فراغ.
تم النشر السبت، ٤ يوليو ٢٠٢٦
اول حاجة استغفر ربنا كتير وصلي وتوب وصلي. حتي لو بتعمل الذنب متخليش الشيطان يلعب في دماغك وبقولك هتصلي ازاي وانت كل شويا تغضب ربنا متخليش الكلام ده يأثر عليك. انت لما بتعمل ذنب بترجع لربنا.وتستغفر . ربنا مسمي الشخص ده نعم العبد أنه اواب يعني اي اواب . يعني راح عمل ذنب ورجع تاني لربنا واستغفر ربنا ويتوب إليه . ربنا معاك كل ابن آدم خطاء وخير الخطائين التوابين
تم النشر السبت، ٤ يوليو ٢٠٢٦
قلل النت او اقطعه. حاول يكون عندك صحاب وتلعبو كوره او أي حاجه لو مفيش انزل جيم حتى وانت في الثانويه
تم النشر الجمعة، ٣ يوليو ٢٠٢٦
ابعدو عن التليفون لان دة يعتبر جزء من التعفن الدماغي فحاولو تقفلو التليفون يوم كامل بعد كدة زودو بالتدريج
تم النشر الجمعة، ٣ يوليو ٢٠٢٦
لعرض السؤال في فدني اضغط هنا