يا بنت الحلال الفتور ده فترة وبتعدي على أي حد فينا والرسول قال إن لكل عمل شرة ولكل شرة فترة يعني عادي جدا تكسلي وتتعبي في النص بس الشطارة إنك متسبييش الفرض وخليكي دايما فاكرة إن ربنا سبحانه وتعالى رحمته واسعة ومستني منك خطوة واحدة وهو اللي قال لو تقرب إلي عبدي شبرا تقربت إليه ذراعا وربنا اللي عمل المعجزات وشق البحر لسيدنا موسى ونجى سيدنا يونس من بطن الحوت قادر في ثانية يغير حال قلبك ويلينه ويملاه نور من تاني خلي دايما ظنك في ربنا كبير وأوعي تفتكري إنه هيسيبك أو يضيعك ده هو أقرب ليكي من حبل الوريد وحاسس بتعبك والكسرة اللي في قلبك ادعيه دايما بقلب صادق وقولي يا مقلب القلوب ثبت قلبي على دينك وبإذن الله هترجعي أحسن من الأول بكتير
جواكي الله كل الخير.. موفقه باذن الله
تم النشر الثلاثاء، ١٦ يونيو ٢٠٢٦
جزاك اللّه عني خيرا ، بإذن اللّه هحاول اوازن بين عبادتي ودراستي لأن كلتاهما امتحان ، آمين يارب يارب ادعو لي كثيرا وجزاكم الله جنة الفردوس يارب.
تم النشر الثلاثاء، ١٦ يونيو ٢٠٢٦
يا بنتي ولا تزعلي ولا تقولي يا حسرتاه ولا حاجة خالص .. عارفة كلامك ده معناه إيه؟ معناه إن قلبك حي! اللي قلبه مات مبيزعلش ولا بيتحسر على ضياع اللذة ولا بيفرق معاه صلى بخشوع ولا مصلّاش.. زعلك ده في حد ذاته عبادة وحب كبير لربنا. بصي حضرتك داخلة على امتحانات ثانوية يعني دماغك مضغوطة وتعبانة ومشتتة والنفس لما بتتعب وبتتضغط بتفصل وده مش معناه إن ربنا ملّ منك حاشا لله! ربنا هو اللي قال ..لا يكلف الله نفساً إلا وسعها.. يعني عارف ضغطك وعارف امتحانك. المرحلة دي مش عايزة منك جلد ذات.. الشيطان عايزك تحسي بالذنب عشان تقطعي الصلاة خالص.. إنتي ثبتي الفرائض وبس وسيبي السنن الرواتب دلوقتي خالص لحد ما تخلصي امتحاناتك وخديها قاعدة صلاة تقيلة بتجاهدي فيها نفسك عشان تقفي قدام ربنا.. أجرها عند ربنا كبير جداً ويمكن يكون أعظم من الصلاة اللي كنتي بتصليها وإنتي مستمتعة لأنك هنا بتصلي حباً وطاعة لربنا مش عشان ..المتعة الروحية..بس. اقرئي آية واحدة في اليوم أو اسمعي سورة قصيرة مش لازم مواعظ تخليكي تعيطي.. ربنا مش طالب منك دموع طالب منك بس متسيبيهوش.. فاهدي خالص وركزي في مذاكرتك واعتبري مذاكرتك دي عبادة وجهاد بتقربي بيهم لربنا..وهي كدا بالفعل .. ربنا يربط على قلبك ويثبتك ويفتح عليكي فتوح العارفين ويجعل امتحانات الثانوية دي برداً وسلاماً عليكي وتفرحي بمجموع يريح قلبك .. يا مقلب القلوب ثبت قلبها على دينك ورجع لها لذة مناجاتك يا رب العالمين.. طمني بالك وقومي ذاكري وربنا معاكي..
تم النشر الثلاثاء، ١٦ يونيو ٢٠٢٦
أنا حزينة ليس لإبتعادي بالمعنى الفعلي ولكن لحال قلبي فوللّه كنت استمع إلى القرآن وأجد لذة لا استطيع وصفها وبالرغم من كوني غير مجيدة للغة العربية إلا أني كنت أفهمه وأشعر به واشتاق للجنة من وصفه لها وأشفق من النار أيضًا ،ولكن المحزن أني أستمع إلى العظات ولا أتأثر أجد الناس يبكون وأنا أيضًا لا أتأثر واعلم ثواب وأجر الكثير من الأعمال ولكن ليس لدي الهمة في القيام بها ، حتى إني في هذه الفترة امتحاناتي الثانوية قد اقتربت ولكني قصرت في السنن الرواتب فلا أصلي سنة الظهر واجد ثقلا في الصلاة وليس اللذة تلك التي كانت تنسيني الدنيا بما فيها ، أجدني كلما صليت أشعر وكأن قلبي ليس حاضرا وكأني أريد الإنتهاء منها 😓 فيا حسرتاه فهل يمل الحبيب من لقاء حبيبه وهل يجرؤ القلب على عدم الإتعاظ بكلام خالقه ، أنا في امس الحاجة للدعاء ادعوا لي
تم النشر الاثنين، ١٥ يونيو ٢٠٢٦
لعرض الإجابة في فدني اضغط هنا