السلام عليكم
هتكلم عن حاجه بس هجيبها من البداية عشان تفهموني و حقيقي انا اسفه عن اللي عملته او اللي هقوله بس فعلا محتاجه اللي يساعدني، انا من وانا صغيرة كنت ممتازة و المدرسين كانو بيحبوني كلهم ، فكنت انا البنت المتميزة الشاطرة اللي شخصيتها حلوه ف ده خلى الأولاد اللي معايا ف الفصل كلهم معجبين بيا ، كانو بيجيبولي هدايا و اللي يتحايل عليا عشان بس اخد هديته و في اللي يعترف ب حُبه و ده كان بيفدني ف الإنتخابات لإن كانت كل الولاد بلا استثناء كانو بينتخبوني حتى المدرسين كانو بيستغربوا جدا
ده خلاني اتعودت على فكرة ان اكون جذابة للي قدامي أيا كان هو مُدرس او بنت حتى صاحبتي او ولد ، مش المشكلة لا ف المدرسين ولا ف البنات المشكلة كانت ف الولاد لإن مينفعش اجذب اهتمامهم ،
المهم ان انا كبرت و دخلت بعدها إعدادية طبعا تعاملي مع كل الولاد ده بقا شبة منعدم بقى بقتصر على التعامل مع حد من العيله او تبع العيله صاحب حد او هكذا و ده كان ف وجود قرايبي اللي اكبر مني ، و بردو كنت بنال اعجابهم لدرجه ان ف مره قعدت مع ٣ ولاد "طبعا معانا قرايبنا و اهلنا كانو معانا بس ف مكان تاني" ال ٣ بعد ما خلصت القاعدة كانو معجبين بيا بشكل مش طبيعي لدرجه ان في منهم اتنين صحاب اتخانقو بسبب كده ، و في منهم اعترفلي ب حُبه و بعدت بعدها "الولد ده لحد دلوقتي بيحاول يوصلي و اللي تبعه قالولي انه معرفش ولا بنت من ساعتها و هو حاول يوصَّلي ده"
بس مش معنى ان بقول كده يبقا انا كلمتهم و اخدت رقمهم و بقيت بخرج معاهم لا لا خالص انا من عيله بترفض كل ده تماماً ونا عارفه ان حرام
المهم فضلت ف إعدادية على نفس الحال لازم و كأنها قاعدة لو قعدت مع شباب ف العيله برغم ان ببقا انا و في بنات زيي كتير ، ف هم بيعجبوا بيا
انا من صغري كان تفكيري ان اكيد اللي هيتجوزني ميستاهلش مراته كذا واحد يعجب بيها و تلفت انتباه ف كنت ببعد على هذا الأساس لحد ما عرفت ان حرام و استحاله اعمله
جيت بعدها دخلت ثانوي قصرت تعاملي بقى منعدم إلا قليل اوي اوي و تبع العيلة او تعامل سطحي مع اسستنت مع رجل تبع محل و هكذا التعامل الطبيعي
إلا إن انا بدأت اتبع خطوات الشيطان، و اولها ان كنت قررت اتعلم رقص شرقي "كان ف بالي لجوزي مش لحد تاني" و اتعلمت فعلاً و بقيت محترفة بعدها بقيت بسمع المفروض البنت تتعامل ازاي مع جوزها و ازاي تتعامل مع خطيبها و كل الفيديوهات دي بتاعت مخطوبين و كانت اسوأ خطوة هي ان دخلت كورس مكنش ينفع ادخله خالص لإنه كان بتاع متجوزين "كان كورس ازاي اتعلم اغري او اغوي راجل بمعنى اصح"
اتعلمته و قولت لجوزي ، لقيت نفسي تلقائي بطبق ده على اي واحد اشوفه مش بغريه اكيد بس بغويه اكتر مهو هيعجب بشخصيتي ضيفت عليه ده
ف بقى اسهل حاجه عندي ان اخلي واحد يعمل كل اللي انا عايزاه، طبعا مرتبطتش كنت ببان قدام اي واحد ان انا صعب حد يوصلها برغم ان انا قلبي خفيف و ممكن يتعلق ب اي واحد بكل سهوله من مجرد كلمه و ده بسبب ان انا فعلا مبتعاملش مع الولاد خالص ولا حتى عندي اخ ولد إلا أن انا مكنتش ببين ده و كنت ببان واثقة من نفسي بزياده و تلقائيه و عفويه و غير فكرة ان ف الغالب الشباب بيهتموا ب اللي بتبقا مش مديالهم اهتمام اصلا و اللي باينه تقيله و صعب الوصول ليها و ده اللي كان بيعجبهم فيا ،
برغم ان انا كان نفسي ادخل ف علاقة حب إلا ان بفضل ربنا انا كنت باجي ف المواقف دي و تلقائي برفض الموضوع و بصده تماماً ف ده كان بيزيد اهتمامهم ف بقا عندي كل ما هو يمكن ان يغوي راجل بسهوله ، مش هنكر ان استغليت ده ف مصالح شخصية و منهم الولد اللي كان معجب بيا من اعدادية استغليته عشان يجيبلي معلومة انا محتاجاها"مكلمتهوش شخصياً كلمته بواسطة واحده قريبتي " الولد عمل اللي طلبته و زياده ،
و استغليت ده ف حاجات مختلفه و كنت بعمل كدا تلقائي مني منغير تفكير و كنت بخلط مبين اللي اخدته من الكورس و مبين شخصيتي الطبيعية ف ده كان بيظهر الميكس دا ، انا مش عاجبني كل ده جيت ف تالته ثانوي بطلت انزل من البيت بطلت اتعامل مع بتاع السوبر ماركت نفسه
بس لما خلصت و مع أنها مش من فترة طويله إلا ان انا نزلت كتير و رجعت لنفس الدايرة
انا كنت بدعي ربنا ان يتقدملي واحد قبل كل ده ميحصل و يرجع تاني لإن انا عارفه ان ممكن اتغير لو تزوجت و انتقبت و طبعا النقاب بردو محدش ف العيله هيرضى بيه
انا مش عارفه اعمل ايه دي شخصيتي الطبيعية اللي تأقلمت عليها و انا عارفه ان غلط ، ونا ف المصيف تعاملت بنفس الطريقة لما خرجت و نلت اعجاب تاني و استغليت واحد تاني
الإستغلال او الإعجاب ده مش بيكون بتعامل بطريقة مباشرة ولا حتى بيفرق ف اللي انا لابساه انا بلبس جيب أصلا و طرحي بطولها ،
انا بس بظهر شخصيتي بس مش بالطريقة اللي ف دماغكم مش بعلي صوتي بتعامل و بهزر و بضحك و ده بيلفتهم ، عشان تفهمو شخصيتي ف هي شخصية شبه الناس بتاعت زمان ف كل حاجه ف تفكير و هكذا ، زي شادية و فاتن حمامة و الناس دي و ده منغير تصنع مني، كذا واحد قالي ان انا مختلفه عن اللي ف سني ان شخصيتي حلوه ، حتى البنات بردو كانو بيقولولي كدا ،
محدش يستغرب ان تفكيري كده او عملت كدا ازاي و ان انا طفلة لإن دايما كنت تفكيري سابق سني ،
انا حاولت اوصل ده لماما و ان اقولها ان عايزه اتجوز و كنت بقولها بس بهزار ، كانت بتقولي مفيش واحد هياخد واحده معهاش غير شهاده ثانوية عامة
انا خايفه على نفسي فضلاً عن ان انا كنت زمان بتخيل نفسي مع اللي متجوزاه و كنت دخلت ف دوامه التخيلات الغلط ، بس الحمد لله توبت من كل ده و مش حابه ارجع لده تاني و مش عارفه اعمل ايه اتمنى تفيدوني ، انا عارفه ان حرام ف كل اللي انا عايزاه حلول عملية
السلام عليكم ورحمه الله وبركاته. اولا انا بشكرك انك بتجاهدي كل اللي انت وصفتيه انك مع كل مرحله عمريه وكل ما بتكبري وكل ما بتتحجمي التعاملات مع الجنس الاخر ومركزه وشايفه ايه اللي بيحصل معاكي في كل دي مجاهده نفسي هنشوف كده النفس بتاعتنا حصل فيها ايه زي ما انت ذكرتي كده وقلتي دي كانت خطوات الشيطان فهو الشيطان بيحب الصفه دي قوي طبعا حناخدش بالنا منها بتبدا تتسر كده وتتغل كده جوانا. وهي صفه الكبر الكبر بيجي منين كبر بيجي من اول ما الانسان بيحب نفسه قوي بيشوف تميز نفسه قوي وما يشوفش حاجه تانيه غيره نشوف مميزات تميزه ده قوي. بص كده على كل اللي كان بيحصل معاكي انت شوفتي الميزه اللي عندك؟ وشفتي قد ايه هي مفيده وخليتك اي حد وكانه انك بقيتي غير اي حد كان مفيش حد شبهك انت شيء منفرد وما ينفعش يكون فيه حد افضل منك ولذلك انت تستاهلي افضل حاجه. هو ده الشيطان. هنا مش بنقول انه وحش ان الانسان يشوف مميزاته لكن فين بقى الجزء الثاني انه محتاج يشوف عيوب وليه بيحتاج يشوف عيوبه عشان يعمل تقويم لنفسه عشان يعمل موازنه لاحاسيسه علشان ما يطلعش عنده كده فعشان الانسان ما يطلعش عنده كبر محتاج بقى ان هو يبدا طول الوقت بعينه على كل حاجه لما يلاقي نفسه ضخمت اوي من المميزات يبدا يعمل ايه يبدا يقول لها لا ثانيه واحده ايوه انت فيك مميزات بس بصي كده انت عندك عيوب انت عندك الحاجات دي وحشه انت نفس ضعيفه انت نفس النار بالسوق لا انت كده شايفين كده متكبريش كده لكن شوفي ده كمان وشوفي قدر كل حاجه فيهم. وازاي نقدر بقى كمان نقيم مميزات وعيوب يعني انا ممكن يكون عندي ااا ثقافيه هي هتدخل في باند الليزر ولكن انا مش هتعامل معاه على اساس انها ميزه لان بدا يبقى ليها اثر سلمى طالما ليها اثر سلبي عليا او على الاخرين فهي كده ما بقتش ميزه هي بقت عيب. فشطارتي ممكن تتحول لنقرا لو هي الاثر بتاعها سلبي زي كل اللي انت ذكرتيه فانا ممكن. ابقى مش بتعامل ولا بتكلم على تميزي ده نهائي لانه اصبحنا ما بقتش حبات او ابدا احطه في المكان المناسب عشان يتحول لميزه وما يتحولش العيب وهكذا. طيب نعمل ازاي ده بقى بحلول عمليه حلول عمليه هو انه انت تصدقي؟ تشوفي شوفي الحاجات الاخرين تشوف ناس افضل منك علشان تبدئي تشوفي حاجه مميزه اللي عندك ده ان هو ازاي صغير ودي بسيطه الرسول عليه الصلاه والسلام انه في احوال الدنيا. بص على من هو اعلى منك انا اسفه على من هو اقل منه وفي احوال الاخره بص على من هو اعلى منه فاحنا محتاجين هنا نشوف الناس الاعلى مننا اللي هم مين الناس اللي عندهم علم كبير جدا وقاومه كبيره جدا سواء بقى في الشخصيه او في ال او كعلم اكاديمي او كشطاره في مجال معين وتيجي تتكلم او بتيجي تشوفيهم متواضعين جدا وايه اللي اتصرفوا بكل تواضع وكان هم ما عندهمش كل القدر ده تلاقيه هم بيتكلموا بيقولوا لا والله احنا يعني شايفين ان احنا ما نستاهلش ده كله تلاقيهم بيتعاملوا مع الاقل منهم بكل تواضع واللي هو يعني احنا زينا زي بعض يا جماعه انا بس يا دوبك عندي شويه حاجات زياده وخلاص. انا محتاج اشوف دول عشان اشوف نفسي جمبهم واقول اه لا ده انا جنبهم كده ولا حاجه ان هم اللي معاهم اكتر ان هم حالهم ده افضل نفتكر انه ما انت واضح لله رفع تمام الحوار العمليه الثانيه ان انا كل اما ابص على ميزه فيا حاجه فيا ابدا اشوف انا هاستخدمها ازاي فانت هتبداي تحددي لنفسك استخدام الميزه بتاعتك فوق معينه. لو انا اتكلمت معاكي كنصيحه اخويه وهقول لك على حاجه وجهه نظري فقط وده مش بقوله لك ان هو ده الحل بديكي ده اقتراح. انه الوضع اذا انت حاسه اللي بيحصل معاكي ده شكله من اشكال الفتنه وانت هتحتاجي انك تحجمي تعاملاتك حتى لو توجهت الجسم عشان تبقي بعثت نفسك عن اني كليكي تواصل ويكون الولاد اللي بيتعاملوا معاكي بيشوفوك يربطوا شكل شخصيتك بطريقه الكلام افضل. اقدر اساعدك فيه ان شاء الله.
تم النشر الثلاثاء، ٢٨ يوليو ٢٠٢٦
أحكام ديننا قائمة على مجاهدة النفس ،يعني ابسط مثال النفس تحب الراحه ولكن انت مثلا تقومي تصلي وتبذلي مجهود علشان تؤدي الصلاه فهنا ده نوع من المجاهده الحاجه الثانيه ان مثلا الرجل اكبر فتنه ليه هي النساء وهو من جواه بيحب النساء فطرته كده علشان كده ربنا امره بغض البصر فده برده نوع من المجاهده انت كبنت اكثر حاجه بتحبيها الزينه وربنا امرك بعدم ابداء الزينه لغير المحارم فاحكام ديننا مش قائمه على ان الحاجه سهله لا انت هتبذلي مجهود وهتجاهدي نفسك فالحاجه اللي نفسك بتحبها ربنا امرك انك تعملي عكسها علشان يبقى اختبار بجد واختبار لصدقك فانت بتحبي تلفتي النظر يعني انت كبنت كده دي طبيعتك فطره بتحبي تكوني متشافه والناس تكون واخدين بالهم منك ده طبيعي ده طبيعي جدا ولكن انت لازما تجاهدي فيه انت محتاجه انك تخفي زينتك لان ربنا امرك بكده فانت هتجاهدي نفسك وهتصبري على رغبتك دي لان انت لو عملتيها فهتكوني آثمه فاهماني . اهو بالنسبه للنقاب فا اه يعني اهالي كتير بيبقوا رافضين ولكن مع ثباتك انت واصرارك خلاص بيتعودوا يعني فالنقاب هيكون فيه خير ليكي لو لبستيه بالشكل الذي يرضي الله ومن غير زينه وبالنسبه للزواج لا عادي سنك مناسب للزواج عادي
تم النشر الثلاثاء، ٢٨ يوليو ٢٠٢٦
وعليكم السلام ورحمة الله. أولاً، أحييكِ على شجاعتك في سرد القصة كاملة وعلى رغبتك الصادقة في التغيير. هذا الوعي بحد ذاته خطوة كبيرة، ويظهر أن قلبكِ يريد الخير. الشخصية الجذابة التي وُلدتِ بها ليست ذنباً في حد ذاتها، لكن الطريقة التي استُخدمت بها أصبحت عادة تحتاج إلى إعادة توجيه، وهذا أمر يمكن تغييره بالإرادة والخطوات العملية. ابدئي بتوبة صادقة بينكِ وبين الله، ثم ضعي خطة يومية واضحة. أول خطوة عملية هي تقليل التعرض للمواقف التي تفعّل هذه العادة تلقائياً. حددي الأماكن أو الأشخاص الذين يثيرون هذا السلوك (مثل الخروج المتكرر أو التعامل الزائد مع الرجال حتى لو كان سطحياً) وقللي منه تدريجياً. استبدلي هذا الوقت بأنشطة مفيدة داخل البيت أو مع النساء فقط، مثل تعلم مهارة جديدة أو قراءة كتب تطور الشخصية بطريقة متوازنة ومحافظة. ثانياً، أعيدي توجيه هذه الطاقة الجذابة نحو هدف حلال. بما أنكِ تفكرين في الزواج، اجعلي هذا الهدف واضحاً وصريحاً مع أهلكِ، واطلبي منهم البحث عن شريك مناسب. في الوقت نفسه، ركزي على تطوير جوانب أخرى في شخصيتكِ (مثل الثقة الهادئة والكلام الرزين) حتى لا تشعري أنكِ تفقدين جزءاً من ذاتكِ. كلما زاد شعوركِ بالرضا عن نفسكِ من الداخل، قلّت الحاجة إلى جذب انتباه الآخرين. أخيراً، راقبي نفسكِ يومياً بمذكرة صغيرة: ما الذي فعلته اليوم وجعلني أشعر أنني أجذب الانتباه؟ وما الذي يمكنني فعله بدلاً من ذلك؟ مع الوقت والاستمرار ستضعف العادة. أنتِ قادرة على التغيير، وكل خطوة صغيرة تقربكِ من الراحة النفسية والرضا عن نفسكِ. إذا أردتِ مشاركة خطوات محددة تواجهين صعوبة في تطبيقها، أنا هنا لأساعدكِ.
تم النشر الاثنين، ٢٧ يوليو ٢٠٢٦
عليكم السلام ورحمة الله وبركاته ـ توقفي عن هذا وجاهدي نفسك والنقاب خير نصيحة لك وهو النجاة من كل هذا بالكلية ـ واعلمي شيء مهم للغاية : الرجل الحر الحقيقي لا يمكن ابدا ان تغويه إمرأة لايمكن ابدا بأي شكل من الاشكال لذلك انت تغوي او تفتني الصبيان و المراهقين ومرهفي الحس لكن الرجال بحق لن تفتنيهم ابدا. فتوقفي عن كل هذا ولا تتبعي خطوات الشيطان واحذري قد تقعي في نصيب شخص خاضع ضعيف وهتكوني انتي القوامة عليه والله المستعان ـ وهقول حاجة اخيرة واضحة: النسا كلهم زي بعض بس الراجل بيحط شروط معينة سواء في الشكل الخارجي منقبة محجبة رفيعة تخينة وكل راجل وله مزاج دي الصراحة البحتة راجل يحب الطويلة وراجل يحب القصيرة راجل يميل للمثقفة وهكذا فالنسوان كلهم واحد لكن نسب المواصفات متفاوته يمكن فعلشان كدا متشغليش نفسك انتي حطي شروط في الراجل واعرافي الرجال مواصفاتهم ايه الأول ولما يتقدملك عريس شوفي مناسب ليكي ولا لأ واي إنسان يعجب بيكي برة غالبا عيل شهواني او شخص ضعيف فارغ عاطفيا وفارغ عموما الراجل الحق لا يفعل هذا ابدا ولا يرضى لنفسه بهذا والله المستعان .
تم النشر الاثنين، ٢٧ يوليو ٢٠٢٦
النقاب فعلا اهم الحلول العملية ليكى لو انتى صادقة
تم النشر الجمعة، ٣١ يوليو ٢٠٢٦
لعرض السؤال في فدني اضغط هنا