ما بقتش اتعصب بقيت اسمع شتمتي وداني واتهزق من كبير وصغير وابتسم ابتسامه خفيفه ما بقتش ازعق او اقول لامي وطي صوتك لما تصوت بسبب العيال اخواتي الصغيرين
وكمان ما بقيتش اتضايق من عمايل ابويا ما بقتش اتخانق مع اخواتي الصغيرين لما يمسكوا التليفونات ال 24 ساعه ما بقتش اتخانق معاهم عشان ما بيصلوش ما بقيتش اتضايق من نفسي لما اضيع يوم او اضيع وقت عامه بدون اي فايده ما بقيتش اتضايق من صحابي لما يمشوا ما يسلموش عليا في الجامعه ما بقتش اتضايق من اي موقف محرج بقيت قاعد ساكت ما بتكلمش اخري ابص ممكن ابتسم وممكن لا بقيت استقبل كل المشاكل بصمت تام ما بقيتش اتضايق لما اشرب سجاير واشتريها رغم ان ما معيش فلوس انا شامم ريحه اكتئابي شامم ريحه جثتي فايحه مني انا تعبان اوي💔 @فَاطِمٌ الشَّافِعِيُّ.
السلام عليكم طيب وصلت هنا إزاي؟ هون على نفسك أولًا وليها حل لأن إحنا هنا لينا رب كبير سميع قريب مجيب بصير.. تفتكر ربنا مش عالم بحالك عالم بكل شيء بكل دبة! بس ربنا قال تعالى: ﴿إِنَّ اللَّهَ لَا يُغَيِّرُ مَا بِقَوْمٍ حَتّىٰ يُغَيِّرُوا مَا بِأَنْفُسِهِمْ﴾ يعني الخطوات والسعي لأزم يكون منك والتوفيق من ربنا هتفضل قاعد تبص على حياتك وهي بتدمر هتدمر قدام عينك وهنفضل قادعد مُتفرج فقط! دا مش إكتئاب دا إستسلام والسبب إنك مش لاقي لحياتك معنى! حياتك أول حاجة محتاجها علاقتك بالله لأزم لأزم تتصلح تاني حاجة علاقتك بنفسك صحتك النفسية لأزم تشتغل عليها ولأزم تعرف إن التغير مش بيكون في يوم وليله بيحتاج وقت وصبر وبحث ودعاء وخطوات فعلية... لو صحيـت الصبح وقررت فعلًا تتغير هتلاقي إعادنة بس أنت قول يارب أنا عايز حياتي تتغير وأنا عايز أتغير! أنت بتمر بفترة إحباط من نفسك ومن الـ حواليك ودي حاجة هتعرف تتعامل معاها لو عرفت تفهم طبيعة الـ بتمر بيه! أنا مش هقولك أنت مسؤل عن أخواتك وأصحابك أنت مسؤل عن نفسك أفهمها الأول أعرف أنت وصلت هنا إزاي؟ محتاج تغير إيه؟ أكتر حاجة فعلًا هتساعدك الشحن إنك تزكي نفسك وتشحنها وتربيها تربية إيمانية ودا موجود على اليوتيوب الأهم المدوامة والصحة النفسية مهمة جدًا وفهم النفس.
تم النشر الخميس، ١ أكتوبر ٢٠٢٦
لعرض السؤال في فدني اضغط هنا