سلام عليكم
انا بنت عندي 19 سنة عشت طفولة مؤلمة وتعرضت للتحرش من عمي وكان بيحاول يديني ممنوعات ويستغل ضعفي وصحتي النفسية كنت أحاول الانتحار وصاحب أبي ...
اتقدملي إبن عمتي صارحته بكل شيء حصلي وهو وافق يكمل معايا عدت الشهور وحبينا بعض بس أهله اللي هما عماتي وعمامي وأمه وأخته اتكلموا في شرفي وأهانوني ورحت اعتذرت بطلب منو هو عشان نكمل ..
بس من جوايا تعبانة بيلوموني على غلطات مش ذنبي . قالو عني اني بعتبره مجرد واحد بيصرف عليا واني بكلم شباب وغيره من الكلام اللي مقدرش أكتبه.
مع العلم انا قعدت مع والدته ووريتها كل حاجه تثبت إني بريئة وهي ظلمتني واتبلت عليا بالكلام وبنفس الوقت انا حبيت ابنها أعمل إيه فالحالة دي حاسه اني تعبت جداً ومبقتش قادره استحمل الموضوع انتهى بس مش قادره أبطل تفكير
ياريت حد ينصحني .
اللي مريتي بيه صدمة كبيرة وتأثيرها بيكمل سنين ومش بيخلص باعتذار ولا مواجهة واحدة عشان كده الحل دلوقتي مش إنك تتحملي أكتر ولا تحاولي ترضي ناس مش حاسة بوجعك الحل يبدأ إنك تحطي نفسك في أمان نفسي حقيقي أول خطوة إنك تبعدي نفسك عن أي مكان أو أشخاص بيضغطوا عليك أو بيشككوكي في نفسك حتى لو كانوا من العيلة المسافة هنا حماية مش قطيعة ومن حقك تاخديها تاني خطوة محتاجة دعم نفسي متخصص مش كلام ناس ولا نصايح عامة لأن اللي حصل لك صدمة طفولة وبيظهر دلوقتي في شكل تعب وخنقة وأفكار سودا العلاج النفسي مش ضعف ده حقك وضرورة ولو في إمكانية لجهة مجانية أو موثوقة ابدئي فورًا تالت خطوة لازم تبطلي تحملي ذنب مش ذنبك لا قدام نفسك ولا قدام غيرك اللي عمل الجريمة هو المسؤول الوحيد وإنتي كنتي طفلة ضعيفة ومش مطلوب منك تبرري ولا تثبتي حاجة لأي حد بالنسبة لخطيبك الحل إن العلاقة تكمل أو تقف لازم يكون مبني على الأمان لو هو قادر يسمع ويحتوي ويصدق من غير ضغط أو شك يبقى في فرصة تكملة صحية لكن لو بيحقق أو بيلوم أو مش قادر يتعامل مع وجعك فده هيزود الجرح ومش هيعالج حاجة وساعتها الانسحاب أرحم من الاستمرار في علاقة مؤذية لو حاسة إنك تعبانة لدرجة إنك مش قادرة تفكري ولا تاخدي قرار خدي استراحة من كل حاجة قرارات مصيرية علاقات نقاشات وركزي بس على إنك تقفي على رجلك نفسيًا الأول وأهم حاجة لو أفكار إيذاء النفس رجعت تاني لازم تطلبي مساعدة فورية من شخص آمن أو مختص لأن حياتك أغلى من أي مشكلة ومن أي حد
تم النشر الأربعاء، ٢١ يناير ٢٠٢٦
من الواضح ان الموج عالي جدآ وأقوى من حبكم بدليل ان بن عمتك لن يستطيع ان يواجه اسرته بل تحامل عليكي بتقديم الأعذار لهم وكذلك لم يتحمل الاستمرار وتقبل الانسحاب ودا أمر من الضروري ان يطمنك بدلآ من الحزن والقلق لأن علاقتكم إن استمرت لأصبحت علاقة مرهقة عليكي لأنك سوف تواجهين عائلة لا ترغب في نجاح تلك العلاقة وكان حتمآ ستؤدي للفشل ولذلك قد انجاكي الله من الان حتى لا تكون الخسائر والألم أكبر إذا استمرت العلاقة بينكم وعليك بالتفائل بترتيب الله لأمرك زحسن الظن بأن الله سوف يعوضك خيرآ من ذلك ولعلك تجدين مع الغريب الحب والامان الذي تم افتقاده مع اهلك ويارب يعوضك بالخير ويجبر قلبك
تم النشر الاثنين، ١٩ يناير ٢٠٢٦
وعليكم السلام ورحمة الله وبركاته يا عزيزتي، أولاً، أنا حزينة جداً لكِ ولما مررتِ به من طفولة قاسية وتحرش من عمكِ، ومحاولات الانتحار، وكلام أهل ابن عمتكِ اللي ظلموكِ رغم الدليل. أنتِ بريئة تماماً، والذنب على الظالمين مش عليكِ. اللي حصل مش غلطتكِ، وما يستاهلش يلومكِ عليه أحد. قلبكِ طيب وحبيتِ بصدق، بس التعب اللي جواكِ مفهوم، وده طبيعي بعد صدمات زي دي. إيه اللي تعمليه دلوقتي؟ ارجعي لله : صلي النوافل، اقرئي قرآن يومياً (سورة الشرح خاصة للضيق)، وادعي ربنا يفرج همكِ ويبدل حزنكِ فرح. الصبر هنا مفتاح الفرج. اقطعي التفكير السلبي : كل ما يجيلكِ ذكرى، قولي "أعوذ بالله من الشيطان الرجيم" وقومي بفعل إيجابي زي المشي أو ترتيب أوضتكِ. حددي هدف صغير يومي: زي دراسة ساعة أو تعلم مهارة جديدة عشان تبني ثقتكِ بنفسكِ. العلاقة دي : لو انتهت، خليها تنتهي نهائي. اللي ما يقدر يدافع عنكِ قدام أهله مش شريك حقيقي، حتى لو حبيتوا بعض. أنتِ تستاهلي واحد يشوف قيمتكِ ويحترم ماضيكِ. ركزي على مستقبلكِ، والزواج اللي يرضي الله هيجي في وقته. أنتِ قوية و19 سنة بس، عندكِ حياة كاملة قدامكِ. لو عايزة دعم أكتر، ابحثي في فدني عن أسئلة مشابهة عن أو روحي لصفحة الخبراء https://www.fedni.net/experts واستشيري متخصص نفسي أو ديني هناك. ربنا يعينكِ ويفتح لكِ أبواب الخير، وأنا هنا لو عايزة تتكلمي أكتر. 💕
تم النشر الاثنين، ١٩ يناير ٢٠٢٦
ربنا يرزقك خير
تم النشر الخميس، ٢٢ يناير ٢٠٢٦
انا من رأيي انك في حالة تشتت ومشاعر متلخبطة والزواج قرار يحدد مستقبلك فلازم تاخديه بعد ما ترتبي مشاعرك وافكارك ... فأجلي القرار ده سنة أو اكثر
تم النشر الثلاثاء، ٢٠ يناير ٢٠٢٦
صليتي صلاة استخاره ؟. لان انا مش شايف الموضوع كامل ربنا يختارلك الأنسب إن كان خير ليكي ربنا يجمعك بيه وان كان شر ربنا يصرفوا عنك واهم حاجه انتى مش عامله حاجه غلط ولا عيب علشان تتنازل عن اي حق من حقوقك وربنا يسعدك 😊
تم النشر الثلاثاء، ٢٠ يناير ٢٠٢٦
وعليكم السلام ورحمه الله وبركاته اللي حصلك وأنتِ طفلة مش ذنبك، والمتحرش ده مجرم استغل براءتك. كونك كنتِ صريحة مع الشخص اللي اتقدم لك دي شجاعة نادرة تدل إنك بنت أصول ونضيفة من جواكي. اللي بيعايرك بوجعك ده إنسان ناقص، واللي بيفتري عليكي في شرفك ده حسابه عند ربنا عسير. البيت اللي أوله كده.. آخره إيه؟ إنتِ دلوقتي لسه على البر، وأهله عمتك وأولادها وأعمامك خاضوا في سيرتك وأهانوكِ وصدقوا عليكي كلام محصلش. تفتكري لما تتجوزي وتعيشي وسطهم، هيعاملوكِ إزاي؟ هتفضلي طول عمرك في خايفه أي مشكلة صغيرة هتحصل، هيعايروكِ بماضيكِ اللي ملكيش ذنب فيه. بدل ما تعيشي في بيت هو السكن، هتعيشي في محكمه بتدافعي فيها عن نفسك كل يوم. موقف ابن عمتك ده أهم نقطة. هو وافق في الأول، بس لما أهله أهانوكِ، هو عمل إيه؟ لو هو "راجل" بجد، كان وقف قصادهم وخرس أي حد يفتح بقه بكلمة في حقك، وكان قالهم دي مراتي وشرفي واللي يغلط فيها يغلط فيا. لو سابك تروحي تعتذري وتبرري لوالدته وأنتِ مظلومة، فده معناه إنه ضعيف ومش هيقدر يحميكي منهم بعد الجواز. والست اللي تتجوز راجل مبيحميش كرامتها، بتعيش مكسورة. نصيحتي ليكي من اخ لاخته بطلي تثبتي براءتك لحد. اللي عايز يصدق إنك وحشة هيصدق مهما عملتي، واللي بيحبك بجد هيشوفك أحسن حد في الدنيا. فكري في نفسك: إنتِ لسه صغيرة 19 سنة والعمر قدامك. متجبريش نفسك على عيشة سودة عشان بس بتحبي واحد. الحب بيروح مع الإهانة، والكرامة هي اللي بتبقى. ابعدي عن البيئة دي: العيلة اللي بتنهش في عرض بعضها دي بيئة سامة. لو الموضوع انتهى، اعتبريه نجدة من ربنا ليكي إنه كشفهم قبل ما تدخلي بيتهم وتتحبسي معاهم. ركزي في مستقبلك: اتعلّمي، اشتغلي، عيشي حياتك، وخلي ثقتك في ربنا كبيرة إنه هيعوضك بحد يقدرك ويشيلك فوق راسه ويشوف فيكي البنت الشريفة العفيفة اللي بجد. ملخص الكلام اللي يبيعك بكلمة، ميتلزمكيش. والباب اللي يجيلك منه ريح ..الإهانة..، سديه واستريحي. إنتِ غالية، ومحدش ليه حق يكسرك. جد ربنا يحفظك وبعتذر على الإطالة
تم النشر الاثنين، ١٩ يناير ٢٠٢٦
وهوه حتى هيقولك تتصرفي ازاي مع اهلك
تم النشر السبت، ٢٤ يناير ٢٠٢٦
ضروري تحاولي حالتك محتاجة لمتابعة مستمرة مع طبيب
تم النشر السبت، ٢٤ يناير ٢٠٢٦
انا كنت بتعالج عند دكتور وكنت باخد ادوية كتير جداً اهلي منعوني من الدكتور ومنعوني من الأدوية كنت بموت من غيرهم .. ودلوقتي لأن انا على وش جواز منعوني أروح خالص قال " عشان لما اتجوز ممشيش على أدوية انا مش محنونة " .
تم النشر السبت، ٢٤ يناير ٢٠٢٦
ياأختي ارجوكي لازم تروحي ل معالج سلوكي هيوجهك في حياتك مينفعش تعتمدي على حاجات تانية زي تطبيق ده او ذكاء اصطناعي او غيرهم
تم النشر السبت، ٢٤ يناير ٢٠٢٦
كلامك صحيح لكن بعد تلت أشهر المفروض الزواج وهو وعدني انو مش هيتكرر الموضوع ده أعمل ايه؟
تم النشر الاثنين، ١٩ يناير ٢٠٢٦
لعرض السؤال في فدني اضغط هنا