انا طول عمرى فى حالى لا ليا فى الارتباط ولا الحب ولا اى حاجه من دى . اتربيت على كدا وبحكم انى تربية وسط اولاد وانا البنت الوحيده فطالعه جادية شويه يعنى مش من النوع اللى يضحك فى وش دا ولا يهزر مع دا وكدا ولا من النوع اللى عنده اصحاب اولاد ولا الكلام دا ومش شخص اجتماعى كمان.
كنت كدا لحد ما القدر حط فى طريقى شخص واحد اول مره شوفته كان فى محل شغل كنت بجيب طلبات وهو بتاعه وكدا فكان بيساعدنى ويجيبلى اللى عايزاه بس والله ما خدت بالى منه ولا ركزت معاه ودا اتكرر كتير لانى بتعامل مع المحل دا دايما وكل مره كان بيبقى موجود ومباخدش بالى ولا بركز معاه لحد ما مره كنت فى الجامعه وببص بالصدفه قدامى لقيت الشخص قدامى. مش مبالغه والله بس الوحيد اللى لفت نظرى وسط الجامعه كلها ووسط كل اللى كان واقف فى الجامعه. اكتشفت انه معايا فى نفس الجامعه فى الدفعه الاكبر منى وبعدها اتفاجئت برضو انا نفس الشخص اللى بتعامل معاه دايما ودى كانت اول مره اخد بالى منه وحرفيا من بعدها مبقيتش انا بتاعت زمان فى حاجه لمست قلبى بقيت عايشة بفكر فيه بس دورت وجبت اكونتاته وبتابعها اول باول وداخله على سنه على الحال دا
هو فى الجامعة لبسة واهتمامه بنفسه زى الشغل بالظبط يعنى مفيش فرق علشان محدش يقول مثلا ان فى الجامعه لبس احلى وكدا فلفت نظرى لا والله هو فى الحالتين بيهتم بنفسه وبيكون قمر والله بس هى جت كدا ووالله مبقيش حد لافت نظرى ولا قلبى غيره وهو شخص كويس اوى بيعرف ربنا ومنتظم فى الصلاه محترم وجدع وابن ناس وقد الشغل وتعبه وبيشيل مسئولية ويعتمد عليه وكل دا حببنى فيه اكتر
تعرف لما تحس كدا ان انت لقيت نفسك بمجرد ما بصيت لحد بصه بس انا مش ببالغ بس والله انا لما بشوفة قدامى بروح فى عالم تانى مببقاش مركزه مع الدنيا ولا اللى حاصل حواليا
كل دا من طرف واحد بس من ناحيتى هو ميعرفش اى حاجه وانا علشان متعبش او اعلق نفسى باى حاجه من ناحيته بطلت اروح المحل عندهم خالص علشان اصلا مكنش ينفع ان يحصل كدا معايا من الاول بس اللى كان بيصدمنى ان كنت بلاقيه قدامى فى اماكن كتيره وغريبه زى انى ابقى لسه نازله من العربية المواصلات الاقيه فى وشى . زى ان كنت قاعده فى الكلية فجاه فى مكان بعيد الاقية معدة قدامى كذا مره . دا حتى اليوم اللى نزلت فى الكليه فى الاجازه واللى هو المفروض مفيش حد خالص فيه لان مش دراسة انا كنت بخلص ورق بس لقيته قدامى والله معرفش ازاى
انا حاولت اعرفة بكدا عن طريق ابلكيشن صراحه بس منفعش وانا مش عايزه شكلى يبقى وحش قدامه ولا ياخد عنى فكره غلط خصوصا انه يعرف اهلى وانا اعرف اهله وبتعامل معاهم كلهم فمش عارفة بجد اعمل ايه
انا بدعى ربنا وبحاول انساه بس مش قادره فممكن تقولوا رايكم وتفيدونى رجاءا
انا والله حبيته جدا لدرجه ان والله بقيت بتزاول بيه قدام الناس وببقى قاعده شايفه اى شخص قدامى هو وانا مش عاجبنى حالى كدا
بصي أنتي تقريباً متابعاه بشكل كبير وبتدخلي كل يوم على اكونتاته تشوفيه نزل إيه جديد وحياته عاملة إزاي .. لو قدرتي متدخليش اكونتاته تاني يوم فالتاني فالتالت هتلاقي نفسك تدريجياً بتنسيه - وعلي فكرة نصيحة...
اسألي أهل الخبره والعلم واستشيري الله واشغلي وقت فراغك بالعبادات والطاعات اولا وبعدين هواوياتك وتطوير شغلك الانسان بيتعلق بالاشياء وبيفكر في الاوجاع لما يكون دماغه فاضي ووقته فاضي . لكن طول ما انتي لو...
انتى بتعملى الصح ومش محتاجة تعملى اكتر من كده جاهدى نفسك فى انك متتحركيش اى خطوة فى الاتجاه ده انك تقربيله خالص انك تحسي بشعور تجاه حد ده طبيعى وعادى يحصل لاى سبب والحاجات اللى بنفكر فيها بتبدأ تظهر ق...
لعرض السؤال في فدني اضغط هنا