السلام عليكم انا دلوقتي طالب تالته ثانوي عام علمي علوم في مصر و كنت بادئ السنه حلو نوعا ما و كنت بدات اقرب من ربنا و انتظم في الصلاه و المذاكره يعني ارجع من الحصه اذاكرها و احل اللي عليها و هكذا دلوقتي بقيت ليا اربع اسابيع مش بذاكر زي الاول ابدا و مش بصلي زي الاول ابدا بقصر حدا في الصلاه و حصص السنتر لوحده اصلا بيضيع فيها المغرب و العشاء و حتي المذاكره مبقتش اقدر اعمل حاجه غير اني يدوبك اسمع المحاضره و بالعافيه اصلا و مش بذاكرها ولا بحل عليها اي حاجه و اتراكم عليا حل كتير جدا و كمان بضيع يومي كلو منغير ما افتح كلمه احيانا و بيضيع علي اباح** و ريلز و ادمان الاباح** و عاده ده بردو مشكله في حياتي عايز ليهاحل فبالله عليكم حد يساعدني و يقولي اذاي ارجع احسن من الاول بمراحل كمان و الم المتراكم كلو من حل و يا ريت بلاش كلام نظام البومودورو و ابدا بحته بسيطه و الكلام ده علشان مش بعرف اطبقو و
السلام عليكم، ساعات على فكرة ممكن نحسد نفسنا لما نحس إننا ماشين حلو في أهدافنا، وساعات الحماس بالبداية بيكون غلط خاصة لما بيخلينا نحس إننا خلاص أنجزنا فبيدخل العقل في حالة نشوة الإنجاز وبيخلي حماسنا بعد كده يقل أو بنكون بادئين بطاقة عالية ونهدرها كلها بالأول. متفكرش في الأربع أسابيع اللي فاتوا، عادي... الكبوات متوقعة في الطريق خاصة لو الطريق طويل وفيه ضغوطات. الضغط والتوتر من ناحية المذاكرة والنتيجة طبيعي هيتسرب لك مع مرور الوقت لو منتبهتش لأفكارك وهيخليك تمل المذاكرة وتلجأ للتسويف، والتسويف والتهرب عندك كان عن طريق إدمان الريلز والإباحية والعادة. تفكيرك في المتراكم ولوم نفسك على الأربع أسابيع اللي أهملت فيهم كل ده عامل ضغط نفسي ع ليك وطول ما أنت تارك الأفكار دي في عقلك هتفضل تلف وتغرق أكتر في دائرة التسويف والإحساس بالذنب بسبب الإباحية والعادة. فلازم تكسر الدائرة دي. ومش هتتكسر إلا لما تبدأ. *** أنت بتقول مش عاوز كلام بومودورو والأجزاء البسيطة بس عمليا ده الحل للتسويف، إنك متنتظرش الشغف يرجع أو تحصل معجزة تخليك ترجع فجأة زي الأول، إنك تبدأ على طول وتتدرج ومتتقلش على نفسك بالمهام لحد ما تتعود وتزود بعد كده حسب طاقتك، اتبع قاعدة الخمس ثوان، خد قرار هتقوم تذاكر المادة الفلانية وعد تنازليا خمس ثوان وقم على طول، بعد الخمس ثوان عقلك بيبدأ يطلع أعذار عشان يخليك تتهرب. فمتعطيش لعقلك فرصة يفكر ويسوف. *** متفكرش في المتراكم، اعمل خطة مرنة تجمع فيها مذاكرة الجديد مع جزء بسيط من القديم كده هتحل مشكلة المتراكم تدريجيا وهتتجنب تراكم محاضرات جديدة عليك. *** خليك حازم مع نفسك ومتتركهاش هي اللي تتحكم فيك وبتجرك للي هي عاوزاه، نفسك زي الطفل مينفعش تتركها تجري ورا هواها وإلا هتهلكك. اقعد مع نفسك وراجع أفكارك وأولوياتك وخلي هدفك ومسؤولياتك أمام عينيك وخد وقفة حازمة مع نفسك ولا تنتظر تحفيز من الخارج ولا رجوع الشغف لوحده. وأهم حاجة، حافظ على صلاتك ومتقصرش في علاقتك بربنا بحجة الدراسة والدروس، لو هتضطر تغير لدروس تانية أو تاخد دروسك اونلاين. حسن علاقتك بربنا تدريجيا وجدد نيتك من المذاكرة واستعن بالله وادعيه بيقين وإن شاء الله يصلح أحوالك كلها ويوفقك في دراستك وحياتك. بالتوفيق.
تم النشر الأحد، ٢٥ أكتوبر ٢٠٢٦
بص هقولك علي حاجه انا لما قريت البوست بتاعك من الاول جيه في بالي فورا اول ما قولت انتكست عرفت السبب من غير ما اكمل باقي البوست، هنصحك ك اخ انت حقيقي محتاج تقعد مع نفسك و تبدئها صح سييك من كل ال فات و ال اتراكم عليك و بص علي السبب الاساسي ال زي الاب**** مش عليها غير انها بتدمر عقلك و تفكيرك و صحتك انا في ايام ثانوية عامة ايام جات عليا من كتر الضغط كنت بلجئ ليها كحل انها تريحني بس كنت بعدها بحس بندم و مبلاقيش اي حاجه اتحلت بالعكس الضغط قاعد زي ما هوه لغاية ما بصيت لهدفي و قررت اني اتخلي عن الحاجات دي بشكل نهائي و اقرب من ربنا قربك منك حرفيا هتلاقي نفسك مرتاح جدا و امورك ميسرة كلها ف انت حقيقي لازم تبعد انا بنصحك ك اخ ليك خدها واحده واحده و ممكن تقفل المواقع دي من الرواتر انا أيامها كنت منزل ابلكيشن قافل الموقع دي لما باجي ادخل عليها بس كنت الحمدلله مش بضعف غير فين و فين و برجع اكمل و بالنسبة التراكمات انت لازم تكمل معاهم و تنظم يومك لو في عندك يوم فاضي تلم فيه كل ال عدا دا و متقلقش قدامك وقت مش لازم تضغط نفسك ابدا و حاول تاخد اوميجا 3 و وقت ما تضيق بيك هاتلك كراسة و اعملها زي مذكرات ليك اكتب فيها ال انت حاسس بيه و هتعمل ايه علشان تخليك في افضل حال ،الكراسة دي قاعدة معايا لغاية دلوقتي و انا خلاص في اخر سنة في الجامعة بتاعتي بقرائهم وقت ما بوقع زي كدا و بكمل اي نعم الحياة مش عادله بس لازم تحارب نفسك و نصيحة ابعد عن السوشيال ميديا كل ال حواليك دول فيك انا لما خرجت من ثانوية عامة اكتشفت حقائق كتير و ولاحد منهم كان بيسال و ولاحد كمل معايا للحظة دي انت بس ال هتكمل رحلتك لوحدك علشان كدا لازم تفوق لنفسك والوقت في صالحك علفكرة
تم النشر الاثنين، ٢٦ أكتوبر ٢٠٢٦
السلام عليكم أولًا الله يعينك اللهم آمين ويردك إليه ردًا جنيلًا. الحل: حاول تحاوط نفسك بصحبة صالحة وناس شاطرة تقولك يلا نذاكر يلا الدرس، أتفق مع صاحب بل صحبة كاملة كل صلاوتك تكون في المسجد عشان القعدة وحدك في في غرفة المذاكرة هي السبب لأنك أنت مش وحدك أنت معاك الشيطان أكبر عدو ليك ومعاك نفسك الإمارة بالسوء، يبقى أنت محتاج إيه بكل بساطة، محتاج صحبة صالحة تذكرك بالله علطول وصلاتك تكون في المسجد، ولو معاك أخ ممكن يقعد معاك في نفس الغرفة عشان متنساش المذاكرة ونفسك ومش هتقدر تقعد على الفون بالساعات عشان في رقيب. الأمر الأهم التزكية أنت محتاج دروس تزكية ومواعظ وعامةً الـ حصل بسبب الفراغ لأنك فرغت فـ الشيطان ما صدق. أعمل لنفسك جدول لم المتراكم. زكي نفسك كل يوم درس تزكية موجود كتير جدًا على اليوتيوب أجبر نفسك تذاكر هات عدد كبير جدًا من الإستغفار عشان دماغك تنسى مشاهد الإباحية لأنها بتدمر الدماغ وسبحان الله أنا عرفت المعلومات دي من مجلة طبية إن الإباحية بتدمر الإنسان فـ إبعد الطريق ده خطر جدًا وأصلًا مدمر وهتندم لو كملت دقيقة وحده في نفس الطريق الحاجة الأخيرة لأزم يكون ليك ورد من القرآن صلاتك خطر أحمر حتى لو بتجر نفسك جر صلي. روح جيم حاول روح لشيخ يحفظك قرآن منها هتتعلم وهتقرب من ربنا أكتر ومش هيضعلك الثانوية العامة هيبارك فيها بالتوفيق ✨️
تم النشر الأحد، ٢٥ أكتوبر ٢٠٢٦
وعليكم السلام ورحمة الله، يا أخي. أول حاجة لازم تعرفها إن اللي بتمر بيه ده مش ضعف شخصي بس، ده اختبار شائع جدًا في سنك، خاصة مع ضغط الثانوية والإدمان اللي بيسرق الوقت والطاقة. ربنا سبحانه وتعالى بيحب التوبة ويرجع العبد أقوى لو رجع له بصدق، وأنت قادر ترجع أحسن من الأول لأنك جربت الطريق الصح قبل كده وتعرفه. ابدأ دلوقتي بالتوبة الصادقة: صلِّ الصلاة اللي فاتتك بالترتيب واستغفر ربنا كتير، وقول له إنك عايز ترجع وتستعين بيه. الصلاة هتبقى مفتاحك الرئيسي، حاول تخليها في أول وقتها حتى لو في السنتر، ولو فاتت صلاة صليها في البيت فورًا. ده هيديك شعور بالسيطرة ويقلل الشعور بالذنب اللي بيخليك تهرب للريلز والإباحية. بالنسبة للمذاكرة والتراكم: قسم المواد لأولويات واضحة، ابدأ بالمواد اللي بتتراكم فيها أكتر (مثل الأحياء أو الكيمياء) وخصص لكل محاضرة فاتت جلسة واحدة كاملة تحل فيها التمارين فقط بدون إعادة الشرح كله. اعمل جدول يومي مرتبط بمواعيد الصلاة: بعد الفجر ساعة مذاكرة، بعد الظهر ساعتين، بعد العصر ساعة، وبعد العشاء ساعة قبل النوم. كل يوم حدد 3 محاضرات بالظبط تحلهم، ولو حسيت بالإرهاق غير المكان أو غير الوضعية بس استمر. عشان الإدمان، احذف التطبيقات اللي بتفتح الريلز فورًا واستبدلها بقراءة صفحة قرآن أو مراجعة سريعة لملخصاتك بعد كل صلاة، ولو جاتك الرغبة قوم صلِّ ركعتين سنة فورًا. الرجوع هيحصل بالاستمرارية مش بالحماس المؤقت، فكل يوم اكتب في ورقة صغيرة 3 حاجات عملتها صح (صلاة + محاضرة + حل تمارين) وهتلاقي نفسك بتتقدم. أنت مش لوحدك في المعركة دي، وربنا معاك لو نويت. لو عايز تفاصيل أكتر عن ترتيب المواد قولي.
تم النشر الأحد، ٢٥ أكتوبر ٢٠٢٦
لازم تبدأ تغير من نفسك وتاخد خطوات جاده... اكتب في ورقه اي الحجات الي بتضيعني وبتضيع حياتك وقصادها اكتب كذا اقتراح للحلول... مثلا التسويف بيضيع وقتي.. الحل مثلا اني اخلي امي تاخد الفون مني من الساعه كذا ل كذا واذاكر بالعافيه... الصلوات مثلا... صلي السنن وخليك ديما متوضي علي قد متقدر... دعاء جوف الليل بيصنع معجزات بردو لو انت فعلا مش عارف تعمل اي... خليك عارف ان ربنا لم يخلقنا عبثا وان ليك هدف ف الحياه مش مجرد انك تنام وتاكل وتشرب وتعصي ربنا... دعاء بردو اللهم حصن فرجي .. ربنا يتقبل منك ويعينك ويثبتك
تم النشر الاثنين، ٢٦ أكتوبر ٢٠٢٦
اولا إن الله لا يغير ما بقومِ حتى يغيروا ما بأنفسهم...
تم النشر الاثنين، ٢٦ أكتوبر ٢٠٢٦
عليكم السلام ورحمة الله وبركاته ، الصلاة اهم شيء ياحبيبنا يعني انت كدا بتضيع حرفيا ترك الصلاة اكبر بكتير من اي شيء تاني، اما الادمان تدرج في تركه لو مش عارف تتركه مرة واحدة بس بلاش تدي الادمان اكبر من حجمه. خد خطوات حقيقية بالتدريج واقحم نفسك في الانشغال بقدر الإمكان
تم النشر الاثنين، ٢٦ أكتوبر ٢٠٢٦
لعرض السؤال في فدني اضغط هنا