واضح إن صاحبتك محتاجة حد يقرب لها بهدوء قبل أي أحكام. أول خطوة إنكم تقعدوا معاها تاني، بهدوء ومن غير هجوم، وتقولوا لها إنكم فاهمين هي حاسة بإيه ومقدّرين مشاعرها، لكن في نفس الوقت في حاجات مينفعش تستمر بالشكل ده ولازم ترجع توازنها مع الواقع. حاولوا الكلام يكون فيه احتواء مش مواجهة. الهدف إنها تحس إنكم معاها مش ضدها. بعدها، مهم جدًا إن الموضوع يوصل لأهلها بطريقة هادية ومحترمة. مفيش أهل بيكرهوا أولادهم، وغالبًا هم مش واخدين بالهم من اللي بيحصل. لما يقربوا منها أكتر ويهتموا بيها، ده لوحده ممكن يفرق جدًا في حالتها. ولما تبدأ تهدى وتتحسن، ساعتها بس تفتحوا معاها موضوع الشخص ده. لو ما استجابتش، ساعتها يتكلم حد كبير من أهلها في الموضوع بهدوء.
لعرض الإجابة في فدني اضغط هنا