السلام عليكم ورحمة الله وبركاته القصه كبيره شويه ما حدش يكسل يقرا
انا طالبه في تانيه ثانوي ماشيه في ال 18 . مشكلتي هي عيلتي . عيلتي اللي ما فيش بينها تفاهم مش بينها احتواء ما فيش بينها احترام للاراء ما فيش بينها اي حاجه غير الزعيق وفرض الراي مش اكثر ولا اقل
من وانا عندي 12 سنه وانا بتفرج على اي حاجات انا مش عايزاها . من و انا عندي ١٢ سنه بيتغصب عليا الجواز و اني لو رفضت اكون كدا شخصيه مغروره و ازي واحده يجلها ده و ترفضوا لاء دي اكيد اكيد يمجنونه ي معمول ليها عمل . ده باختصار تفكير عيله المريضه ايوه وانا بطلق عليها اسم العيله المريضه لانها ما تتسماش غير كده . بيتفرج عليا العرسان وبيتغصب عليا وبسمع الكلام دوت من وانا عندي 12 سنه متخيلين
بنت لسه يعتبر ما كملتش عقلها لسه م نضج ولا اي حاجه اتخطبت وانا عندي 13 سنه ما اعرفش هو مشي ليه بس في يوم وليله لقيت العريس ده اسفه مش موجود ولا كاني في اي حاجه حصلت حمدت ربنا انها جت من عنده بس طبعا أهلي مفكروش ان هو اللي مشي لوحده من غير ما انا اعمل اي حاجه والله لا ده اول حاجه فكروا فيها ان العيب مني انا حاولت على قد ما اقدر ادافع عن نفسي بس برده التهمه فضلت ست ثابته عليا
عدت سنتين وجالي عريس تاني وبرده وافقوا عليه المهم ان انا اخرج من البيت ده بأي طريقه حتى لو على حساب بنتنا اللي بعد كده هتتعذب مش مشكله المهم نفرح بيها وما توصلش لسن 18 سنه علشان كده لا دي هتبقى عانس بقى والناس هتقعد تضحك علينا
وبالفعل اتخطبت تاني كل دوت وانا لسه ما كملتش حتى 17 سنه اتخطبت تاني وقعت انا وخطيبي دوت حوالي ثلاث شهور مخطوبين مش مخطوبين مقروء فاتحتنا بس المهم لقيته شخص مش محترم ولسانه طويل وبيهين المرآه وبالنسبه له ان المراه تتعلم ده شيء كارثي وان كده ابوها ده راجل قليل الادب انه طلع بنته تكمل تعليمها ( ده العريس المريض اللي كانوا عايزينه يخلوني اوافق واكمل معاه حياتي)
المهم عملت كل ما في وسعي علشان ارفضه كرهته في حياته بمعنى اصح لان لو قلت لبابا او لماما لا انا مش مرتاحه معاه هيقولوا لي لا كملي ومش عارفه ايه وهتضرب في الاخر وهفضل بردك مكمله المهم عملت كل حاجه علشان نفسخ خطوبه دي وبالفعل ما كملش بالظبط شهر الخطوبه اتفسخت اتضربت واتهزقت لان طبعا العيب مش من عنده وتأكيد العيب من عندي انا ( مع العلم اني حكيت لاهلي انه بيشتم وبيقول الفاظ ما تتقالش اصلا) بس كلمتهم الشهيره الراجل ما يتعايبش مدام بيحبك
المهم عدت الايام وحاربت علشان ادخل ثانويه عامه وبالفعل دخلتها بعد ما قعدوني سنه من عمري في البيت بس برده دخلت ثانوي عامه ونجحت في اولى وخلاص كلها اسبوع واخلص تانيه ثانوي وكلها شهر بالضبط واكون في ثالثه ثانوي
حياتي الماساويه ما وقفتش بقى لا دي فكره مكمله معايا لحد الان
جالي عريس من اسبوع كده اهلي خلوني اقعد معاه غصب عني ده طبعا بعد ما سمعت انت بني ادمه معقده وانت بني ادمه مغروره انت بني ادمن الخ المهم قبل ما اقعد معاه انا حاطه في دماغي ان انت كده كده مرفوض يا حبيبي ( مش برفض علشان انا مغروره ولا شايفه نفسي زي ما هم بيقولوا والله العظيم ابدا انا برفض بس علشان مخدش واحد زي اللي ف عيلتي دي عايزه واحد محترم مثقف و محترم يعرف قيمة المرأه اللي ف حياته و يقدرها ويحترمها و فوق كل ده يكون متعلم و يعرف ربنا كويس اوووي ) للاسف ايه اللي جاء ده بقى ولا كان متعلم ولا كان في اي صفه من اللي انا عايزاها
رفضته ولما رفضته بالظبط اسبوع ضغط نفسي انت معقده انت ما تتطاقيش انت في الاخر هتاخدي واحد يمسيك بعلقه ويصبحك بعلقه تفضلي كده تبطري على نعمه ربنا غيرك مش لاقي انت عايزه واحد بالمسطره مش هتلاقيه افضلي اقعدي بقى لحد سن العشرين عانسه الخخخخ
المهم علشان انا في فتره الامتحانات كنت بحاول على قد ما اقدر كل ما اسمع كلمه اروح اشكر ربنا ربنا يخفف قلبي واقوم رايحه مكملاه تاني على المذاكره وهكذا وهكذا وهكذا لحد فعلا انك اكتشفت ان انا جالي برود في الاعصاب اللي انا الكلام دوت كله ما بقاش فارقني قولوا اللي تقولوه برده مش هسمع كلامكم وانفذ تفكيركم المريض دوت
عدى اسبوع بالظبط على الموقف ده وجالي عريس تاني عنده 33 سنه مش متعلم برده وشغلانته شغلانه عشوائيه كده بيشتغل امن
رفضته طب ليه ترفضيه ازاي ترفضي الملاك ابو جناحين دوت ازاي ترفضي نبي من انبياء الله ازاي بجد انت عملت كارثه انت بجد مجنونه يا معمول لك عمل
فضلت اقول لهم فرق السن كبير قوي فوق كل دوت مش هيخليني اكمل تعليمي ما فيهوش اي صفه من اللي انا حاطاها في دماغي ولا اي حاجه
وادينه اهو بكلمكم من قلب الحدث عن الكلام اللي بيتقال لي
انت ابوكي الله يرحمه لو كان عايش كان اداكي علقه ظبطك عشان تبطلي تتبطري
المفروض امك تمسكك وتديكي علقه دلوقتي عشان تبطلي تتبطري
انت بني ادمه مغروره ومش هتلاقي حد يبص في وشك بعد كده
تعليم ايه اللي بتبصي عليه ياما معهم شهادات وقاعدين في البيوت هتبقى انت النبغه اللي فيهم يعني في الاخر هتبقي زيك زيهم يا اختي
طب افرضي اخذت شهاده هتشتغلي وانت متجوزه
هتعملي ايه يعني بشهادتك دي مادام بتعرفي تقراي وتكتبي و الخخخخخ بقا و بس كدا ده الكلام السكر إللي بسمعوا كل اسبوع يفكرني بس اني مهمه عملت حاجه اخري بيت جوزي و برضوا يفكرني اني مغرورة و بتبطر ع نعمه ربنا
مع العلم ان انا مش كده خالص والله العظيم بالعكس انا نفسي اتجوز بس مش بالطريقه دي
ومش معنى اني قلت اني مش عايزه اتجوز بالطريقه دي اني عايزه اصاحب واتعرف عليه قبل ما يدخل الباب من بيته والكلام المقرف ده والله العظيم ابدا
كلمه انا مش عايزه اتجوز بالطريقه دي ليها كذا معنى على فكره اول معنى ليها وهو اني مش عايزه حد يغصب عليا في حاجه انا مش مقتنعه بيها لانك مهما قلت مش هقتنع ثاني معنى اني مش عايزه اي حد او اي واحد تشوفوه تقوم جايبه لي والمفروض اني اوافق زي ما العريس دوت عنده شروط في العروسه اللي هيروح يشوفها ولو ما لقيهاش متوفره عندها يروح يدور على غيرها انا كده برده انا ده اللي عايزاه انا شروطي لو ما لقيتهاش في الشخص اللي قدامي هرفضه حتى لو بعد كده اطحنت من الضرب ما عنديش مشكله
لو في الاخر المكسب هيكون الشخص اللي انا عايزاه . فكركم مش عايزه اطلع من العيله دي بالعكس عايزه اطلع منها النهارده قبل بكره . بس هطلع منها على عيله اسوأ وعلى شخص اسوا وعلى عيشه اسوأ طب قولي لي ما الصبر حلو في كل حاجه بس هو مش مقتنعين وبالفكره دي بالنسبه ليهم شخصيه عندها 18 سنه ولسه ما قفلتهمش كمان دي المفروض تتجوز النهارده قبل بكره عشان ما تبقاش عانس
سبحان من مصبرني لحد الان بس انا صابره لاني عارفه واثقه ثقه عمياء ان في الاخر المكسب هيكون ليا انا والشخص اللي انا هختاره هفتخر بيه قصاد اي حد قال لي انت مغروره و هكمل تعليمي غصب عن اي حد وغرور بغرور بقى مش في الحالتين انا مغروره يبقى مش مشكله نكمل الغرور للاخر ما فكروش في نفسيتي ما فكروش ان دي عندها امتحان بكره الصبح والمفروض ان يكون نفسيتها كويسه علشان ما تتشتتش وهي في اللجنه بس الحمد لله على كل حال الحمد لله
وبس كده ده جزء بسيط قوي من حياتي المأساويه القاكم مع العريس الجاي ان شاء الله وهحكي لكم ايه اللي حصل😂💔💔
حد يقولي حل
السلام عليكم ورحمه الله وبركاته. بيكون صعب جدا واضح انه اللي حواليكي عايشه فيها المكان اللي انتم عايشين فيه دي القواعد بتاعته يعني ده العادي بتاعه ان البنات تتجوز في بنت في سن صغير وان هي يعني اقول كده ما خلاص تبقى واضح ان هي بقى. يعني ليها سن البلوغ فخلاص يعني احنا نبدا بقى ايه نشوف لها عريس او عادي جدا ان احنا نبدا نقرا فتحتها نخطبها لحد ما تكمل السنه القانوني وكمان للاسف في ناس ما بتستنيش السنه القانونيه ده بيحصل ده بيحصل موجود وواضح ان دي البيئه اللي انت عايشه فيها طيب هل دي الطبيعه بتاعه الحياه وده ممكن يحصل ولا لا اه ده ممكن يحصل ممكن يحصل باشكال كتير جدا لان احنا نلاقي نفسنا محطوطين في بيئه غير مناسبه للقيم اللي احنا اخترناها لنفسنا ان كل انسان هو اللي بيختار القيم بتاعته او بيسيب نفسه تتفرض عليه القيم بتاعه المجتمع عشان كده ده بيكون اختيار البني ادم وده اللي بيفرق الشخص من انه يكون ااا شخص ليه شخصيه بتاعته هو او يكون بس مجرد تابع وبياخد شخصيته دي من اللي حواليه وياخذ منهم نسخهوالتاسيس بيت محتاج ناس متعلمه محتاج ناس عارفه هتجيبي البيت ده ازاي وهيديروا علاقتهم ازاي فانت جميله انت فاهمه الكلام ده كويس استمري فيه اي قرار بناخده بيكون فيه معاه صعوبات مفيش حاجه اسمها قرار الصح فمعنى كده قرار الصحه هيبقى ما فيش فيه اي سلبيات او ما فيهوش اي ازمات بالعكس كل قرار وليه الاثار الجانبيه بتاعته اللي هي هتكون ايه هتكون عقبات هتكون صعوبات هتكون مقاومه من اللي حوالينا ايا كان شكل الصعوبه دي ايه واللي هي واضحه جدا عندك انت في شكل مقاومه من اللي حواليكي للقيم بتاعتك انت فانت هتتحملي الصعوبه دي قصاد ايه قصاد انك تحافظي على قيمك وقصاد انك توصلي وتحققي الهدف بتاعك انت الشخص اللي انت فاهماه كويس جدا جدا قوي ارادتك وطول الوقت بتقوي ارادتك بايه بانك تزودي الوعي بتاعك بانك مش يبقى عندك بروده في المشاعر ولكن يكون في عندك ااا درع بتقدري تقفي به قصاد اي حد بيحاول ان هو ياثر عليك او بيحاول ان هو ااا يزقك باي حاجه سلبيه تخليكي ترجعي عن قرارك ده او عن ااا القيم اللي انت مقتنعه بيها جدا فطول الوقت قوي من الدرع ده الدرع ده هيكون بايمانك بربنا الدرع ده هيكون بانك تعرفي انه الاشخاص دول مش هينفعوك تفكيرهم غلط مش هينفعوك لو وقعتي في مشكله كبيره وانت اللي هتتحملي نتيجه فطالما انا هتحمل النتيجه يبقى انا واقفه في مكاني وانا هتحمل برده المقاومه اللي بتحصل بدل ما اتحمل نتيجه سيئه ممكن وقتها تكون اصعب بكثير ربنا معاك ولو حابه تسالي على اي حاجه ثاني تساعدك في انك تعملي ده. انا معاكي.
تم النشر السبت، ١٧ مايو ٢٠٢٥
وعليكم السلام ورحمة الله وبركاته، قرأت كل رسالتك❤ وكتير يؤسفني الضغط الي عشتيه بحياتك وبعدك عم بتعيشيه، حلّك الاساسي هو الدعاء، ادعي ربنا يرزقك الشخص الي بتتمنيه، بس كمان ما تخلي شعورك السلبي تجاه اهلك ومعارضتك الدائمة يخليكي تظلمي شخص غريب متقدملك، انا ما بقول انو عادي تتزوجي شخص بيشتم ولسانه طويل، لا طبعا. مش يمكن الشخص الي بتتمنيه برضو يجيكي عن طريق الأهل؟ ممكن طبعا. من جهة ثانية، حددي المواصفات الي بتحبيها بشريك حياتك، اهمها يكون ملتزم ، بالنسبة للتعليم ، انا انهيت الجامعة الحمد لله، وصدقيني شفت شباب بعقل ولاد صغار؛ مراهقين ، صايعين.. طيب مش هدول بدهن يكونو مهندسين ومتعلمين؟ الي بدي اقلك اياه انو التعليم مش اشي اساسي يكون بالشخص الي متقدملك، صح ممكن يكون في اشياء مشتركة اكثر، بس المهم يكون شخص واعي، محترم، بخاف ربنا، و"جدع" ، بتعرفي تعتمدي عليه شخصيته قوية ، وطبعا عنده شغل ومكان للسكن... انت ادعي ربنا، يرزقك الشخص الي بتتمنيه، وحاولي حسني علاقتك مع اهلك، لو مهما كانو بضلو اهلك... وبرجع وبقلك ما تخلي رفضك الدائم ومعارضتك الدائمة لإلهن يخليكي تختاري شخص غلط او غير مناسب(او حتى ترفضي شخص مناسب). واخر اشي بدي اعلق على كلام الوالدة بالنسبة للشغل بعد الزواج، طبعا الاسلوب ما بوافقو... بس اظن هي حبّت توصللك انو البنت لما تتزوج اوقاتها رح تكون مليانة، مع ولاد وهيك، فمش كثير رح تفضى للشغل بدوام كامل مثلا، الاشي رح يرهقها نفسيا وجسديا اصلا... هاد ما بعني انو ما تتعلم او تشتغل بس فيها مثلا تشتغل شغل مستقل ويلائم وضعها... لما يتقدملك الشخص الجاي، حضّري اسئلة مش يمكن يطلع الشخص المناسب ويشجعك تكملي دراستك؟ الله يوفقك
تم النشر الجمعة، ١٦ مايو ٢٠٢٥
وعليكم السلام ورحمة الله وبركاته، عزيزتي، أولاً أريد أن أقول لكِ إنني أتفهم تماماً ما تمرين به من ألم وضغط نفسي، وكم أنتِ قوية لأنك صمدتِ حتى الآن رغم كل هذه الظروف الصعبة. قصتك مؤثرة جداً وتحكي عن معاناة كثيرة، وهنا بعض النقاط التي أريد أن أشاركك بها، وأتمنى أن تساعدكِ على تخفيف العبء والتفكير بوضع خطة مستقبلية: حقك في الاختيار والاحترام من حقك تماماً أن تختاري شريك حياتك بناء على معايير تحبينها وتحترمينها، وأن تُعاملي بكرامة واحترام. من لم يفهم هذا، فهذه مشكلته وليس مشكلتكِ. رفضك ليس غروراً، بل هو تمسك بحقك في حياة تليق بكِ. التعليم مستقبلك وقوتك إكمالك للدراسة ليس فقط وسيلة للحصول على شهادات، بل بناء شخصيتكِ وتوسيع أفقك، وهي التي ستشكل مستقبل حياتكِ وأي قرار تتخذينه. لا تسمحي لأحد أن يقلل من شأن تعليمكِ أو يحاول إيقافك. التعامل مع الضغوط العائلية العائلة لها حق في نصيحتك لكن ليس في فرض قرارات حياة كاملة عليكِ. الصبر حسن، لكن لا يصح أن تفقدي حقك في الكرامة والسعادة. حاولي أن تتواصلي معهم بهدوء، وأظهري لهم قوتك ووضوحك بشأن مستقبلك. استشارة الخبراء والمساعدة الخارجية وجود شخص متخصص يساندكِ نفسياً قد يكون مفيد جداً لاستعادة ثقتكِ بنفسكِ والتعامل مع ضغوط العائلة. يمكنكِ زيارة صفحة الخبراء في فدني https://www.fedni.net/experts للعثور على معالجات نفسية أو مستشارات متخصصات يمكنهن مساعدتكِ في وضع استراتيجيات عملية. الملاذ الروحي والصلاة والاستعانة بالله لا تنسي أن تعلق قلبكِ بالله، وأن تستمدي القوة من الدعاء والصلاة، واطلبي منهِ العون والصبر، فهو الملجأ الحقيقي في كل محنة. خطوات عملية تنفذيها حددي أهدافك التعليمية بوضوح ولا تزيليها من حساباتك. تحدثي مع شخص تثقين به من قريب أو خبير ليقدم لك الدعم. ابدئي في التفكير في خطط بديلة إذا استمرت الضغوط (كالاعتماد على نفسكِ مادياً أو التفكير في مواصلة الدراسة خارج بيئة الضغط). استخدمي قنوات مثل «فدني» للتواصل ومشاركة مشاعركِ وأفكارك مع مجتمع الدعم. تذكري، يا عزيزتي، أنّ الحياة تستحق أن تعيشيها بناء على قناعاتكِ وقيمكِ، وأنتِ لستِ وحدكِ في هذا المشوار، وأنت مُحترمة على قراراتكِ. أبداً لا تسمحي لأحد أن يجبرك على شيء وأنتِ غير موافقة، فهذا ليس من حقهم ولا من حق أحد. إذا أحببتِ، يمكنكِ مشاركتي في أي وقت لتفريغ مشاعركِ أو طرح أسئلة أخرى، وأنا هنا دائماً لدعمكِ. وأيضاً لا تنسي البحث في فدني عن قصص ونصائح من بنات تعانين مشابه، فستجدين فيها دعم وتوجيه. ربنا يسهل لكِ ولكل فتاة تسعى لحياة كريمة ومحترمة، وأدعو لكِ بالتوفيق والفرج القريب. 💖 ذكية
تم النشر الجمعة، ١٦ مايو ٢٠٢٥
للاسف أهلك عمرهم م هيتغيروا بس اثبتي علي مبداك متتسرعيش في الجواز واوعي تصاحبي حد وذاكري كويس وان شاء الله توصلي لمكانه كويسه ولوظيفه كويسه كمان باذن الله حاولي تفهميهم أن الجواز بدرى مش إنجاز ولا هي مسابقه داخلين نسبق بعض فيها تمام
تم النشر السبت، ١٧ مايو ٢٠٢٥
زيك والله
تم النشر الأحد، ١٥ يونيو ٢٠٢٥
لعرض السؤال في فدني اضغط هنا