سلام عليكم ورحمه الله وبركاته
انا صراحه مدمن على شيء معين ومخرب عليا كل حياتي عموماً انا قررت إن أنا اطلب مساعده من حد قريب ليا عشان انا بقالي كتير جدا بحاول لوحدي ومفيش فايدة الشيء اللي أنا مدمن عليه ده مدمرني وبيضرني صحيا
انا محتاج مساعده بس مش قادر اقول لشخص على الشيء ده شعور بالخجل واني ممكن اكون خليت الشخص ده نظرته ليا تبقا وحشه انا مش عارف أعمل ايه وانا خلاص أدركت اني مستحيل ابطل لوحدي بس بردوا خايف اني اعترف لحد بالشيء ده وكل ما الوقت ما بيعدي دنيا بتسوء اكتر
الحق نفسك وروح لطبيب نفسي لأن مفيش حد هيعرف يفيدك غير الدكتور لانه فاهم ودارس كويس اما اي حد هيبقا عنده معلومات عامة وبص انت تتوب في نيتك دلوقتي من الذنب ده وتصلي العشاء دلوقتي لواحدك... واول ما تسمع الإقامة مش الأذان تسيب الي في ايدك وتنزل المسجد حتى لو انت مش متوضى اتوضى في المسجد لو انت مكسل ...لو حسيت انك تقدر تتوضي في البيت وتنزل يبقا تمام وصلاة الفجر اعمل منبه وخليه بعيد عنك ونام بدري على قدر ما تقدر لو مكسل أقصى حاجة تجاهد نفسك انك تنام قبل فجر ب 4-4.5 ساعات وجاهد نفسك في ده
تم النشر السبت، ٢٤ يناير ٢٠٢٦
مبدأئيا الإدمان ملوش علاقة بإيمانك ده مرض نفسي ومحتاج علاج متخصص مش كلمتين تشجيع وخلاص. انت لازم تبدأ مع معالج نفسي وده مش تقليل منك بالعكس ده معناه ان عندك اراده بجد. انت ممكن مش مسئول عن إدمانك بس مسئول انك تتعافي. انا هرشحلك حد بيتكلم في موضوع الإدمان اسمه دكتور عماد رشاد عثمان عنده قناة على اليوتيوب روح اسمع كل فيديوهاته وساعتها انت نفسك هتفهم يعني ايه إدمان وازاي تبدأ تتعالج صح وبطل تجلد في ذاتك لان ده هيأخرك وادعي ربنا علطول يعينك على نفسك.
تم النشر الأربعاء، ٢١ يناير ٢٠٢٦
وعليكم السلام ورحمة الله وبركاته يا أخي الكريم، أولاً، برافو عليك! الاعتراف ده هنا خطوة شجاعة جداً، وده يثبت إن قلبك سليم وبتسعى للتغيير. الإدمان مش ضعف، ده تحدي كبير، والرسول ﷺ قال: "كل ابن آدم خطّاء، وخير الخطّائين التوّابون". الله يغفرلك وييسرلك الخروج منه، وأنت مش لوحدك في ده. خطوات عملية عشان تتغلب على الخجل وتطلب المساعدة: اختار الشخص المناسب : حد قريب يخاف الله ويحبك بجد (أب، أخ، عم)، مش هيحكم عليك بل هيساعدك. تذكّر: اللي بيحبك مش هيغيّر نظرته لأن الإدمان مش هو "أنت"، ده عدو خارجي. جهّز نفسك : اكتب اللي عايز تقوله على ورقة باختصار: "أنا محتاج مساعدتك في مشكلة بتدمّرني، وأنا قررت أبطلها معاك". مارسها قدام المرايا مرتين يومياً عشان الخجل يقل. ابدأ صغير : قول له "عندي مشكلة خاصة محتاج أتكلم معاك فيها"، ثم افتح التفاصيل تدريجياً. الاعتراف هيخفّف الضغط زي ما بيفتح الصمام. استعن بالله أولاً : صلِّ ركعتين استغفار، وقرأ سورة النساء آية 110 كل يوم: "وَمَنْ يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَحِيمًا". التوكل يعطيك قوة. لو محتاج دعم متخصص، روح على صفحة الخبراء في فدني: https://www.fedni.net/experts – فيه متخصصين في الإدمان والصحة النفسية هيساعدوك سرّياً. وابحث في فدني عن أسئلة مشابهة هتلاقي إجابات كتير مفيدة. أنت قادر، يا بطل! كل يوم خطوة صغيرة، وربنا معاك. الله يشفيك ويثبّتك. 💪
تم النشر الثلاثاء، ٢٠ يناير ٢٠٢٦
اول حاجه تبص لربنا وصلي وادعي لربنا والله يستر عليك
تم النشر الخميس، ٢٢ يناير ٢٠٢٦
خليك دايما فاهم و واعي أن لو محدش شايفك فربنا شايف النمله اللي في جحرها فأكيد شايفك خليك مدرك انك لو مت وانت بتعمل كده اي كان اي هو اللي بتعمله ده هتكون الخاتمه بتاعتك وهتقابل ربك بالوضع اللي كنت عليه تماما ايه موقفك قدامه وسيرتك اللي هي اصلا بتعد للبني ادم بعد موته فكر انا مستفاد ايه من اللي بعمله اول لما تحس انك هتعمل الحاجه دي قوم بسرعه اشغل نفسك بأي حاجه غير الفكره متخليش الشيطان يتمكن منك انت اقوي انت مش ضعيف والله الوهم اللي بيضعفك ونصيحه متكلمش حد عن ابتلاء ربنا ابتلاك بيه محدش هيفك مشكلتك غيرك لان اي حد ممكن تتكلم معاه يروح يتكلم مع حد تاني في الموضوع اللي بخصك لكل عزيز عزيز اهم حاجه بقي في كل ده اول حاجه تعملها استعن بالله وكفي بالله وكيلآ واستقوي بالله ثم نفسك أن شاء الله تخرج من اللي انت فيه
تم النشر السبت، ٢٤ يناير ٢٠٢٦
استعن بالله
تم النشر الجمعة، ٢٣ يناير ٢٠٢٦
مش هقول لك اتشجع واطلب المساعدة لأن في النهاية الانسان بينسى وممكن الشخص ده ينسى ويقول لغيره أو يطلع خبيث مثلا ويضرك .... فمن رأيي انك متيأسش الطريق صعب والشيطان عايزك تزيد في الإدمان وهيوهمك انها خربانة خربانة وييأسك من نفسك ... المهم انك كل ما زدت من الطاعات وقويت إيمانك بإنك تشوف محاضرات العلماء زي الشيخ العثيمين مثلا فده هيقلل كيد الشيطان الخبيث
تم النشر الخميس، ٢٢ يناير ٢٠٢٦
صلي كتير وافتح مصحفك وافتكر دائما ويدرءون بالحسنه السيئه يعني دخل حسنات كتير السيئه تخرج واستثمر في الذنب ده يعني كل ما تعمله كل ما تزود وردك أو صلاتك أو صيام...
تم النشر الأربعاء، ٢١ يناير ٢٠٢٦
لعرض السؤال في فدني اضغط هنا