والد صاحبتي توفى من يومين ومش عارفه اهون عليها ازاي حاسه اني عاجزه وبشوفها بعيط ولو مسكت دموعي وحاولت اواسيها بحس ان كأني مش بتكلم .. كلمت صحابنا وباخدهم وبنروحلها وبروحلها كتير جدا لدرجه م بقيت بتحرج .. بحاول اضحكها بس بيقولولي مش وقته !! بحاول اتوه معاها ف الكلام واحكيلها اي حاجه بحس كأن اللي قاعدين مستغربيني فكرت اخدها تالت يوم تقعد معايا ف بيتي شويه بعيد عن جو العياط ونفاق اابعض بس بيقولولي لا متخرجش رغم انها لسه ١٩ ومش بتنزل تحت للي بيعزوا .. ساعدوني انا عاجزه واول مره اتعرض لموقف زي دا او احضر عزا وبساعدها تصلي وندعي ونقرأ قرآن بس نفسيتها وحشه ومش بيكون ف فرصه تحكي اللي حساه ... مينفعش فعلا اخدها عندي ساعات والا ايه ساعدوني 😭😭
اولا الله يرحمه ويغفر له الفراق صعب بس علشان تنسي تقرب من ربنا انها تصلي وتدعي وتعرف اني في مكان احسن من الدنيا وتعرف اني دي نهاية كل البشر وفي معاد والكل هيتقابل في هوا وصل رسالته في الدنيا حاولي ديما تكوني جنبها وتشغليها ب اي حاجه كانت بتحبها وبتفرحها وربنا يصبرها ان شاء الله
تم النشر السبت، ٢٣ سبتمبر ٢٠٢٣
بكلمك من واقع خبرتي لأني اتعرضت لنفس الموقف و مبعرفش اواسي بجد بقف عاجزة ببقى هاين عليا اعيط معاها ،، بس بعد فترة بقت كويسة الحمدلله و قالتلي ان كان كفاية بالنسبالها وجودي معاها فوقت زي ده فثقي ان ايا كان ال بتعمليه كفاية بس انك جنبها ده هيفرق معاها كتير 💜
تم النشر الاثنين، ٢٥ سبتمبر ٢٠٢٣
خليكى جنبها بس ...و مش صح انها تخرج من البيت طبعا دلوقتى . ومتستعجليش معاها حاجة اديها مساحة بس تحس ان فى حد ساندها فى الوضع الصعب ده ...دى اغلى حاجة تقدميها ليها ربنا يقويها ويصبر قلبها ويهون عليها
تم النشر الأحد، ٢٤ سبتمبر ٢٠٢٣
هي هتاخد وقتها، ده طبيعي اللي هي فيه، سبيها تحزن براحتها. اللي مش طبيعي ان الانسان يكبت مشاعره، او تلاقيه عادي بيهزر ويضحك وكأن ولا شئ كان. هي مرحلة وهتاخد معاها وقتها وهتعدي باذن الله. حاولي تكوني جمبها زي ما بتعملي، وتصبريها ع اللي هي بتمر بيه. وخليها بقدر الامكان انها تحاول تتكلم وتخرج اللي جواها. وربما يخليكم لبعض
تم النشر السبت، ٢٣ سبتمبر ٢٠٢٣
احضنيها و بس
تم النشر الأحد، ٢٤ سبتمبر ٢٠٢٣
سبيها تعيط شويه خلي الحزن ياخد وقته بس بردو خليكي جنبها ودايما احضنيها وعيطي معاها وخليها تصلي كتير وتقرب من ربنا وتقرا قران ودايما قؤللها انو دلوقتي في مكان احسن ودايما تدعيلو وتطلعلو صدقه ومع الوقت هتهدا وهتبطل عياط بس لازم الحزن ياخد وقته في الاول
تم النشر الاثنين، ٢٥ سبتمبر ٢٠٢٣
روحي لصاحبتك واحضنيها وبس وخليها تعيط و متتكلميش في أي حاجة
تم النشر الاثنين، ٢٥ سبتمبر ٢٠٢٣
ممكن لما تروحيلها تقولينها إن والدها راح فى حتة احسن بكتير وإن لقائنا الجنة إن شاء الله وتقوليلها تعالى نقرأله قرآن ونطلع صدقة على روحه وقوليلها كل بدل ما تعيطى وهو يبقى زعلان علشان بتعيط ادعيله أحسن واقرأيله قرآن وابعتيلها فيديوهات للشيخ حازم شومان وغيره عن الجنة ونعيمها وطبيعي إن الإنسان بعد فترة بينسى ودى من أعظم نعم ربنا علينا
تم النشر الاثنين، ٢٥ سبتمبر ٢٠٢٣
الفتره الي هي بتعدي فيها دي طبيعي وسيبيها تتخلص من كل مشاعر الحزن دي وغالبا وبتكون فتره وتدريجيا وهتبدا تتفاعل معاكي
تم النشر الأحد، ٢٤ سبتمبر ٢٠٢٣
لعرض السؤال في فدني اضغط هنا