انا بدرس لغات و مش قادره اكمل حتى لو بحب اللغات مش قادره اكمل في العزف و انا بحبه ولا قادره اعمل اي حاجه عاوزه اعملها و بحبها بستسلم بسرعه و مش لاقيه هدف
هدفي النجاح بس في إيه مش عارفه ضيعت سنين كتير و مش قادره آخد الحياه و احس بيها من الناحيه العمليه ممكن أفرح و أهزر و كذا لكن الخطوات العمليه بهرب من غير سبب و حتى من الشغل و الحاجات زي الفرص
السلام عليكم ورحمه الله وبركاته عادي جدا ان احنا نكون حاطين هدف لنفسنا ونشتغل عليه ونتحمس جدا ولكن بعد فتره نحس ان الهدف ده مش هو احسن حاجه لينا ده اللي احنا عايزين نكمل فيها نغيرهاش مشكله خالص نغيرها ونبدا بحاجه جديده او يكمل اللي احنا بنعمله ده ولكن نبقى عارفين انه مش هو ده اللي هنكمل فيه ونبدأ في حاجه تانيه غيره او نمشي حاجات متوازيه مع بعض كل ده عادي جدا وممكن يتعمل لو انت رافضه الفكره دي تبقى دي الحاجه اللي مضايقك تحسي ان انت ضيعت وقت في الهدف القديم ده اللي انت مش ناويه تكملي فيه دي نقطه النقطه الثانيه وهو ان احنا ممكن نكون معندناش توازن قوي في حياتنا يعني بنيجي في وقت كبير جدا وكل جهدنا وكل حماسنا للحاجه اللي احنا بنذاكرها او الحاجه اللي احنا بنتعلمها وبعدين نحس ان احنا تعبانين ومش قادرين خلاص انا مش عايز ده ليه مش عايزه لاني بكون سيبت حاجات ثانيه من ما اديتهاش الاهتمام اللي انا محتاجاه فهلاقي نفسي عايزه اقضي وقت مع اصحابي وصفه ومريحه مديه وقت مع صحابي واضحك واهزر وما بعملش اي حاجه في الجزء اللي انا بذاكره او بتعلمه فلما ببقى كل شويه كده مديه حماس في حاجه واحده بس حاجه واحده بس ده بيفقدني التوازن فيخليني كل شويه الاقي نفسي مش مرتاحه. مبسوطه وده بيبقى لاني مفتقده شيء معين وانا مع صحابي بعد ما اديت كتير اوي صحابي بقيت بهزر وبضحك وبس ومقضيه الوقت كله كده حسيت انه لا انا مقصره في الجزئيه بتاعه الدراسه اللي انا بدرسها او الحاجه اللي انا بتعلمها وانا بتعلم قوي حسيت ان انا مش مرتاحه لاني مقصره في حته الترفيه ان انا مش مش بخرج نفسي او بخرج مع صحابي فاحنا بدلا من ده احنا ممكن يكون عندنا توازن هيكون ده افضل كتير لو ده اللي حصل معاكي ممكن تجربي وتلاقي النتائج مختلفه إن شاء الله.
تم النشر الاثنين، ١٦ نوفمبر ٢٠٢٦
يا بنت الناس اللي انتي فيه ده إرهاق فكري ومزاجي من كتر التشتت وربط قيمتك بالانجاز وكل اللي محتاجاه دلوقتي إنك تهدي خالص وتفصلي دماغك دي لأنك مش فاشلة ولا ضيعتي سنين إنتي بس جربتي حاجات كتير لحد ما تعبتي فوارد جداً تاخدي راحة وتريحي بالك من غير ما تحاسبي نفسك على كل خطوة وعشان تطلعبي من ده كله ابدأي بحاجه تافهة وصغيرة جداً ومش هقولك اتعلمي أو أنجزي اكتفي بس إنك تنامي كويس وتقومي تشربي كوباية قهوة رايقة وتدي نفسك أمان من غير ما تضغطي على أعصابك وكل اللي فات ده خبرات ومش خسارة المهم تقومي تقفي على رجليكي بحب وبططلي تقارني نفسك بحد ولا تستعجلي رزقك أو شغفك اللي هيجي لوحده لما طاقتك ترجعلك.
تم النشر الاثنين، ١٦ نوفمبر ٢٠٢٦
أنا فاهمة تمامًا إحساسك، وهو مش غريب ولا ضعف منك. خمس سنين وأنتِ بتحاولي تكملي في حاجات بتحبيها زي اللغات والعزف، وبعدين تلاقي نفسك بتستسلمي بسرعة، ده بيخلي الواحد يحس إنه ضايع ومش قادر يحس بالحياة عمليًا. اللي بيحصل غالبًا إن الدماغ بيربط "الخطوة العملية" بالخوف من الفشل أو الإحباط، فبيهرب منها حتى لو القلب بيحب الحاجة دي. جربي تبدئي بخطوات صغيرة جدًا مش بتطلب التزام كبير. مثلاً، لو بتحبي اللغات، خدي ١٠ دقايق بس كل يوم تقرئي أو تسمعي حاجة بسيطة بدون ما تحطي على نفسك هدف كبير زي "أكمل الكورس". نفس الشيء مع العزف: جربي تمسكي الآلة ٥ دقايق بس بدون توقعات. الهدف هنا مش الإنجاز، الهدف إنك تكسري حاجز "الهروب" ده تدريجيًا. كل ما تعملي خطوة صغيرة وتكمليها، الثقة هتزيد شوية شوية. كمان، حاولي تسألي نفسك سؤال بسيط كل يوم: "إيه الحاجة الصغيرة اللي لو عملتها النهاردة هتخليني أحس إني خطوت خطوة تجاه النجاح اللي نفسي فيه؟" النجاح مش لازم يكون هدف كبير واحد، ممكن يكون مجموعة أهداف صغيرة بتتراكم. ولو حسيتِ إن الموضوع بيأثر عليكِ بقاله فترة طويلة ومش قادرة تتحركي لوحدك، ما تتردديش تتكلمي مع متخصص نفسي، ده مش عيب وهيساعدك تفهمي السبب الجذري ورا الهروب ده. أنتِ مش لوحدك في الإحساس ده، وكتير بنات مرّوا بنفس المرحلة وقدروا يرجعوا يتحركوا خطوة بخطوة. ابدئي النهاردة بخطوة صغيرة جدًا، وهتكتشفي إن القدرة على الاستمرار بتيجي مع الممارسة مش مع الإحساس بالحماس لوحده. لو عايزة تتكلمي أكتر عن أي حاجة محددة، أنا هنا.
تم النشر الأحد، ١٥ نوفمبر ٢٠٢٦
لعرض السؤال في فدني اضغط هنا