السلام عليكم
انا حزينة جدا كل ما اوصل لحاجة في حياتي امي تحسسني اني مش عملت حاجة واني في حد أعلى مني في الثانوية جبت مجموع كلية طب قالت لي فلانة أعلى منك بكام درجة دخلت الكلية في الترم الاول جبت تقدير كويس قالت لي كام واحدة أعلى منك لدرجة اني زهقت واتخنقت في الترم الثاني وقررت اني اعاند ومش هذاكر وفعلا جبت تقدير مش كويس والترم ده قلت هذاكر بس كل ما آجي اذاكر والاقيها بتقارني بحد او تقولي عايزين تقدير احسن احس بخنقة وادخل انام هروبا من المذاكرة ممكن انام اليوم كله هروب من اني اذاكر ومعنتش عارفة اعمل ايه في اني ارجع اذاكر وابطل افكر في الكلام ده
السلام عليكم من رأيي انك لازم تبدأي تفكري بنفسك اكثر يعني تبطلي تستني رد فعل معين من الناس الي حواليك حتى لو كانت امك او ابوكي ومااقول كوني عاقه فيهم بس بمعنى امنك اذا حطيتي ببالك هدف وسويتيه لازم تخليه خالص عشان نفسك انتي ولما تحققي هذا الهدف انت الي تفتخري وتبسطي نفسك فيه لان لو تفكري فيها مافي حل ثاني جدي امك غالبا ست كبيره ومارح تتغير ولا تغير اسلوبها لو ايش يصير هذا رأيي الشخصي انك تتغيري انتي مش تحاولي تغيري امك
تم النشر الجمعة، ٣١ أكتوبر ٢٠٢٥
الهروب من المشكله مش افضل شي هل هتفضل نايمه علطول حتي لو هتنام اكيد في اي دقائق هتصحي هتسمعي نفس الكلام وممكن لدرجه الكلام يفضل في دماغك حتي لو نمت النوم مش حل دا حل مؤقت بس المشكله كبيره وهتكبر ووقتها مش هدوقي النوم اتعبي انهارده عشان نفسك عشان راحتك انسي اي حد حتي نفسك المهم مكانتك أو منزلتك في المجتمع المقارنة أحيانا بتكون جميله عشان تشعل النار المطفيه من زمان وتتعبي عشان يتقارن بيكي بعدين وتبقي عظيمه عند ناس كانوا يضحكون عليك الدنيا مش دائمه عشان هيك أعمل الصح واعملي شي ينفع الناس ونفسك في الآخر لم تفعل الخير هتلاقي الموضوع دخل في بعضه بس قصدي انك هتنبسطي من نفسك لما تلاقي حكايه جميله الأصغر منك او حتي لعيالك الدنيا تعب ومشقة الراحة في الجنه
تم النشر الأحد، ٢ نوفمبر ٢٠٢٥
السلام عليكم، هو تقريبًا والدتك من الأشخاص اللي عندهم عقدة المثالية أو الكمال بصورة صعبة أو مرت بظروف خلتها تدور على الكمال من خلال تحقيقك أنتِ للتفوق أو في محيطكم المجتمعي عاوزة تتفاخر أمام الغير فمش عاوزة حد تاني يكون متفوق عليكِ. في كل الأحوال أنتِ مش مطالبة تحققي توقعات الغير ولا جاية الدنيا عشان كده. طبعا ده ملوش علاقة بطاعة الوالدين والعقوق. فيه فرق. تعاملي معها في حدود الاحترام والبر لكن متسمحيش للكلام السلبي يدمر لك حياتك. عارفة الكلام سهل بس نفسك تستحق إنك تجاهدي عشانها، اتعلمي ودربي نفسك تتجاهلي أي كلام سلبي يوجه لك من والدتك أو من غيرها وتركزي بس على الكلام الإيجابي من نفسك. إذا مش هتقدري تتكلمي معها وتصارحيها بمشاعرك وتأثير كلامها عليكِ فاشتغلي على نفسك انتِ وافتكري إنك دلوقتي كبيرة ومش طفلة وقادرة تغيري الوضع لو مسمحتيش للأذى يدمرك وكل ده في إيدك. ** حاولي الأيام دي تعملي خلوة مع نفسك وتفرغي مشاعرك كلها وأفكارك على الورق وتعيدي ترتيب نفسك من جوا وتبرمجيها. شوفي أولوياتك إيه حاليًا وركزي عليها. خلي مرايتك هي نفسك والأهداف اللي انتِ عاوزة تحققيها، وملكيش دعوة بكلام أي حد ولا مقياسه هو للنجاح. يعني هدفك الترم ده تجيبي المجموع الفلاني أو تتعلمي المهارة الفلانية، إذا قصرتِ ومحققتيش الهدف فوقتها ممكن نقول لك الحق ساعتها تزعلي من نفسك لكن طبعا على طول بعدها تفوقي لنفسك وترجعي تشتغلي بقوة على هدفك. حققتِ الهدف، يبقى تكافئي نفسك وتحتفلي بإنجازك بغض النظر عن رأي أي حد تاني. *** قبل كده طبعا لازم تستعيني بالله وتدعيه دائما يفرج همك ويصلح حالك مع والدتك ويهديها. وحافظي على الصلاة والأذكار وأكثري من (لا حول ولا قوة إلا بالله العلي العظيم) و(حسبي الله ونعم الوكيل) وإن شاء الله خير. بالتوفيق.
تم النشر الخميس، ٣٠ أكتوبر ٢٠٢٥
وعليكم السلام ورحمة الله يا عزيزتي، أشعر تمامًا بالضغط والحزن اللي بتعيشيه مع مقارنة والدتك المستمرة. هذه التجربة مؤلمة جدًا، خاصة لما تكوني مجتهدة وبتسعي لتحقيق النجاح، لكن مش بتلاقي الدعم والتشجيع اللي تحتاجيه في بيتك. خليني أقسم لك نصيحة عملية ممكن تساعدك تتجاوز حزنك وتعيدي تركيزك للمذاكرة: تقبلي مشاعرك ولا تقمعيها بالرفض: من الطبيعي جدًا تحسي بالحزن والضيق، ما تقسيش على نفسك أو تكسريها. اقبلي أن هذه المشاعر موجودة، واعتبريها خطوة أولى عشان تتغيري. حددي أهدافك لنفسك مش لأي حد تاني: مش لازم تقارني نفسك بحد، لأنه لكل واحد ظروفه وطريقه. ركزي على هدفك الشخصي وكوني فخورة بأي تقدم تحققيه، حتى ولو صغير. تقسيم المذاكرة لأجزاء صغيرة ومكافأة نفسك: بدل ما تفكري في المذاكرة ككل، حددي أجزاء صغيرة لكل يوم وكافئي نفسك حتى لو بحاجة بسيطة، مثلاً فترة استراحة تحبيها. تغيير الجو: إذا كان الوضع في البيت بيأثر عليك كثير، ممكن تذاكري في مكان هادي تاني، أو حتى في المكتبة أو مع مجموعة دراسة، عشان تقللي الضغط. تواصلي مع والدتك بصراحة: لما تحسّي إنك قادرة، حاولي تفهميها مشاعرك بلطف بدون غضب، وعبري عن حاجتك للدعم والتشجيع بدل المقارنة، يمكن تقدر تفهم ويبدأ يتغير سلوكها تدريجيًا. اطلبي المساعدة لو احتجتي: اذا استمر الحزن والضغط لفترة طويلة ومأثر على حياتك، ممكن تفكري في الاستعانة بخبير نفسي يساعدك تتعاملي مع التوتر بشكل أفضل. وأذكرك أن نجاحك وتفوقك لا يُقاس أبدًا بدرجات أو مقارنة بالآخرين، ولكن بقدرتك على تطوير نفسك والوقوف بثقة من أجل أحلامك. لو تحبي، ممكن تطلبي استشارة من خبراء في فدني يساعدوك في وضع خطة مناسبة للمذاكرة والتعامل مع ضغوط الأسرة. أنا معك، وما عليك إلا تكتبي لي في أي وقت تحتاجي نصيحة أو دعم. دمتِ بخير يا جميلة ❤️
تم النشر الخميس، ٣٠ أكتوبر ٢٠٢٥
الامهات دايما بتعمل كدا لأنهم دايما شايفين عيالهم أقل من اللي حواليهم وانا عارفه أن الكلام اللي بتقوله ممكن يأثر على نفسيتك بس الفكره فيكي انتي انتي الوحيده اللي تقدري تقدري نفسك محدش هيقدر ولا هيحس بيكي ولا هيحبك غيرك انتي ادعي نفسك بابسط الحاجات لو عملتي حاجه حلوه تمام افرحي بيها مهما كانت صغيره حتى لو بكلام حلو لنفسك متنتظريش أن حد يدعمك انتي الداعم الوحيد لنفسك انت فهماني اعرفي نفسك اكتر وحبيها وقدريها الوضع هيختلف معاكي ساعتها هتحسي نفسك بتحقيق نجاحات كبيره ف نظر الناس بسيطه ف نظرك لانك كنتي بتقدري نفسك دايما ع الحاجات البسيطه وبس كدا بتمنالك التوفيق
تم النشر السبت، ١ نوفمبر ٢٠٢٥
الامهات دائما بيعملوا مقارنة بحيث أن الأطفال يغاروا ويعملوا الشئ ده عشان ينالوا حبهم وكدا ومهم نكبر بيعملونا علي اساس انا اطفال في نظرهم وكل انسان ليه نصيب في الأشياء وما طول مش مقصرة وبتهتمي بالشيء اللي بتعمليها ماتهتميش باراءالناس ولا المقارنات البقاء الاقوي اللي بيعرف يكمل للآخر مش الاول شوفيها من نظرة هي عاوزكي الافضل في كل شئ عارفة الموضوع صعب بس هنعمل ايه كلهم كدا بس نحاول نتاقلم معاهم وناخدهم علي قدر عقولهم وعدم الجدال الكثير وعدم الرد عليهم وأن شاءالله خير
تم النشر الخميس، ٣٠ أكتوبر ٢٠٢٥
شكرا
تم النشر الأحد، ٢ نوفمبر ٢٠٢٥
شكرا
تم النشر الجمعة، ٣١ أكتوبر ٢٠٢٥
لعرض السؤال في فدني اضغط هنا