كنت بتعامل بحسن نيه وكنت شاريها وعاوزها رغم اللي اتقالي وسمعته عنها ...
حبتها غصب عني عملت عشانها كتير وللأسف كل دا مع أول مطب انا مش سبب فيه اتنسى
زعلان أوي على حبي الأول اللي كنت عاوز أدخله في سياق حلال وأخطبها زعلان أوي اني حاسبت علي غلطاتها و عكها قبلي وانا كنت بغيرها عشان تبقي ليا
ربنا قال: “وعسى أن تكرهوا شيئاً وهو خير لكم”. يمكن ربنا صرفها عنك رحمة، مش عقاب. القلوب بيد الله، ولو كان فيها خير ليك كان ثبتها ليك. ما تحملتش غلطها عبث… يمكن ربنا يكتب لك أجر الصبر والإحسان. سيب اللي فات لرب العالمين، وادعُ: اللهم عوضني خيراً مما فقدت، وامنح قلبي سلاماً لا يُخذل."
تم النشر الجمعة، ٥ ديسمبر ٢٠٢٥
[وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ]. هون على نفسك ربنا بعدها عنك عشان حكمة و عشان هو شايلك الأفضل منها !، متخليش الشيطان يحبطك و يدخلك في دائرة الاكتئاب ، طول عمر أقدار الله هي الخير ، ممكن لو كنتم كملتم كانت المشاكل هتزيد و توصل لمحاكم كمان الله أعلم بالغيب لذلك هو سبحانه شاف إنك تستاهل الأحسن و إن مش هي دي نصيبك ف بعدها عنك لذلك أشكر الله ، أعتبره درس إنك متتعلقش بحد غير ربنا و أبدأ صفحة جديدة من حياتك تشغل فيها وقتك عشان متسيبش فرصة لعقلك يفكرك بيها ،، و بالتوفيق
تم النشر الجمعة، ٥ ديسمبر ٢٠٢٥
ربنا يراضيك بالشخص الصح وربنا قال يؤتكم خيرا مما أخذ منكم ،انت في الاول خالص رغم أن انت كنت عارف عنها كل حاجه بس اتسرعت عقلك هيألك انك ممكن تغيرها ونسيت أن لو الشخص مش عاوز يغير من نفسه مش عشان حد عمره ما هيتغير الحمد لله انك فوقت وبعدت مش تزعل المفروض تحمد ربك كدا أحسن من انك كنت تتجوزها في الفتره دي قرب من ربنا ومش تفضل تجلد في نفسك وتقول ياريتني الحياه دروس والمفروض نتعلم منها وبعدين بص للأمر من منظور تاني أن ربنا بيحبك وعشان كدا نجدك كانت هتبقي مشكله فعلا لو انك كنت اتجوزتها كنت هتندم طول عمرك ،الايام بتنسي واحمد ربك وربنا يجعل في حياتك اللي تصونك وتحبك.
تم النشر الخميس، ٤ ديسمبر ٢٠٢٥
دلوقتي انت غلطان انك اتعلقت قبل م تكون خطوه اساسيه لكن زي م كلنا عارفين ان اول تجربه فأي حاجه ف مجالات الحياه بتكون عباره عن نقطه بنتعلم منها واحنا وحظنا يا تنجح معايا يا متنجحش وهي دلوقتي منجحتش معاك فلازم انك تبدأ مره تاني لكن تتعلم من التجارب الي فاتت يعني بلاش ثقه زياده او تعلق غير بخطوه ثابته زي الخطوبه وهكذا
تم النشر السبت، ٦ ديسمبر ٢٠٢٥
حاسس اني من كتر ما كنت مخليها هي الوحيده ال بقدر أتكلم معاها مبقتش عارف أفضفض لحد وف نفس الوقت حاسس اني لازم أتكلم عشان قلبي يرتاح
تم النشر الخميس، ٤ ديسمبر ٢٠٢٥
لعرض السؤال في فدني اضغط هنا