كلنا بنتعرض للفقد في حياتنا ما وبيجي علينا وقت بنقف ونبص حوالينا نقول ايه ده ازاي ده حصل ازاي هم مش موجودين معانا ازاي بيجي وقت او او مناسبه وهم مش معانا ازاي ان انا لما ابقى تعبانه او متضايقه مش لاقياهم خلاص طبيعي جدا الصدمه ما بعد الفقد ده شيء طبيعي جدا لكن احنا لازم نتخطى الصدمات تروما فقط احنا لازم نتخطاها نقوي نفسنا دائما الاعمار بيد الله والموت دي الحقيقه الوحيده اللي في الحياه ولازم نتقبلها بشدتها وبقسوتها. وفائك لجدتك الله يرحمها وحبك الشديد لها طبعا ده اكيد يدل على مدى اهتمامها وحبها ليكي لكن الحياه لازم تمشي الحياه ما ينفعش الحياه تقف ما ينفعش الحياه نفقد ناس عزيزة علينا بنبقى متخيلين ان هم حيفضلوا معانا طول العمر. لا احنا محطات في حياه بعض في حياتك لازم تمشي جدتك مرحله وخلصت وربنا يرحمها وحتفضلي طول عمرك فاكراها وفاكره كل حاجه هي كانت بتعملهالك لكن ربنا بيعوض وعوض ربنا كبير بص لحياتك وبصي لمستقبلك ما تاذيش نفسك ما تفضليش واقفه محلك سر ما تتحركيش لان عجله الحياه بتمشي ومهما احنا فضلنا واقفين عجله الحياه هتهرسنا فلازم نكمل ونكمل من غير ما نبص ورانا لان ما ينفعش افضل باصه ورايا لاني حلبس في حيطه. انت بتقولي فيه فرص كثيره بتضيع اولا ان انت كنت مرتبطه بواحد ثلاث سنين وبعد كده انت العلاقه مكملتش عمرك ومن سعادتك علاقه خلاص بقت في حياتك يعني ما ينفعش ان انت تبقي مع مع كذا حد علشان تقدري تحددي او تقيمي انت محتاجه ده لانك انت محتاجه جدتك فبتعوضي فقدانك لجدتك في علاقاتك مع الناس ان كل واحد يديكي الحلو اللي انت مفتقداه لكن دوت غلط ده مينفعش، حبي نفسك الاول قبل ما تحبي اي بني ادم حبي نفسك الاول اترحمي على جدتك لكن حياتك ما تقفش خالص حياتك لازم تكمل حياتك لازم تبقى لك انت لوحدك تبقى انت مخططه انت عايزه ايه من الدنيا مش علاقات شوفي انت عايزه ايه ايه الهدف اللي انت عايزه توصلي له في حياتك في مستقبلك لما تقفي على رجلك وتقدري تتخطي صدمه جدتك ابتدي دوري عن الانسان المناسب انك تقدري تكملي مع حياتك مش دلوقتي لانك انت دلوقتي متخبطه. ما ينفعش ان انت تضيعي سنين عمرك كده وتتخبطي قوي نفسك ابعدي شويه دلوقتي عن الناس او عن اي علاقات انت بتقولي دي كذا حد بتتكلمي معاه ده غلط لان انت تنوع وجود الناس في حياتك مش هيخليك تحددي مشاعرك ولا تقيميها صح لان احنا صوابعنا مش زي بعضها مش كل واحد زي الثاني دوت هيديكي حاجه حلوه والثاني هيديكي حاجه احلى والثالث هيديك حاجه احلى واحلى طب ما ينفعش لان كده هتتعودي ان انت بتاخذي الحلو بس اللي في الناس مش هتقدري تتقبلي الوحش اللي فيهم لان كل واحد فيهم بيحاول يظهر لك احلى ما عنده لا هي باكدج على بعضها انت بتاخذي الحلو والوحش عشان كده ابعدي عن علاقاتك دلوقتي لازم تقوي نفسك لازم تبصي للحياه من منظور ثاني.
كلام حضرتك جميل جدا بس انا بقيت بخاف من المشاعر يمكن مخليه كذا حد جمبي عشان احس ان مرغوب فيا بقيت اخاف اتكلم مع حد بخاف من المسؤوليه متعودش اشوف علاقه بتكمل زي علاقه اهلي مكملتش بقي عندي قناعه تامه أن كل واحد وكل علاقه ليها وقتها مفتقد احساس الاستقرار العاطفي اللي تقريبا عمري مجربته
تم النشر السبت، ١٤ يونيو ٢٠٢٥
لعرض الإجابة في فدني اضغط هنا