سؤال مصيري عايز إجابة ضروري
حاول تنهي كل حاجه انت خسران اكتر ما انت كسبان في الموضوع دا واجهه هو واضح أنه شخص مؤذي خده بهدوء الاول واني مش عايز ومش حابب اكمل وياريت متتواصلش معي تاني رافض قوله بقا أن انت شغلك حرام في حرام وميرضيش ربنا المهم متسكتش وتقفل اي سكه هو ممكن يوصلك منها، لو حتغير رقم موبايلك غيره اي علاقات مشتركه ، حاول وربنا حيساعدك اشتغل علي نفسك الدنيا فيها فرص بالحلال للي يحاول مليون مره مش اللي يستسهل اوعي تنسي أنها دنيا اول عن اخر وكله حيتحاسب عن أعماله واحده، ولو تقدر تحذر الناس منه يبقى جزاك الله كل خير وربنا ييسر حالك القرار في ايدك انت بس والحلول في ايدك زي ما حياتك ومستقبلك دلوقتي في ايدك متستنش قرار مننا احنا قرارك انت اللي حتتحمله وحدك ففكر كويس اوى انت لسه صغير وتقدر تشتغل علي نفسك وتعمل منها حاجه لو قررت واضح انك حد متدين متخليش الدنيا تاخدك
تم النشر الاثنين، ١٣ يوليو ٢٠٢٦
كتير من الناس شخصيتهم *ضعيفه* وبييجو على نفسهم كتير علشان خاطر الناس ومابيقدروش يرفضوا حاجه منافية لمبادئهم ولا بيقدروا يقولوا كلمة (لأ) ،،، بيختاروا إنهم يفضلوا كده علشان ده الأسهل ،،، والمواجهة صعبة والرفض صعب ،، بس في النهاية هما الوحيدون اللي بيتأذوا ،،، لازم تكون شخصية *قوية* وتكون واضح مع اللي قدامك أيًّا كان سنه مدى قرابته لك ، أي حاجه إنت شايفها لا تناسب شخصيتك ما تتقبلهاش أي مكان إنت شايفه مكان مليء بالغش والخداع اتركه فورًا علشان لو استمريت احتمال كبير الشيطان يزين لك اللي بيحصل ده وتبقا زيهم وتعتمدها طريقه بس للأسف مش هتكون طريقة للرزق هتكون طريقة لجمع المال الحرام + إنت من البداية استمريت علشان ما كنتش بالشخصية اللي إنت فيها دلوقتي ، كونك سألت السؤال ده يبقا شخصيتك تغيرت عن زمان ، بقيت عندك القدرة على إنك تشوف اللي بيحصل ده حلال ولا حرام ،، ما تروحش الشغل ده تاني. واسعى للبحث عن شغل تاني وربنا هيرزقك ، بلاش مواجهة في المكان ابعتله رسالة واتساب إنك مش هتقدر تكمل معاه علشان اللي بيحصل ما يرضيش ربنا وانصحه بالحسنى ، وحذر منه ومن جهله لإن ده واجب عليك .
تم النشر الأحد، ١٢ يوليو ٢٠٢٦
وعليكم السلام ورحمة الله وبركاته، أخي، أنا فاهمة تمامًا الصراع اللي جواك، وهو صراع حقيقي وثقيل. أنت مش بس بتتكلم عن شغل، أنت بتتكلم عن جزء من شخصيتك اتكون جوا مكان فيه فساد واضح، وفي نفس الوقت كان بيديك إحساس بالانتماء والاستقرار. ده بيخلي القرار صعب جدًا، خاصة إنك شايف إنك "جزء من المكان" وخايف من رد الفعل أو من الفراغ اللي هيحصل بعده. من الناحية الدينية، اللي بيحصل في الصيدلية دي (إعطاء كورتيزون بدون داعٍ، تشخيص خاطئ، غش في المعاملات) هو إيذاء للناس وأكل للحرام. والاستمرار فيه بيحملك مسؤولية أمام الله، حتى لو كنت "مش بتعمل الحاجة بنفسك". ربنا سبحانه وتعالى قال: "وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ". فالخروج من المكان ده مش مجرد قرار شخصي، ده خطوة لتصحيح المسار وإراحة ضميرك. أما عن الخوف اللي بيمنعك تقول "أنا عايز أسيب"، فده طبيعي جدًا. الخوف ده مش ضعف، ده رد فعل طبيعي لأنك مرتبط عاطفيًا وماديًا بالمكان. عشان تتغلب عليه، ابدأ بخطوات عملية صغيرة: جهز نفسك ماديًا : حاول توفر مبلغ يكفيك شهرين أو ثلاثة على الأقل، عشان الخوف من "الفراغ" يقل. ابحث عن بديل بهدوء : ابدأ تدور على فرص تانية (صيدليات أو أماكن تانية) بدون ما تقول لحد في الشغل. لما تلاقي حاجة، هتحس إنك مش "بتسيب وخلاص"، لكن "بتنتقل". استخدم الدعاء والاستخارة : ادعي ربنا ييسر لك الخروج ويبعد عنك الخوف. الاستخارة هتديك راحة نفسية كبيرة. اكتب السبب : اكتب لنفسك على ورقة: "أنا بسيب عشان مش عايز أشارك في إيذاء الناس وأكل الحرام". اقرأها كل يوم، هتديك قوة. لو خايف من رد فعله، قول له بطريقة هادية ومباشرة: "أنا شايف إن الشغل ده مش مناسب لي ومش قادر أكمل". مش لازم تدخل في تفاصيل الغلط لو مش قادر، المهم إنك تخرج. وتذكر إن أي رد فعل هيحصل هيمر، لكن الندم على الاستمرار في الحرام هيفضل معاك. أنت قادر، وإن شاء الله ربنا هيعوضك خير. الخطوة الأولى دايمًا أصعب، وبعديها هتحس براحة ما كنتش تتخيلها. لو عايز تتكلم أكتر عن الخطوات دي أو أي حاجة تانية، أنا هنا. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١٢ يوليو ٢٠٢٦
المرات اللي انت بتسيبه فيها دي لو انت مش بتقوله سبب تركك الشغل المرة دي سيبه و قوله سبب تركك للشغل و خلي عندك مبدأ مش حكاية شخصية ضعيفة و لا شخصية قوية علشان انت بتنهي عن منكر و اللي بينهي عن منكر لا ينبغي أن يقع فيه و للعلم الأمانة مش بس أمانة مال الأمانة هي انك تكون أمين مع ربنا قبل أي بشري دي فتنتك (اختبارك) فشلت فيه كذا مرة و ربنا كل شوية يعدوهلك توكل علي الله و أنجح المرة دي
تم النشر الأحد، ١٢ يوليو ٢٠٢٦
دا اختبار من ربنا حط ربنا قامك فى كل حاجه وسيب الشغل وسيبها عليه وهو هيعوضك بشغل احسن بكتير وقتها بس هتحس بالعوض فعلا انت كراجل كويس انك عرفت غلطك دلوقتي انت اتعلم من الموقف دا وحط عندك حدود متعدهاش يعني اي عارف انه غلط ومش عارف اعترف حط ربنا قدامك وخلي عندك يقين ان ربنا هيعوضك بالاحسن وثق فيه وربنا صدقني مش هسيبك انا عند ظن عبدي بي ان خير فخير وان شر فشر
تم النشر الاثنين، ١٣ يوليو ٢٠٢٦
لعرض السؤال في فدني اضغط هنا