السلام عليكم ورحمة الله وبركاته
انا بعمل حاجه انا عارفه انها غلط وكمان حرام بس دي بتكون غصب عني ديما بقول الأذكار وبحاول عاى قد ماقدر ان اكون مقربه من ربنا بس كل ما ابعد القى نفسي فجأة وقعت في نفس الذنب ولو معملتش وحاولت اتجنب بحس وانا نايمه ان انا عملت كدا وفي حد مسكني وعمل فيا كدا بصحى نفسيتي تعبانه ومخنوقه علشان حاولت ابعد وانا صاحيه بس وقعت في الذنب وانا نايمه سألت في الموضوع بشكل مختلف شويه قالولي ان ده ممكن يكون جن عاشق وكمان اي طريق للخطوبه او الجواز فجأة وبدون اي مبرر يتفشكل ففعلاً ده ممكن يكون جان عاشق يعمل فيا كدا ويبعدني عن ربنا كدا ولو كدا اقدر أتخلص منو ازاي فدوني الله يستركم
يا بنت الحلال انتي ظالمة نفسك على الآخر ومحملاها فوق طاقتها ومفيش أي داعي لكل الرعب ده أول حاجة لازم تفهميها إنك وانتي نايمة مرفوع عنك القلم تماما يعني اللي بيحصلك وانتي نايمة ده مجرد احتلام أو رد فعل طبيعي من الجسم عشان يفرغ الطاقة وملكيش أي ذنب ولا تحكم فيه ومتحسبش عليكي سيئات خالص و عقلك الباطن من كتر الخوف والضغط وجلد الذات طول اليوم بيترجم الرعب ده وانتي نايمة وتاني حاجة بقى حوار الجن العاشق والكلام ده كله هبد وخرافات وملوش أي أساس من الصحة ومفيش حاجة اسمها جن بيفركش خطوبة أو بيمشيكي وانتي نايمة الموضوع كله نصيب وتوفيق وقلقك الزيادة هو اللي مأثر عليكي فاهدي كدا ومفيش أي ذنب عليكي طول ما انتي نايمة ونامي وانتي مرتاحة ومطمنة وقولي أذكارك عشان تريحي قلبك مش عشان خايفة من حاجة ولو فضلتي تعبانة ومخنوقة يبقى تتابعي مع دكتورة نفسية تخرجك من الدوامة دي وتظبطلك نومك ونفسيتك.....وجد والله ربنا يحفظك ويعفو عنك
تم النشر الاثنين، ٢٥ مايو ٢٠٢٦
انت بتجاهدي ربنا انك مش بتعملى حاجه حرام وانت صاحيه ودا تؤجري عليه ولكن انت نايمه لا حرج عليك مش عليك ذنب خالص عن علي رضي الله عنه عن النبي صلى الله عليه وسلم قال: " رُفع القلم عن ثلاثة: عن النائم حتى يستيقظ وعن الصبي حتى يبلغ وعن المجنون حتى يعقل " [صحيح] - [رواه أبو داود والترمذي والنسائي في الكبرى وابن ماجه وأحمد]
تم النشر الثلاثاء، ٢٦ مايو ٢٠٢٦
وعليكم السلام ورحمة الله وبركاته. أختي، أقدر شعورك بالضيق والصراع الداخلي، وهذا يدل على إيمانك وحرصك على التقرب من الله. العادة السرية ذنب يحتاج توبة مستمرة، ومحاولاتك بالأذكار والابتعاد خطوة إيجابية. بالنسبة للأحلام والشعور بـ"الجن العاشق"، هذا اعتقاد شائع لكنه غير مؤكد دائمًا؛ قد يكون الأمر نفسيًا أو وساوس. ركزي على: الاستغفار والدعاء بصدق، مثل "اللهم إني أعوذ بك من الشيطان الرجيم". قراءة المعوذات والرقية الشرعية يوميًا. تجنب المثيرات قدر الإمكان، وشغلي وقتك بعبادات أو هوايات مفيدة. للدعم المتخصص، زوري صفحة الخبراء في فدني: https://www.fedni.net/experts وابحثي عن أسئلة مشابهة في التطبيق لمزيد من الإجابات. الله ييسر أمرك ويبعد عنك كل سوء.
تم النشر الاثنين، ٢٥ مايو ٢٠٢٦
انصحك بسورة البقرة والمحافظة على اذكار الصباح والمساء واذكار الصلاة. "ما مِن عبدٍ مؤمنٍ إلَّا وله ذنبٌ يعتادُه الفَينةَ بعدَ الفَينةِ أو ذنبٌ هو مقيمٌ عليه لا يُفارِقُه حتَّى يُفارِقَ وإنَّ المؤمنَ خُلِقَ مُفْتَنًا توَّابًا نَسَّاءً إذا ذُكِّرَ ذكَر خلاصة حكم المحدث : رجاله ثقات الراوي : عبدالله بن عباس | المحدث : الهيثمي | المصدر : مجمع الزوائد | الصفحة أو الرقم : 10/204"
تم النشر الاثنين، ٢٥ مايو ٢٠٢٦
لعرض السؤال في فدني اضغط هنا