كنت مرتبطه ودا كان اول مره ف حياتى (برغم انى بكره الارتباط جدا) بس الحمدلله وقفت ده.والشخص ده يبقى ابن خالتى وانا بعدت (حصللى مشاكل كتير ليا رصيد الستر خلص ❤️🩹، الموضوع ده ماخدتش سنه كان مجرد اخ ف شهرين وشهرين ارتبطنا تعبت وقرفت من نفسى بعدت بعد 4شهور معرفه وسبته 6 شهور بسمع عنه انه بقى تعبان جدا رجعت اطمنت عليه يوم حد من قرايبى عرف وبعدها الموضوع اتكشف،
دلوقتي داخلين ف سنتين ونص وهوا حرفيا بيحبنى اوى بشهادة الكل) هو شخص كويس بس مش مناسب للاسف (والدته صعبه واهله بابا مش بيحبهم ودنيا مش زينا، مش موضوع فلوس لا هوا موضوع راحه) المشكله دلوقتي ان خالى هيكلم بابا عليا بعد سنتين لما يخلص كليه (هو شغال مع خالى ف محله مع الدراسه) حاسه بالذنب من جهة ابن خالتى اوى حاسه انى السبب ف تعبه برغم (انى خسرت كتير اوى خسرت سمعه وثقه وتعبت حرفيا انتكست ف كل حاجه) انا حاليا مكملتش 18 وهوا 22، بس خايفه انى ادخل علاقه جديده او خايفه عليه يعرف (بصراحه معرفش مشاعرى تجاهه بس انا خايفه ❤️🩹!) يمكن اتغلبطتو بس انا تايهه اوى
يا بنت الناس اسمعي وركزي معايا الله يهديكي ويربط على قلبك كل العك واللخبطة اللي حصلت زمان دي في فترة إعدادي ومراهقتك دا مش حب ولا نيلة دا كان جوع عاطفي ونقص حنان وأنت عيلة صغيرة مش فاهمة حاجة ولما كبرت ونضجت وعرفت الحقيقة فوقت وبعدت فبلاش بقا جلد ذات وتقعدي تعيشي دور الضحية وتأنيب الضمير وتفتكري إنك كدا بتظلمي العريس اللي متقدملك أنت مغلطتيش في حقه ولا خنتيه دا ماضي وصفحة واتقفلت وماتت خلاص ومفيش أي مبرر يخليك تروحي تسألي وتطمني على الشخص القديم دا تاني تحت أي مسمى اقطعي الحبال دي تماما وفوقي لنفسك أما موضوع ابن خالك العريس فبلاش توافقي وأنت مرعوبة وتايهة وبلاش برضه ترفضي لمجرد الهروب والخوف من الماضي اقعدي مع نفسك واستخيري ربك واطلبي وقت ومهلة تفكري فيها بحجة دراسة أو أي حاجة لغاية ما هدوءك النفسي يرجعلك ومتاخديش خطوة مصيرية عشان ترضي حد أو خايفة مامتك تزعل الزواج دا ميثاق غليظ ومحتاج قلب صاحي وفايق فوقي لنفسك يا بنتي واستعيني بالله واقفي على رجلك الماضي ملوش سلطان عليكي إلا لو أنت اللي سمحتيله وعطيتيه حياتك..
تم النشر الثلاثاء، ١٦ يونيو ٢٠٢٦
السلام عليكم، أنتِ لسه 18 سنة يعني ممكن نقول الارتباط أو المشاعر دي حصلت في فترة مراهقة، وغالب البنات والشباب بيمروا بالمرحلة العاطفية دي ونادرا ما المشاعر بتكمل لبعدها وتتحول لحب طول العمر. هي فترة متقلبة والمشاعر لسه خضراء وبتتغير وتتنسي وتدخل مشاعر جديدة تحل محلها، فلا تجلدي نفسك زيادة على اللي فات، وكمان لا تقرري قرارات مستقبلية زي الزواج والارتباط تحت تأثير مشاعر مؤقتة أو حتى إحساس بالذنب تجاه شخص. بالنسبة لي أنا شايفة 18 سن صغير للتفكير في الارتباط (وأقصد هنا ارتباط رسمي)، رأيي الأفضل إنك تركزي الأول على نفسك ودراستك لو بتدرسي حاليا وطوري أكتر من شخصيتك وتفكيرك بحيث في الوقت المناسب تعرفي تختاري الشخص الصح وتبقي فاهمة يعني إيه زواج ومسؤولية لأن الموضوع أكبر بكتير من الحب والمشاعر المتغيرة. لو حصل بعد كده إن ابن خالتك أو أي شاب مناسب وقتها تقدم لخطبتك فصلي استخارة وافتحي مجال للمقابلة وتحديد إذا يصلح يكون شريك حياة أو لأ. وربنا يوفقك ويختار لك الأصلح.
تم النشر الثلاثاء، ١٦ يونيو ٢٠٢٦
يا جميلتي اهدئي قليلا ، لم يكن ما حدث شرًا بل خيرًا لِكلاكما، من الجيد وللّه الحمد أنكِ اعترفتي بذنبك وبأن هذا معصية للخالق جل وعلا ، لأنه علاقة محرمة وسبحان ربي فلم يُحرم شيئا إلا لحكمة عظيمة ، فتجدي قلبكِ متعلق بشئ وهمي وحزن شديد وإهدار لمشاعرك في غير محلها الصحيح ، لا يوجد سعادة ولا حب في هذه الدنيا أجمل من حب اللّه والتعلق به ومن ثم حب زوجك الصالح ، وحلالك ..فهذا الحب يبارك اللّه فيه لأنه في رضاه . أما عن شأن ذاك الرجل فلا علاقة لكِ به ولا تعودي مهما كانت الأسباب إلا أن يشاء ربي شيئًا . ما يشعر به هو نِتاج معصية وإن اشفقت عليه فادعي اللّه له بأن يربط على قلبه . أما عن زواجك سواء به أو بغيره فهذا قدر وكتوب عند اللّه توبي إلى اللّه وتقربي إليه واهتمي برضاه وعلقي قلبك به وانشغلي برضاه وحبه عن رضا الناس وحبهم ، وستجدين راحة واللّه لو خيّروكي بينها وبين كنوز الدنيا لَخترتيها . أسأل اللّه لك الهداية والتوبة النصوح وأن يرزقك السعادة في الدنيا والآخرة 🤍🥀
تم النشر الثلاثاء، ١٦ يونيو ٢٠٢٦
توقفي عن جلد ذاتك الماضي حدث وانتهي اتعلمتي منه درس قيم انك تحافظي علي نفسك للزوج الصالح ونصيحة استخيري الله قبل اي خطوة تخطيها وحاولي تبعدي عن زواج الاقارب
تم النشر الثلاثاء، ١٦ يونيو ٢٠٢٦
الندم شيء كويس لكن لا تبالغي فيه علشان ميقلبش ضدك وهتلاقي نفسك نفسيا بتدهوري استمري بالدعاء ان ربنا يوجهك للأصلح وقربي من ربنا اكتر بالدعاء وقاومي
تم النشر الثلاثاء، ١٦ يونيو ٢٠٢٦
@Dr Oula بفكر ف كدا، سبت الموضوع للنصيب وقولت المهم مستقبلى ولو الخير فيه اكيد هاخده 🤍، بس شعور الندم وحش اوى من الذنب❤️🩹
تم النشر الثلاثاء، ١٦ يونيو ٢٠٢٦
لعرض السؤال في فدني اضغط هنا