السلام عليكم ورحمة الله وبركاته بصي يا اختي الغالية ممكن يكون عشان هوه اول شخص دخل حياتك واستمر فتره وممكن كمان حصل كلام في التليفون كذا مرة وبالتالي انتي قلبك اتفتحله عشان اول مره تكلمي راجل غير محارمك وكده بالاضافه انتي اهو بعيده عنه وكويسه وتمام بقالك اربع شهور ده كان مقدمه ثانيا بصي يا اختي الغالية والله لو هوه نصيبك هتغديه لو كل العالم 🌏رفض 😤ولو هوه مش نصيبك والله ماانتي واخده لو مسكتي سلك التيار العالي زي ما بيقولو 😂انت الصح اللي تعمليه دلوقتي ممنوع منعا باتا تفتحي او تتابعي صفاحته علي اي وسيله من وسائل التواصل ولوكده اعملي له unfollow ولو هوه لسه متابعك اعمليله حظر واقفلي الباب ده هوه لو ناوي وفيه اراد من عند ربنا هيكون نصيبك بس انتي واجبك انك تقفلي الباب ده باب السوشيال ميديا لان ده مش باب ده شباك والدخول منه خيانة لاهلك فلازم تحافظي علي نفسك انت حاجه غاليه وليكي قيمتك عشان كده ربنا خلى الراجل هوه اللي يجي يطلبك مش انتي اللي تروحيله يا بنتي اقفلي الباب ده ولو امه اتكلمت خليهم يجيو يتقدمو واسألوا تاني عنه وعن اهل وعن معاملته لاصحابه والناس اللي حواليه وخاصة الغلابه والضعاف لان ده اللي الانسان بيتعامل معاهم على حقيقته اسألي بيبقى عامل ازاي وقت الغضب وخلي لو عندك اخ ابن عم يصاحبه عشان الراجل بيعرف الراجل اللي زيه.
شكرا ع كلامك بس انا فعلا الموضوع ممكن لما اول تجربه ليا ولما انا ع طول قافله ع نفسى وعمرى ما سمحت لاى شاب ان يختلط بيا ولا انا ادى وش لحد يعنى الحمدلله نعمه من عند ربنا ان انا بعيده عن كل الحجات دى وانا اصلا من النوع التقيل مش اى حد يقدر ياثر فيا.... وانا اصلا مش عملاله متابعه ولا صديق عندى ف اى شئ زيه زيى اى حد غريب بيدخل صفحتى وزيى ما قلتى دا نصيب وربنا بيخترلنا الاحسن ف كل حاجه الحمدلله 🖤 هو كل اللى كان مشتتنى انه بيتابع كل حاجه بنزلها يوميا ف مش عارفه دا فضول منه ولا عبط ولا ايه🚶♀️
تم النشر الثلاثاء، ٤ نوفمبر ٢٠٢٥
لعرض الإجابة في فدني اضغط هنا