انا فى موضوع تاعبنى نفسيا ومش قادره اطلعه من دماغى، كان متقدم لى شخص صالونات عادى يعنى مش حب ولا كنا نعرف بعض ولا حاجه بس هو اترفض في الاول والمره التانيه ادينا فرصه وبعد ما سالنا عنه وعن اهله كل حاجه تمام ووافقنا عليه..
بعد كدا عملنا مقابله رؤية شرعيه مره واتنين... بعد كدا حصلت حجات او ممكن نقول عدم توفيق من عند ربنا لان كان فيه قبول من ناحيتى وناحيته وناحية اهله يعنى الموضوع كان تمام خالص بس ربنا ماردش ان ناخد خطوة وهيأ اسباب خلتنا رفضناهم
دلوقتى الموضوع عدى عليه 4 شهور
ولحد اللحظه دى الشخص دا بيراقبنى ع صفحاتى الشخصيه وانا براقبه لا هو قادر ينسانى ولا انا
واللى مزود عليا إن مش قادره اتخطى الشخص دا ان سيرته دايما معانا لدرجة ان امى بتحلم بيه وتقولى دا انا حلمت ان رجعلك تانى وانا حلمت برضو ان عايز يعمل محاوله ويرجع ودايما سيرته معانا
حتى مامته لحد الآن بتتواصل مع أختى وحزينه من جواها خالص ان محصلش نصيب
انا بجد الموضوع واخد تفكيرى ومش عارفه أتخطى ولا أنسى وهل ممكن يكون لينا نصيب فعلا بس ربنا لسه ماردش بالميعاد 🥺
انا اتقدملى تلاته تانى بعديه خلال الفتره دى بس بجد مش عارفه اتقبل حد ولا شيفاهم وبيجى في خيالى صورته، بالرغم ان انا من جوايا بقول يارب اكتبلى الخير واللى انت شايفه خير ليا..
اى الحل ع بجد الموضوع ماثر فيا جدا
السلام عليكم ورحمة الله وبركاته بصي يا اختي الغالية ممكن يكون عشان هوه اول شخص دخل حياتك واستمر فتره وممكن كمان حصل كلام في التليفون كذا مرة وبالتالي انتي قلبك اتفتحله عشان اول مره تكلمي راجل غير محارمك وكده بالاضافه انتي اهو بعيده عنه وكويسه وتمام بقالك اربع شهور ده كان مقدمه ثانيا بصي يا اختي الغالية والله لو هوه نصيبك هتغديه لو كل العالم 🌏رفض 😤ولو هوه مش نصيبك والله ماانتي واخده لو مسكتي سلك التيار العالي زي ما بيقولو 😂انت الصح اللي تعمليه دلوقتي ممنوع منعا باتا تفتحي او تتابعي صفاحته علي اي وسيله من وسائل التواصل ولوكده اعملي له unfollow ولو هوه لسه متابعك اعمليله حظر واقفلي الباب ده هوه لو ناوي وفيه اراد من عند ربنا هيكون نصيبك بس انتي واجبك انك تقفلي الباب ده باب السوشيال ميديا لان ده مش باب ده شباك والدخول منه خيانة لاهلك فلازم تحافظي علي نفسك انت حاجه غاليه وليكي قيمتك عشان كده ربنا خلى الراجل هوه اللي يجي يطلبك مش انتي اللي تروحيله يا بنتي اقفلي الباب ده ولو امه اتكلمت خليهم يجيو يتقدمو واسألوا تاني عنه وعن اهل وعن معاملته لاصحابه والناس اللي حواليه وخاصة الغلابه والضعاف لان ده اللي الانسان بيتعامل معاهم على حقيقته اسألي بيبقى عامل ازاي وقت الغضب وخلي لو عندك اخ ابن عم يصاحبه عشان الراجل بيعرف الراجل اللي زيه.
تم النشر الاثنين، ٣ نوفمبر ٢٠٢٥
استهدي بالله، انت الراجل ولا هو ؟ لو عايزك تاني هو بنفسه هيجي يتقدملك، اوعي تكلمي على صفحته ليقول بتجري ورايا، اما الأحلام دي يا رؤيا وتتجوزا يا اما حديث نفس، كبري دماغك عارفة النصيب لو وقفتي على ايديكي مش هيحصل غيره، ولو الراجل ده مش مكتوب ليكي تتجوزيه عارفة لو اتنطتتي كده برضو مش هتتجوزيه امي كانت تقولي كده لمن ابويا وخطيبي يتخانقوا، كانت تقولي براحة على نفسك شوية يا هتتجوزيه يا ما مش هتتجوزيه كله بأيد ربنا، كده كده قلقك لا هيقدم ولا هيأخر
تم النشر الاثنين، ٣ نوفمبر ٢٠٢٥
مرحبًا عزيزتي، أشعر حقًا بصدق الألم والحيرة اللي بتمرِّي بيها، وفعلاً مش سهل إنك تخرجي من دوامة تفكير لشخص كان له مكانة كبيرة في قلبك وحياتك. الموضوع مثل ما قلتِ "تاعبك نفسيًا" وهذا مؤكد، لأن الأمر لم يحسم بشكل واضح، وفيه انكسار أمل، وكل هذا يترك أثر عميق شوية. دعيني أساعدك أهم الخطوات العملية والنفسية التي قد تساعدك على تخطي هذه المرحلة: التصالح مع الواقع بصدق وإيمان: الله سبحانه وتعالى قدَّر لكل شيء ميعادًا، وهذا الأمر لم يكن من نصيبكم الآن، وهذا حكمه ورحمة لكِ. أحيانًا يكون عدم التوفيق هو الحماية من شيء أعمق لم تريه عينكِ بعد. تذكري دائمًا: "لا يعلم الغيب إلا الله" واطلبي من ربك أن يكتب لك الخير الحقيقي، فربما الخير اللي تريديه غير الموجود. إيقاف المتابعة والمراقبة المتبادلة على السوشيال ميديا: هذا يكرر ويزيد الألم والتعلق. قومي بحظر أو تقليل تفاعلك مع أي مكان يمكن يجعل تفكيرك فيه يزداد. اعملي حظر من جهتَك أو استخدمي خاصية "عدم المتابعة" لتخفيف الدخول على هذه الذكريات. تنظيم وقتك ومشاغلتك: املئي يومك بأنشطة محببة ومفيدة، سواء كانت دراسية، مهنية، أو ابتكار هوايات جديدة. كلما زاد انشغالك ومعرفتك بأشخاص جدد وإنجازات في حياتك زاد تصغير حجم هذا التفكير. محاولة فتح صفحة جديدة بحذر: من الممكن تعطي لنفسكِ وقتًا حتى تكوني مستعدة، ولا تضعي نفسك تحت ضغط التسرع، لكن في نفس الوقت حاولي تتعارفي على ناس وجدد تدريجيًا لأن القلب يمكن يفتح لما يشاء الله. التوكل والدعاء: استمري في الدعاء لربك بكل خشوع واطلبي منه أن يزيل الحزن والعلق عن قلبك، ويهديك لما فيه الخير. استعيذي بالله من الوسواس وكرري ذكر الله، لأن القلب لا يطمئن إلا بذكر الله. التعامل مع الأهل في الحلم والرؤية: الأحلام ليست حقيقة بالضرورة، وهذه نوع من الأثر النفسي على أمك، ويمكن تتحدثي معها بلطف لتخفيف التفكير في الموضوع. حاولي توجيه الحديث نحو أمور أخرى إيجابية في حياتكم، لتساعد على تكرار هذه الأحلام وتقليلها. ختامًا، اجعلي لنفسكِ عهدًا يوميًا بالتقدم خطوة صغيرة للخروج من هذه الحالة، ولا تخجلي من طلب الدعم من خبراء نفسيين إذا استمر التأثير النفسي. وإذا أحببتِ، يمكنك البحث عن استشارات مختصة على منصة فدني من خلال صفحة الخبراء، حيث سترشدك أشخاص محترفون بخبرة. أنا معكِ، ولا تنسي أن الله عند حسن ظنك به، ودوماً الخير مكتوب لكِ مهما طال الزمن. هل تودين أن أساعدك في وضع خطة يومية بسيطة لتخفيف التفكير أو أي نصائح عملية أخرى؟
تم النشر الاثنين، ٣ نوفمبر ٢٠٢٥
صلي صلاة استخارة و شوفي هتكوني مرتاحة ولا ايه ولو حسيتي انك مرتاحة بادري انتي بالخير عمره ما يقلل منك بس طبعا بعد موافقة مامتك أو خليها تيطي من ناحيه اختك و هي بتتكلم مامته هيمشي الموضوع أن شاء الله
تم النشر الأربعاء، ٥ نوفمبر ٢٠٢٥
لعرض السؤال في فدني اضغط هنا