عندي صفات معينه بتمنى إن ربنا يرزقني بزوج فيه الصفات دي ومن أهمها إنه يكون عنده نقطة الورع في الدين يعني يكون واخد باله من كل حاجه مثلا مش بيختلط مع البنات اللي في عيلته
ولا مع بنات في شغله ويكون بيغض بصره بيخلي باله من البدع ويكون حذر ما يهنئش حد على عيد ميلاد أو أي مناسبه مش من الدين بمعنى أصح الشخص اللي الناس بيكونوا شايفينه متشدد هو من وجهة نظري أنا بيبقى حد كويس جدا
المهم يعني أنا لما بشوف حد ظاهريا كده وبعدها اكتشف إنه مش كده بيجيلي إحباط شديد ولإني شفت الموضوع ده في شباب كتير بدأت أحس إن الصوره اللي أنا حاطاها دي خياليه ومفيش منها إلا القليل فعلا قليل جدا جدا فأحيانا بيجيلي إحساس كده إني عاوزه الحد المثالي بس أنا واثقه جدا في اختياري وعارفه إنه صح بس عدم وجود حد بالصفات دي كتير بيذبذبني،،
السلام عليكم، أنا مش عارفة عمرك قد إيه لكن ممكن أخمن إنك صغيرة شوية. مش هقول إنك غلط أو بتبالغي أو بتبحثي عن الشخص المثالي... أي بنت بتفكر في الزواج أكيد نفسها في إنسان يكون ملتزم وعارف دينه كويس. لكن، الصورة مش بالكمال اللي متخيلاه ولا فيه قاعدة هتمشي عليها بالمسطرة في اختيار الزوج الصالح، التوقعات العالية هتسبب لك إحباط خاصة مع أحوال الشباب الأيام دي إلا من رحم ربي. ** وأخشى إن تفكيرك بالطريقة دي ممكن يجذب أشخاص في ظاهرهم متدين لكنهم أبعد ما يكونوا عن الصفات اللي بتبحثي عنها، ممكن تقعي مع شخص فهمه للدين ضيق... (هتقولي احتمال المجتمع هو اللي بيقول عليه متشدد) لأ... فيه أشخاص فعلا بياخدوا الدين من منظور ضيق للغاية لدرجة تحريم ما أحل الله والتشديد حتى في الأمور الخلافية اللي اختلف عليها العلماء طوال مئات السنين. وممكن مثلا تلاقي فيه الصفات اللي قلت عليها لكن من ناحية تانية مش فاهم فقه الزواج ولا إزاي يعامل زوجته زي ما الإسلام أمر ويبقى فاهم قوامته عليها فهم خاطئ ليس من الدين في شيء... وللأسف نماذج من دي كتير موجودة في الواقع. ** كمان ممكن من خلال النظارة الضيقة اللي أنت لابساها تعتقدي إن أي شخص فيه صفة واحدة ناقصة من دي هو شخص لا يستحق الارتباط به، حتى الإنسان الملتزم (التزام حقيقي) هو شخص غير كامل وبيجاهد، ممكن يرتكب معاصي ويجاهد في التوبة وممكن قوي تكتشفي إنه له ذنب ملازمه ومش قادر يتخلص منه. فالخلاصة، لا أحد كامل، توقعي ألا تجدي كل الصفات التي تبحثين عنها في شخص واحد. تريثي واقرأي كتير جدا وطوري من عقلك وتفكيرك ونظرتك للحياة والزواج وحقوقك وواجباتك كامرأة مسلمة، وقتها هتقدري تحكمي على الأشخاص اللي بيتقدموا لك وتختاري شريك الحياة الصح اللي تثقي إنك هتقدري تأسسي معه أسرة مسلمة سليمة. تحياتي.
تم النشر الخميس، ١ يناير ٢٠٢٦
يا حبيبتي، أول حاجة أقولك إن مشاعرك دي طبيعية جداً وصحيحة 100%، واختيارك للورع كأولوية أولى ده من أجمل الصفات اللي ممكن تتمنيها في شريك حياتك. الإسلام نفسه بيأمر بالغض للبصر (سورة النور)، وتجنب الاختلاط غير الشرعي، والبعد عن البدع زي التهاني بعيد الميلاد – ده كله دليل على تقوى حقيقية، مش تشدد زي ما الناس بتقول. اللي بيتقال "متشدد" ده غالباً من اللي مش عارفين قيمة الورع ده. بس خليني أطمنك: الصورة اللي عندك مش خيالية خالص، وفي شباب كتير جداً زي كده، بس مش هيبانوا في أي مكان. هما اللي بيحافظوا على نفسهم، مش بيظهروا في كل حتة. الإحباط ده بيجي لأنكِ شفتِ شوية أمثلة سلبية، بس ربنا قال "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ" – الصبر هنا مفتاح. نصائح عملية عشان تثبتي رجليكِ: ادعي بقلب صادق : كل يوم بعد صلاة الفجر، قولي "اللهم ارزقني زوجاً تقياً ورعاً يخافك فيّ وفي نفسه". الدعاء بيغير القدر. حددي الأولويات : الورع أساس، بس خلي باقي الصفات مكملة. مفيش حد مثالي 100%، بس اللي ورع هيبقى مثالي ليكِ إن شاء الله. أنتِ واثقة في اختيارك، وده أحسن دليل إن قلبك سليم. متذبذبيش، ربنا هيرزقكِ اللي أحسن بكتير مما تتمني. لو عاوزة تتكلمي أكتر، أنا هنا يا قمر! 💕
تم النشر الخميس، ١ يناير ٢٠٢٦
شكرًا يا مريم 💕
تم النشر الخميس، ١ يناير ٢٠٢٦
اولا بصي يحبيبتي اللي بتفكري فيه هتلاقيه بإذن الله والدعوات لأنها تُغير الأقدار . ثانياً تجيبي ورقه وقلم وتكتبي الصفات دي تمام ..وبعد كده لما يجيلك عريس تكتبي نسبة الصفه دي فيه .. وتسألي نفسك هل ممكن يتأثر بيا يعني لما يشوفك بتعملي كده ،ف النسبه تعلى ف تكوني خدتي اللي أنتِ عايزاه وعليتي نسبة الصفه فاهماني. ثالثا والأهم لو لقيت الصفات موجوده فيه بنسبه قليله ممكن تعلى مع الوقت ،لكن لو الصفه مش موجوده نهائياً ف ممكن نتكلم عن فضلها يعني قدامه حاولي تتكلمي عن فائده غض البصر وازاي الشخص ده بيكون ولي من أولياء الله المخلصين وهكذا ،لقتيه ماتأثرش ،ماتتانزليش عن الصفه وخلاص كده. تبقي عملتي اللي عليكي ومقفلتيش ع نفسك
تم النشر الخميس، ١ يناير ٢٠٢٦
هل الرجل المتدين لكن ليس بشكل كامل أي عنده بض السقطات سيتغير أم لا ،وإذا كان قابل للتغير وتقبل النصائح الدينيه والمعلومات التي لا يعرفها هل هذا سيؤثر على قوامته ومكانته إذا كانت الناصحه له زوجته ؟؟ أم من الأفضل أن تتزوج المرأه من رجل أعلى منها في التدين
تم النشر الخميس، ١ يناير ٢٠٢٦
بس الموضوع محتاج شوية إنك تكوني مرنة في المواصفات اللي عايزاها، لصل في الآخر كلنا بشر و أي حد هيبقى بيغلط و ليه عيوب، فاللي يتقدملك إديله الفرصة حتى تعرفيه الأول مش شرط يبقى جايب ال١٠٠ ف المية و لازم تحددي مع نفسك اي الموصفات اللي ممكن تتغاضي عنها و اي المواصفات اللي لا
تم النشر الخميس، ١ يناير ٢٠٢٦
حقيقة فعلا إن الصفات دي نادرة جدا، بس بإذن الله ربنا يرزقك بالعريس اللي يطيب خاطرك و يريح قلبك
تم النشر الخميس، ١ يناير ٢٠٢٦
العفو يا حبيبتي ♥️
تم النشر الخميس، ١ يناير ٢٠٢٦
السؤال التاني اللي سألتيه، لازم يكون هو أعلى منك عشان مع الوقت هينقُص ايمانِك وحتماً هتحتاجي تشجيع ودعم وهو لو مش موجود فيه الجهاد والسباق ف الأعمال الصالِحه ،يبقا إيمانك وعزيمتك هتقِل .
تم النشر الخميس، ١ يناير ٢٠٢٦
السلام عليكم ورحمة الله وبركاته ، نعم هذا هو الصواب والحق المبين ، لا تتنازلي عن هذا واسألي الله بهذا.
تم النشر الخميس، ١ يناير ٢٠٢٦
لعرض السؤال في فدني اضغط هنا