انا عندي ١٧ سنه ، لما كان عندي ١٣ سنه بدأت اتعب من معامله اهلي ، عندي اهل بس اكنهم مش موجودين ماما عمرها مشافتني عمرها ما جربت تحضني او تحسسني بشويه حب وبابا خلي العلاقه بيني وبينه علاقه خوف وفلوس بس ، مليش لبابا ذكره حلوه غير واحده بس ومتاكده اني لو حكتها له مش هيفتكرها .
لما كنت اتكلم مع حد كان يقولي أهلنا بيحبونا بس مش بيعرفوا يعبروا طب هو فين الحب ده اصلا يعني هو ده حب ؟ يعني حبهم انهم يطلعوني انسانه مريضه نفسياً ؟
واخواتي التلاته في بيني وبينهم مسافات كبيره رغم اننا عايشين ف نفس البيت حاولت دايما اقرب منهم واكون اخت بس كنت بنطرد من ناحيتهم عمر ما حد فيهم تقبلني .
لما بشوف فيديوهات للأهل والاخوات بتعب نفسيا وافضل اعيط وافتكر كل المواقف الوحشه بتاعتهم . انا وحيده من ساعه ما المشاكل دي بدأت ومبقتش قادره اني احل حاجه او اساعد نفسي ، بقت نفسي تصعب عليا ببصلها انها طفله كانت كل اللي محتاجه له هو شويه حب صغيرين من اللي بتدوهم للناس بره .....
لا اب ولا ام ولا اخوات ولا صحاب مليش غير ربنا بشتكيله من أربع سنين .
والحمدلله على كل حال
اسفه ع الكلام الكتير بس حبيت أشارك جزء م مشاكلي ♡
يا حبيبتي، أول حاجة أقولك إنك مش لوحدك في اللي بتحسيه ده، وإن مشاعرك دي طبيعية تمامًا.. قلبك الطيب ده بيستاهل كل الحب اللي بتحلمي بيه، وأنا فخورة بيكي إنك لسه بتقولي "الحمد لله" رغم كل ده. ربنا شايفك وهو اللي هيعوضك خير كتير إن شاء الله 💕 ازاي تتعاملي مع الوضع ده عمليًا؟ قوي علاقتك بربنا أكتر : هو الوحيد اللي مش هيخيب أملك. زيدي في الصلاة والقرآن يوميًا (مثلًا اقرئي سورة الشرح كل صباح عشان تهوني نفسك)، وادعي بصدق: "رب اشرح لي صدري ويسر لي أمري". الصبر مفتاح الفرج، وهو هيبني لكِ عيلة جديدة من الخير في المستقبل. ركزي على نفسك وابني قوتك : عندك 17 سنة، ده عمر الفرص! حددي هدف صغير يوميًا زي الدراسة بجد عشان الجامعة، أو تعلمي مهارة جديدة (رسم، طبخ، لغة) تخليكي تحسي بإنجاز. كل يوم اكتبي 3 حاجات شاكرة عليها (حتى لو صغيرة زي "النهاردة شربت شاي حلو").. ده هيغير نظرتك للحياة شوية بشوية. مع العيلة، خلي حدود واضحة : متتوقعيش منهم حاجة دلوقتي، عشان ميوجعكيش أكتر. عامليهم بلطف من بعيد، بس متدخليش في محاولات التقريب اللي بتتعبك. ربنا قال "وَمَنْ يَتَّقِ اللَّهَ يَجْعَلْ لَهُ مَخْرَجًا"، فالتقوى هتفتحلك أبواب تانية. لو الفيديوهات دي بتعذبك، بلكيها مؤقتًا وقولي لنفسك "ده مش قدري، أنا هعمل قدري أحسن" 😊 (شوية فكاهة: تخيلي إن العيلة دي كلها ممثلين في فيلم، وأنتِ البطلة اللي هتكسب الجايزة الكبيرة!). يا بنتي، أنتِ قوية وهتقدري تتغلبي على ده كله. لو عايزة دعم أكتر، دوري في فدني على أسئلة مشابهة عن "الوحدة العائلية" أو روحي لصفحة الخبراء https://www.fedni.net/experts وخدي استشارة نفسية من متخصصة.. هيساعدك جدًا.♡
تم النشر الثلاثاء، ١٧ فبراير ٢٠٢٦
مهما دورنا ولفينا مش هنلاقي أحن من ربنا علينا واللي عيشتيه كان لازم تعيشيه لحكمة من الله* وَكُلُّ شَئٍ عِنْدَهُ بِمِقْدَار * ربنا يغار على قلبك من التعلق بغيره وهنا مش قصدي التعلق بحد غريب يعني لأ حتى التعلق بأهلك وما يمكن الحاله اللي عيشتيها دي ربنا قدر إنك تعيشيها علشان تلجأي لله وتعرفي إن اللي يستحق إننا نتعلق به وحده هو الله لأ مش يمكن ده أكيد ،، مش هتلاقي أحن منه عليكي.
تم النشر الثلاثاء، ١٧ فبراير ٢٠٢٦
أولا لما وصلتي ١٣ دا كان سن المراهقة وهو السن اللي الإنسان بيراجع نفسه وطفولته ويبص حواليه لأهله .. فاحمدي الله انك في زمن فيه وعي وفيه علم نفس ونقدر نفهم المشكلة ونشتكي منها .. لأن زمن الوالدين لو حد محتاج إهتمام كانوا يقولوا علبه مسحور مثلا (لا شك احنا نؤمن بالسحر بس مش كل الحالات هي سحر) ...... المهم متعتمديش عاطفيا على أهلك ومتستنيش منهم الحب لأن فاقد الشئ لا يعطيه .. هم برضو ممكن ضحايا .. ركزي على نفسك ومتحاوليش تعالجيهم لأن صعب اقناعهم عالجي نفسك الأول وبعدين هم
تم النشر الأربعاء، ١٨ فبراير ٢٠٢٦
لعرض السؤال في فدني اضغط هنا