انتي ذكرتي قصة الأب من قبل ان تولدي وواضح من كلامك انه بيعاني من مشاكل نفسية وكان غير مؤهل للمسؤلية عن بيت وأسرة ولكن الوضع الأن يفرض عليه تحمل تلك المسؤلية وبما ان والدتك في فترة خصام معاه يبقى ضروري يكون في شروط قوية أثناء الصلح والعودة إلى البيت ومن أهم الشروط هو حسن رعايته لأبنائه وتوفير مصروف مناسب للأم بما انه ميسور الحال مع تجنب تكرار سلبيات تصرفاته التي تسبب النفور بينه وبين زوجته وهذه الشروط يضعها حكماء العيلة من اهله وأهل والدتك وربنا يهديه وتكون فترة الشهرين دول كفايا انه يتعلم فضل وأهمية وجود زوجة وأم بالبيت ويارب يهديه أما عن مشكلتك مع بابا فلازم يكون عندك خصوصية بالبيت بمعنى أن تكون عندك غرفتك الخاصة ولها باب يغلق عليكي اثناء النوم ولو دا غير متوفر فلازم تنامي مع اخواتك وبلاش تنامي لوحدك علشان تتجنبي اي سوء ظن او سوء تصرف من الأب بلاش تزعلي من كلامه انه بيصرف عليكم وكل جنية بيدفعه بيروح يحكي عنه وتأكدي ان اللي بيعمله دا مش فضل منه بل هو واجب عليه يعني لما تلاقي جدك بيكلمك ويطمن ويعرف ان بابا دفع تمن كشف او علاج فلازم تتقبلي ده من جواكي ان بابا بيعمل اللي مفروض يعمله مش فضل منه ولكن ما يفعله من التباهي بما يقدمه لكم فهذا نابع عن قلة الثقة بنفسه لان الأب كما ذكرتي كانت الحالة المادية معه صعبه وهذا ما يؤثر عليه حتى الان وجعله يشعر بعدم الرضى ولذلك يتفاخر بكل ما يقدمه لكم لانه يريد ان يعلم الجميع ذلك المجهود الذي يقدمه وهذا حتى يشبع رغبته في الثناء على ذاته والتمجيد في افعاله والتي لا يراها أحد سواه فمن الممكن ان تتعاملي مع والدك بالبر والاحسان كما أمرنا الله كما ان التعامل معه كونه شخص مريض فهذا يشفع له عن سوء تصرفاته وكما قال الله { ليس على المريض حرج } وكونه شخص مريض فهذا يجعلنا نشفق عليه بدلآ من أن نزعل منه ويجعلنا نتجاهل سوء تصرفه لانه نابع عن ضعف ومرض وليس عن حكمه وثقة بالذات كما ام تصرفه نابع عن جهل وليس عن عمد فهذا كله يشفع له عندك ويجعلك تنجاهلين سوء تصرفاته ولا تتفاعلي معها حتى لا تحزني خصوصآ ان سنك صغير ولازم تحبي الحياة ويكون عندك شغف وأمل فيها ويارب يهدي باب ويجمع بينه وبين ماما بالصلح والتراضي بينهم ويارب يعافي جسمك من كل سوء ويسعد قلبك وكل ايامك
وبالعكس والله يا دكتور انا لما أكلمه بيطول مثلا في الرد او يكون في الاوضة واخبط عليه يخليني برا شوية وانا اكيد مش هفتح الباب وده للضرورة القصوي ده مش بيكسرني وبيعاملني اني الي جياله ويعاملني الي هو ها عايزة اي اكون مثلا خارجة مع خالتي بمزاجه لو العلاقة مبينهم حلوة وبيكلمها يخليني اروح مش بتكلمه يقولي مكلمتنيش مقالتش ليا طب انا بقولك خالتو عايزاني لي يعني تقولي كدا انا مش صغيرة أن اي حد عايزني معاه بكلمه هو لا انا بكلمك وبقولك كذا عايزني هنزل انا مش بقولك رايحة مكان واروح غيره مثلا او ده استقلال
تم النشر السبت، ٢٠ يونيو ٢٠٢٦
حضرتك احنا مش فكرة انحياز خالص هو نفسه معاملته مش كويسة معانا وكلنا لدرجة أن احنا مش حاسين يعني اي اب سند ضهر لما يحصل مشكلة نروحله لا خالص ده كان بيقلل مني ف وقت انا كنت فيه شاطرة والناس كلها بتشكر فيا وقت الثانوية العامة بتاعتي عايز هو الي يختارلي الكلية وكان بيقول لماما ندخلها معهد تجاري أو صناعي علشان مجموعي مكنش احسن حاجة كان ٧٥ معني والله شاطرة من يومي محدش اجي ف يوم وقاله بنتك مقصرة ولا اشتكي مني وكله عارف اني الحمد لله كويسة وطيبة وغلبانة وهادية الا هو شايفني قلة أدب اني بدافع عن نفسي عايزني اتضرب وانا ساكتة عايز يقرب يضربني ومعملش اي رده فعل هو لما ييجي عليا وهو عارف اني ضعيفة قدامه دي اسمها اي انا كل الي بقوله مشاكلي معاه مش مشاكل مامتي خالص لما حضرتك يكون معتدي لولا ستر ربنا وفضله عليا بنت ف تالتة اعدادي وميحاولش حتي يصلح غلطته وبيعاملني كويس بعدها لا ده دايما شايفة ف عينه اني سبب لكل حاجة انا لي اكون خايفة منه ومفيش غيرنا رغم أنه عمره ما هيعرف يقرب تاني بس الشعور وحش جدا لما ملاقيش حضن يحتاويني انا واخواتي لا بالعكس اخاف من الحضن ده مفيش حاجة تبرد ده غير أن ربنا شايف ومطلع وعمره ما هيسيب حقي وزي ما في عقوق اباء في عقوق أبناء وهو الي بيعمله حاليا لما نلاقي ابونا بيكلم علي التلفون ولما نشم ريحة غريبة طالعة من الاوضة الي هو فيها ومش واصلة للسجاير حتي اصعب مع أنه اصلا قدامنا مش بيشرب اصلا السجارة يعني اصلا انا واحده حاطة ف شروط للي هيتقدملي مش عايزة حتي السجاير حضرتك لما الي هيتقدم ده ويلاقيه بيشرب حتي لو شافه صدفه هيقول اي بس اني عندي الكلام ده وجاية اتشرط
تم النشر السبت، ٢٠ يونيو ٢٠٢٦
مهم جدآ انك تفصلي نفسك انتي واخواتك عن مشاكل بابا وماما وبلاش ننحاذ لأي طرف منهم ونترك لهم مشاكلهم يحلوها بطريقتهم او بتدخل الاهل ولكن نبتعد عن الانحياذ لأحدهم من اجل سلامتكم النفسية اولآ ثم من أجل الحفاظ على مستوى التواصل بين الوالدين كما أمرنا الله ولجل رضاه ومهما كانت سلبيات بابا فلازم تتعاملو معاه من باب البر والاحسان وعلشان بالحب والتقارب هتقدرو تاخدو منه كل احتياجاتكم لكن طول ما هو حاسس انه منبوذ وانكم متعاطفين مع الام اكثر فبالتالي هو هيفضل يعاند معاكم وجربي تقربي منه انتي واخواتك دون عناد او احساس بالرفض من وجوده وهتشوفي الفرق بس خلي بالك وانتي نايمه لازم يكون عندك خصوصية كما ذكرنا في التعليق السابق ؛ يعني تواصلي مع بابا بنفس درجة تواصلك مع ماما وهذا من أجل البر وكسب رضوان الله في طاعة الوالدين وأكيد المعاملة الحلوة منكم هيقابلها بابا بالاهتمام ويارب يهديه ويصلح الحال بينكم جميعآ
تم النشر السبت، ٢٠ يونيو ٢٠٢٦
هو الوضع اسوء من كدا لأن اجو ناس بالفعل السنة الي فاتت قرايبه وقولو لماما لو حصل اي حاجة خلاص كدا هو جني علي نفسه وطلعو القصة فيها اعمال وسحر ورجعنا البيت كان كام شهر كويس بعدها رجع واوحش من الاول قانع كل الناس الي حواليه أنه ميقدرش يخلي أو يربي عيال ف خمس ايام إجازة مشيل ماما كل حاجة ولما ماما تشتكي لجدو يقولها انا الي هشبل معاكي ولو اجي عريس لسا جدو الي يقعد ويبقي الكلام معاه بدل ما يكون مع ابويا هو ملحوظة هو دخله اتحسن لكن مخبي علينا هو شايف أني أنا وأخواتي معاملتنا معاه مش زي ماما فبالتالي محدش هينفع وف فكرة أن الفلوس هتنفعه احنا مش قادرين نتعامل معاه مش قادرين حتي نبصله مش حاسين يعني اي اب وحب اب وسند وضهر والي يزعل أن أهله مش قادرين يقولوله انت غلط انت سبب كتير جدو قال هناخده يتعالج بس كله بيبقي كلام وبمجرد ما يشوفوه بيبقي هو المظلوم وانا الي غلط وكل الكلام الي من ضهره بيتقلب
تم النشر السبت، ٢٠ يونيو ٢٠٢٦
لعرض الإجابة في فدني اضغط هنا