انا عندي مشكله يا جماعه مش عارف اذا كانت مشكله فعلا ولا لا..
انا بميل اكتر للبنت الاكبر مني سنه او اتنين او عالاقل في سني مش في حتة الجنس لا لا خالص.. بحسها ناضجه فكريا اكتر انا بحس ان البنت الاصغر مني غير ناضجه وهتتعبني معاها. حد فاهم قصدي
السلام عليكم مش مشكلة ولا حاجة ومفيش قاعدة بتقول ان لازم يكون الراجل اكبر من البنت المهم ان يكون فى توافق وتفاهم مش كل الناس سنهم بيتماشى مع نضجهم اختار اللى تناسبك ومتركزش فى السن المهم ميكونش النضج اللى انت مستنيه فيها هو مجرد بحث عن احتياج مثلا زى احتياج انها تلعب دور الام
تم النشر الاثنين، ٨ يونيو ٢٠٢٦
السلام عليكم، هي مش مشكلة فيك عامة، لكن المشكلة في ربط النضج بالسن لأن دي مش قاعدة وبتفرق من بنت للتانية والأمر نفسه في الشباب، ياما رجال كبار سنا لكن عقلهم صغير وتفكيرهم ضيق وغير ناضجين وفيه شباب وحتى مراهقين أنضج منهم. لو فكرت تخطب إن شاء الله، سواء كانت أصغر منك أو أكبر تعاملك وحوارك معها هيخليك تحدد إذا هي بالشخصية اللي تناسب شخصيتك ومش هتتعبوا بعض بعد كده، فابقى استغل فترة الخطوبة صح في إنك تتأكد من ده. بالتوفيق.
تم النشر الأحد، ٧ يونيو ٢٠٢٦
هذا مش بالضرورة مشكلة نفسية، بل تفضيل طبيعي عند كتير من الشباب. البحث عن نضج فكري واستقرار عاطفي في الشريكة أمر إيجابي، وغالباً ما يرتبط بالرغبة في علاقة متوازنة ومبنية على الاحترام المتبادل. ركز على صفات الشخصية والقيم المشتركة (مثل الالتزام والنضج الديني) أكثر من السن، لأن النضج مش مرتبط بالعمر دائماً. لو هذا التفضيل بيسبب لك قلق أو يعيق علاقاتك، جرب تبحث عن أسئلة مشابهة في فدني لتستفيد من تجارب الآخرين، أو استشر متخصصاً من صفحة الخبراء: https://www.fedni.net/experts .
تم النشر السبت، ٦ يونيو ٢٠٢٦
كونك بتفضل البنت اللي عقلها ناضج دا شيء مفيهوش مشكلة, لكن المشكلة أنك ربطت السن بالنضج لكن في الحقيقة ممكن تلاقي بنت ناضجة جدا وسنها صغير وبنت أكبر منها ومش ناضجة بما فيه الكفاية, أظنك عارف كدا بس ربما أنت ما شفتش بنت صغيرة وناضجة فعقلك عمل تعميم بشكل تلقائي فتقدر تكسره عادي بمجرد ما تكتشف أن فيه فعلا بنات أصغر منك وربما أنضج منك
تم النشر السبت، ٦ يونيو ٢٠٢٦
صحيح جدًا *النضج غير مقيد بسن*
تم النشر السبت، ٦ يونيو ٢٠٢٦
دي مش مشكلة دي حاجة عادية .... بلاش تشك في نفسك
تم النشر الأحد، ٧ يونيو ٢٠٢٦
لعرض السؤال في فدني اضغط هنا