انا بنوته رومانسيه طول الوقت بابايا بيعاملنى بحب وانا لما بتعامل مع اولاد اخواتى واصحابى لازم اعبرلهم عن حبى
اتخطبت هو جدع جدا والحمد لله كويس معايا ومع اهلى بس المشكله انه مش رومانسي خالص حتى انا عندى كانسر وباخد كيماوى لما بيروح معايا المستشفى كل جلسه بحس انه جاى تقضية واجب مش جاى عشان خايف او قلقان عليا وفى كل حاجه بيعملها معايا بحس كده
لما نيجى نخرج او اى حاجه مش بحس انى وحشه وعايز يشوفني لا بنخرج عشان احنا متفقين نخرج وخلاص
دايما حاسه بفجوه بينا
وانا المشاعر دى حاجه مهمه اوى بالنسبالى مش عارفه اتكلم معاه ازاى فى الموضوع ده
ممكن مقترحات بعد اذنكم وشكرا مقدما
بصي إن جينا للحق، ففي فترة الخطوبة مينفعش إنه يسيب لسانه أو اللي في قلبه يبقى على لسانه، لا لازم يكون في حدود في الكلام، و عالبا الرجالة مبيعرفوش يعبروا عن حبهم بالكلام، أغلب الوقت بيعبروا عن حبهم بأفعال و مواقف و هنا يظهر معدن كل رجل، و ممكن تسأليه يعني بس مش بشكل صريح، يعني لما بتحب تهادي حد او تشكره على حاجة بتعمله اي او اسئلة شبه كدة
تم النشر الأحد، ٤ يناير ٢٠٢٦
طرق التعبير عن الحب كتيره جداا وإنتي بتحبي التعبير بالكلام فممكن بعد العقد إن شاء الله توضحيله الطرق اللي إنتي بتحبي اللي قدامك يتعامل معاكي بيها (الكلام) علشان يعاملك بالطريقه اللي إنتي بتحبيها ، أما فترة الخطوبه فماينفعش خالص أي تجاوزات حاولي تحافظي على حدود الخطوبة علشان ربنا يباركلك في حياتك القادمه 💟
تم النشر الثلاثاء، ٦ يناير ٢٠٢٦
الف سلامه عليك ربنا يشفيك اهم حاجه فكرى في صحتك وبعد كده كله يهون
تم النشر الاثنين، ٥ يناير ٢٠٢٦
الله يسلمك يارب..حاضر
تم النشر الأحد، ٤ يناير ٢٠٢٦
انت هتحسي من إجابته و هتعرفي هل هو عنده جانب رومانسي مخفي ولا لا، دي بتاعتك انت
تم النشر الأحد، ٤ يناير ٢٠٢٦
طيب وايه الرد اللى يعرفني؟
تم النشر الأحد، ٤ يناير ٢٠٢٦
لعرض السؤال في فدني اضغط هنا