انا طالبه ثانويه عامه حاليا بس ضعيفه شويه ف الانجليزي ولقيت نفسي براكم مواد ومش عارفه اعمل اي بحاول علي قد ما اقدر اني ازاكر واعمل اللي عليا اليوم كلو بس بلاقي لسا في حاجات متراكمه
وبحاول ف نفس الوقت اني اسمع كلام ماما وبابا فلما مثلا آخد استراحه من المزاكره يعني عشر دقايق كدا مثلا الاقي ماما تقوللي روقي الشقه او كدا انا من جوايا ببقي متضايقه بسبب المراكمه وفي نفس الوقت الترويق بياخد معايا مثلا ساعه ولا اتنين وبياخد من وقتي في المزاكره فوالله لدرجه اني بعيط عشان مش عارفه اعمل اي
جوايا افكار كتير في دماغي مش لاقيه حل كل يوم اعيط قبل ما أنام بسبب ان فيه موضوع حصل لي في السنه دي ومش قادره اتخطاه وبحاول اني اتخطاه وبسبب المراكمه وبسبب اني لا عارفه اقول لماما اني مراكمه فتسيبني أذاكر وكدا واما تشوفني بستريح متقولليش اعملي حاجه لانها ممكن تقوللي مراكمه ليه وتتعصب عليا او اني لو رفضت اعملها اللي هي عاوزاه بحس بالذنب اني مسمعتش كلامها وهيا بتقعد تقوللي اسمعي كلامي عشان ربنا يسهل لك بس انا وقتي بيضيع اعمل اي حد عنده حل؟
مع اني والله بذاكر وبحاول اعمل اللي عليا لأجل اني افرحهم بنتيجتي ف الثانويه العامه فياريت حد يقوللي حل ضروري لو سمحتم
بصي يروحي في المرحله دي لازم تنسي التوتر و القلق و الزعل وتركزي في مذاكرتك بس تنام و هدي نفسك كده و متخليش دماغك تفكر في حاجه أو تهتم بحاجه غير المذاكره المذاكره وبس وممكن اما مامتك تكون هاديه و مرتاحه ممكن تقوليلها انك مراكمه شويه في المواد و انتي محتاجه التقت اللي بتروقي فيه للمذاكرة واما تخلصي من المتراكم هترجعي تسعديها تمام تقربي مو ربي قوي وادعي ربنا كتير و هظي دماغك علشان ده هيأثر على مذكرتك وبالنسبه للانجليزي واحده واحده السنه طويله وتقدري تعملي حاجات كتيره ممكن تحفظي كل يوم عشر جمل و كلمات من بره المنهج وتحلي حل اسبوع قطعه و تكتبي براجراف واما تحلي اي سؤال لو فيه كلمه مش عارفه معناها علمي عليها و اعرفي معناها و احفظيه وهكذا مع كلمات القطعه و اي سؤال يقابلك وبالتوفيق يحبيبتي
تم النشر الأربعاء، ٢٩ أكتوبر ٢٠٢٥
هقولك على حاجه انا كنت بعملها شخصياً لأن قصتك شبيهه بقصتي ايام الثانويه العامه بصي ي جميله انا كنت بقوم من بعد الفجر كده اصلي الفجر و أقرأ اذكارى و اغسل المواعين و كنت بسيب لماما البيت هي تنضفه وبكده لسه عندى وقت اذاكر فيه ف انتى تقدرى تعملي كده . وبالنسبه للمتراكم هتذاكرى المتراكم مع الجديد طيب ازاى يعني مثلاً انا آخدت الدرس التالت فى الفصل التالت ولسه مخلصتش الفصل التاني ابدأ اذاكر الدرس اللي آخدتو انهارده مع درسين من المتراكم لأن لو ذاكرت الدرس الحالي وسبت المتراكم هكون راكمت و لو ركزت فى المتراكم هراكم الحالي فهماني ف انتى تمشى على النظام ده هتبصى تلاقي كله بيخلص بسهوله معاكي إنما تقعدى تعيطى و مش عارفه هعمل ايه والايام بتجرى و التراكمات هتزيد عليكى ف انتى متضيعيش وقت ابدأي بسرعه و بلاش تتعبى نفسيتك و عياط و مش هلم المتراكم و مش هقدر لاء هتقدرى و هتلمي كل حاجه ، معلش طولت عليكى بس اتمني اكون فدتك وربنا يوفقك ي سكر🤎🤎
تم النشر الثلاثاء، ٢٨ أكتوبر ٢٠٢٥
مرحبًا عزيزتي، أنا ذكية، وفعلاً أحسّ بمعاناة ما تمرين به، لأن الضغط والالتزامات العائلية وأعباء الدراسة معًا يشكلوا تحديًا كبيرًا. مهم جدًا أنك عبّرتي عما بداخلك عندي لك بعض الأفكار والنصائح اللي ممكن تساعدك تتعاملي مع مشكلتك خطوة خطوة: تنظيم الوقت بشكل واقعي وبسيط: حاولي تقسمي وقتك يوميًا بمساعدة جدول زمني بسيط: مثلاً، زمني وقت محدد للمذاكرة (ساعة أو ساعتين مثلاً) بعدين استراحة قصيرة (10-15 دقيقة). اشركي ماما في وضع هذا الجدول، بحيث تفهم إن الاستراحة مهمة أيضًا، بس ما تاخدش وقت طويل. هكذا يكون عندها رؤية واضحة للوقت اللي بتذاكري فيه. التعامل مع الواجبات المنزلية بطريقة ذكية: لما تطلب منكِ ماما تعملين شيء في الاستراحة، حاولي مثلًا قبل ما تبدأي تذاكري، تخبريها أنك محتاجة تركيز ومساعدة بأنها تسمح لك بالاستراحة فعلاً بدون مهام. أو اتفقي معها على أوقات معينة تساعديها فيها، بحيث تكون التزامات المنزل متوازنة مع دراستك. التحدث بصراحة مع والدتك: حاولي تشرحي لها مشاعرك بصراحة وبهدوء، وقولي لها أنك تحتاجين دعمها عشان تقدري تذاكري بشكل أفضل. قولك لها أن المذاكرة تتراكم وتعطيكي ضغط نفسي ممكن يخليها تفهمك أكثر وتتعاون معك. التعامل مع الضغط النفسي والمشاعر: من الطبيعي إنك تحسي بالضغط والارتباك، خصوصًا مع المشكلة اللي حصلت لك. حاولي تخصصي وقت صغير يوميًا (حتى 5 دقائق) تكتبي فيه كل اللي في بالك، أو حتى تكلمي مع أحد (مثلاً أحد الخبراء في فدني يمكن يساعدك في الاستشارات النفسية). الاعتماد على التدرج: لا تحملي نفسك فوق طاقتك، اعملي خطوة خطوة. التطور لا يحدث بين ليلة وضحاها. يومًا بعد يوم هتلاحظي تحسن. الثقة بالله والدعاء: حاولي تستمري في الدعاء والتوكل على الله ربنا كريم، ومع الاجتهاد هيسهل لك الأمور إن شاء الله. المساعدة الخارجية: لو حبيتي، ممكن تستشيري خبراء فدني النفسيين أو مدربي الحياة المتخصصين من خلال صفحة الخبراء: https://www.fedni.net/experts ممكن يعطوك نصائح مهنية أكثر مخصوصة لحالتك. ختامًا، تذكري أن كل طالب يمر بصعوبات، والأهم أنك تسعي وتتحداي نفسك بإصرار وصبر. ربنا مع الصابرين. وأنا هنا لو حبيتي تستمري في الكلام أو عندك أسئلة. كيف حابة تبدئي ترتبي جدول يومك؟ هل ممكن تشاركي معي تفاصيل أكثر لأساعدك فيها؟
تم النشر الثلاثاء، ٢٨ أكتوبر ٢٠٢٥
لعرض السؤال في فدني اضغط هنا