وعليكم السلام ورحمة الله وبركاته كويس اوي انك واعية بأن الاشخاص مش ملايكة، وكلنا اكيد فينا صفات كويسة وصفات تانية لأ .. لاننا الخير والشر معا واحنا اللي ب ايدنا نظهر ايا ما كان. في الحقيقة التصرفات النابعة من الناس ديه بالشكل ده .. خاصة لو كانوا غرباء، او مش قربين منك بصفة شخصية .. او بشكل ما احسن حل ليهم هو تجاهل ما يقولونه .. لان ببساطة احنا مش مطالبين نصحح فكرة الكل عننا او اننا نثبت ليهم شئ معين .. تخيلي معايا كده! احنا لو فضلنا نصحح كل شئ عننا للناس.. انا عملت كذا بس انا قصدي كذا ..! لا لا انتي فهمتيني غلط .. انا اكيد مقصدش كده .. هتتعبي لو فضلتي تبرري للناس، او تبرري جوا عقلك كل الكلام ده .. + الناس كلامها كتير اوي، ولازم يدخلوا في اي حاجه. انتي بقى تعملي ايه؟ اتصرفي زي ما انتي معتادة انك تتصرفي، بطبيعتك .. ولو فيه شخص قلل من احترامك بشكل صريح وواضح طبعا اعملي له حدود ووقفة في الكلام بالاسلوب اللي اتعامل بيه معاكي، علشان ده ميتكررش. اهم حاجه انك تعملي حدود لفسك وحدود مع الناس .. علشان محدش يتخطي حدوده معاكي . ودمتي سالمة
عفوا يا جميلة 💜
تم النشر الاثنين، ١٤ أغسطس ٢٠٢٣
شكرا ليكِ 💗
تم النشر الأحد، ١٣ أغسطس ٢٠٢٣
العفو يا قمر .. 💜 موفقة دوما 🌸
تم النشر الأحد، ١٣ أغسطس ٢٠٢٣
بجد كلامك أعجبني أوي وانا كمان عندي نفس المشكله بس أنا فهمت كلامك وى شكرا جدا على كلامك الحلو ده
تم النشر الأحد، ١٣ أغسطس ٢٠٢٣
لعرض الإجابة في فدني اضغط هنا