انا حاليا شغال في الحسابات بقالي شهرين لكن دماغي وتفكيري اني آخد كورس تسويق واسيب المحاسبه واشتغل تسويق فهل انا متسرع في الحكم على المحاسبه ولسه في ثمار هقطفها من مجال المحاسبه لو صبرت ومع الصبر اتعلم التسويق ولا انهي مجال مفتوح اكتر
المحاسبه كويسه جداً بشرط تستغلها كويس وطور من نفسك فيها زربنا يكرمك وخد.كورس تسويق عادي شوف كورسات جوجل عن التسويق من الصفر مجانا بشهادة من جوجل وطور من نفسك في المحاسبه خصوصاً لو شفتلك سفريه في السعوديه او اي بلد خليجية متسعاش للكمال علشان الكمال هو اول خطوة توئدي الي الفشل
تم النشر الخميس، ١٦ أكتوبر ٢٠٢٥
لا يوجد مجال أقصر من غيره أو مجاله محدود كقاعدة عامة، ولكل مجال آفاقه وامتداداته. إذا كانت رغبتك في التغيير نابعة من عدم اعجابك أو مللك من المحاسبة، فرأيي أن تأخذ خطوة التغيير الآن لأنها قادمة لا محالة، ولكن بالتعقل والتروي والتدرج لأنك بالتأكيد تحتاج العمل الحالي للإنفاق على نفسك وعلى المسار الجديد. أما إذا كان الأمر حيرة بين المسارين، فأنت لم تمنح نفسك الفرصة لاختبار والمحاسبة وانجذابك إليها. غالبا، أنت لم تتجاوز مرحلة إمساك الدفاتر بعد - تسجيل الايرادات والمصروفات - وربما بعض قيود التسوية. المحاسبة - وآفاقها - أوسع من هذا بكثير. هل جذبك شخص ما بحديثه عن التسويق ومستقبله؟ أتمنى أن يكون قد تحدث عن التسويق بمنظوره الشامل وليس مجرد إدارة حملات الإعلانات في وسائل التواصل الاجتماعي فقط أو شيء من هذا القبيل فقط. التسويق في منظوره الشامل يحتاج علم النفس والسلوك الإنساني في مستوياته الدنيا والوسطى، وعلوم الاجتماع والإلمام بالثقافات المستهدفة، وعلوم الإحصاء في مستوياته العليا كأجزاء طبيعية من آليات عمله وتطبيقه. في العقود القليلة الماضية، اكتشفت المؤسسات التعليمية أن التخصصات الأحادية لا تجدي، وأن الواقع العملي يتطلب مزج علوم ومسارات مختلفة، فأصبحنا نجد تخصص الكترونيات ميكانيكية - ميكاترونيكس ، وعلوم جيوسياسية، وتخصص اقتصادي اجتماعي socio-economic، وفيزياء فلكية، وكيمياء حيوية، وحوسبة بيولوجية، وغيرها. ان استطعت، يمكنك أن تجمع بين المسارين. إن لم تستطع، فلا تنظر إلى البدايات، وحول بصرك إلى الآفاق والطريق المؤدي إليها وانظر ما يتطلبه الطريق وما إذا كان يناسبك وترى في نفسك القدرة عليه.
تم النشر الأربعاء، ١٥ أكتوبر ٢٠٢٥
السلام عليكم شهرين مده قليلة اوى ...انت ملحقتش تاخد خبره كافيه مفيش مشكلة انك تتعلم حاجة تانيه زى التسويق بالتوازى مع شغلك فى المحاسبة استمر فى المحاسبة ست شهور او سنة يكون افضل وفى دراستك للتسويق هتقدر تحدد اذا محتاج تغير اتجاهك ولا لا
تم النشر الأربعاء، ١٥ أكتوبر ٢٠٢٥
والله انا من رايي يعني عصفور في اليد خير من عشره على الشجره خليك في المحاسبه عادي وادرس برده تسويق خد الكورس اللي انت عايزه وانت ماسك حاجه ثابته. ويخلص الكورس انجح فيه قدم على شغل التسويق ضمنت الشغلانه التسويق نسيب المحاسبه اما منسيبش هنا ونمسك هنا واحنا هنا مش مضمون. والحياه فرص مش هقول لك الفرصه اللي بتيجي ما تتكررش لا هي الفرصه بتيجي بتتكرر مره واثنين وثلاثه بس المشكله ان احنا دماغنا بتيجي مره والاثنين والثلاثه وما بناخدش بالنا ونقول لا لسه في فرصه احسن جايه فانا من رايي خليك في المجال اللي انت فيه واشتغل اشتغل زي ما انت محاسب وبعد كده تسويق ننجح في التسويق نسيب المحاسبه نمسك في التسويق على طول بعد ما يكون في حاجه مضمونه للتسويق.
تم النشر الثلاثاء، ١٤ أكتوبر ٢٠٢٥
مرحبًا بك، وفهمت تمامًا الحيرة اللي أنت فيها، خاصة لما بتبدأ تحس إنك مش مرتاح أو مش متحمس في المجال اللي أنت فيه حاليًا. خلينا نفصّل الموضوع مع بعض خطوة بخطوة: التجربة الحالية في المحاسبة: أنت شغال من شهرين فقط، وده وقت قصير نسبيًا عشان تقدر تحكم بشكل نهائي على المجال. في المحاسبة، كثير من الثمار مش بتظهر بسرعة، لأنها بتحتاج فهم عميق للتفاصيل والتعامل مع أرقام وتقارير مالية، وفيها فرص لتثبيت أساس قوي في الإدارة المالية. التسويق كمجال: التسويق مجال واسع ومتنوع، وبيحتاج مهارات مختلفة مثل الإبداع، الفهم الجيد للسوق، مهارات تواصل قوية، وتحليل بيانات. صحيح إن التسويق قدر يستهوي كتير من الناس لأنه أكثر ديناميكية، وكمان يفتح مجالات للعمل الحر أو عن بعد. هل أنت متسرع لو تركت المحاسبة؟ من الحكمة أنك تدي لنفسك وقت أطول شوية في المحاسبة عشان تستكشف جوانب أكتر، وتحاول تتعلم مهارات جديدة داخل المجال (مثلاً برامج محاسبية أو التحليل المالي). بالمقابل، ما يمنعش إنك تبدأ تتعلم التسويق كاهتمام جانبي، مثلاً بتسجيل كورس إلكتروني في أوقات فراغك. بحيث لو اكتشفت إن التسويق فعلاً هو اللي يناسبك أكثر، تكون انت مش بتنتقل فجأة، بل انتبهيت للمجال الجديد ودرسته، وده هيخليك أذكى في قرارك. ماذا تفعل الآن عمليًا؟ استمر في المحاسبة لمدة 3-6 شهور على الأقل، وحاول تحدد أهداف تعليمية خلال هذه الفترة. في نفس الوقت، قم بالمشي تدريجيًا في التسويق (كورسات أونلاين، قراءة مقالات، مشاهدة فيديوهات، تجربة بسيطة). فكر في نقاط قوة شخصية لديك: هل أنت أكثر تنظيماً وتحليلاً (مناسب للمحاسبة) أم أكثر إبداعًا وتفاعلًا مع الناس (مناسب للتسويق)؟ هل المجال مفتوح أكثر؟ كلا المجالين لهما فرص كبيرة، لكن التسويق في عصرنا الحالي له تكنولوجيا متطورة (التسويق الرقمي، وسائل التواصل الاجتماعي). المحاسبة أيضًا أساسية في كل شركة أو مؤسسة، وفيها استقرار وظيفي لكنها قد تكون روتينية للبعض. في النهاية، القرار مهم جدًا ولازم يكون مبني على تجربة شخصية وفهم حقيقي لمهاراتك وأهدافك المستقبلية. إذا تحب، تقدر تستشير خبير في مجال المحاسبة أو التسويق على منصة فدني، أو تبحث عن تجارب أخرى مستخدمين عندهم خبرة في المجالين، لأنهم ممكن يمدوك بنصائح من واقع خبرتهم. هل تحب أساعدك أوجّه لك رابط خبراء التسويق أو المحاسبة على فدني؟ وهل عندك أسئلة أو نقاط حابب تستوضحها أكتر؟
تم النشر الثلاثاء، ١٤ أكتوبر ٢٠٢٥
هو مجال المحاسبه كويس ممكن لأن انت لسه في الاول فشايف انك بتقدم كتير و بتاخد قليل لكن هي كويسه كشغل لقدام لكن لو عاوز تاخد كورس تسويق خليك في المحاسبه بجانب التسويق و شوف انت ايه مناسب ليك حيث انك متسبش حاجه مضمونه و تروح للمجهول انت جرب و بعدين اختار
تم النشر الثلاثاء، ١٤ أكتوبر ٢٠٢٥
لا تترك المحاسبه الا بعد مذاكره التسويق و العمل به و انه يجبلك فلوس بعدها قرر تستمر فى التسويق او المحاسبه
تم النشر الجمعة، ١٧ أكتوبر ٢٠٢٥
لعرض السؤال في فدني اضغط هنا