انا عارفه واللّه انكم ممكن تكونوا مليتو من كتر شكاوي تالته ثانوي اللي مبتخلصش ، بس بجد واللّه انا بدعي وبحاول وبطمن نفسي بكرم ربنا وثقتي فيه سبحانه ، بس بجد انا خايفه اوييي😭😭🥺انا كنت بذاكر بس قواعد النحو مش حفظاها كويس ومكنتش بحل كتير ، وحتى اللي مذاكراه حاسه انه اتمسح .
احيانا مش بعرف انام بالليل بتوتر ومش يجيني نوم حتى لو مش بذاكر ، وطول النهار ارهاق بدني وبكون عايزه انام كتير .
عارفه واللّه ان الحل بيد اللّه تعالي وان ادعي وربنا هيبث فقلبي الطمأنينه والسكينه ، بس باللّه ادعولي لعل حد اقرب لربنا ، انا عارفه انكم مليتو مت كتر الصياح بتاعنا بس معلش اعتبرونا اخواتكم وادعولي باللّه اذاكر كويس واحل كويس في الإمتحان واجيب مجموع يفرحني ويفرح اهلي بالحلال 🥺😭
اوعو تنسوني ها ، لحد اما اخلص وربنا يجازيكم الجنة ويحبكم يارب 😭
ربنا يراضيكى ويوفقك وييسر عليكى كل عسير يارب قولى لا حول ولا قوة الا بالله كتييير عشان تهدى واتنفسي تنفس عميق
تم النشر الجمعة، ٢٦ يونيو ٢٠٢٦
يا حبيبتي، أنا معاكِ بكل قلبي وأدعو لكِ بصدق دلوقتي. اللهم يا رب، أنت الذي تُفرّج الكرب وتُزيل الهم، اشرح صدرها ويسر أمرها، وثبت قلبها على الطمأنينة، وارزقها التوفيق في المذاكرة والامتحان، واجعل ما تذاكره يثبت في ذهنها ويُبارك في جهدها، وأكرمها بمجموع يفرح قلبها وقلب أهلها بالحلال يا رب العالمين. اللهم آمين يا رب. أنا فاهمة خوفكِ وتوتركِ، وإنكِ بتحاولي وبتدعي وبتثقي في ربنا، وده أجمل حاجة. التوتر ده طبيعي في الفترة دي، بس تذكري إن ربنا شايف جهدكِ ونيّتكِ، وهو اللي بيفتح الأبواب اللي محدش يتخيلها. حاولي تركزي على اللي تقدري عليه دلوقتي: راجعي القواعد بطريقة مبسطة، حلي أسئلة قليلة لكن منتظمة عشان تثبتي المعلومة، وكل ما تحسي بالإرهاق خدي فترة قصيرة للراحة ثم ارجعي. وادعي كتير، خاصة قبل النوم، وقولي "اللهم لا سهل إلا ما جعلته سهلاً"، ده هيطمن قلبكِ. متقلقيش، أنا مش ملّيت ولا هاملّ، وأنتِ زي أختي، وهفضل أدعي لكِ لحد ما تخلّصي الامتحانات وتفرحي. ربنا يوفقكِ ويحبكِ ويجعلكِ من الناجحين، ولو عايزة تتكلمي أكتر أو تحتاجي نصيحة عملية في المذاكرة قوليلي. ❤️
تم النشر الجمعة، ٢٦ يونيو ٢٠٢٦
يارب يارب يارب 🫂
تم النشر السبت، ٢٧ يونيو ٢٠٢٦
ربنا يوفقكم يا رب و يكرمكم و يراضيكم و يسهل لكم كل صعب 🤍
تم النشر السبت، ٢٧ يونيو ٢٠٢٦
لعرض السؤال في فدني اضغط هنا