انا نشأت في بيت والدي فيه مش بيحب والدتي ابدا و كان على طول خلافات و حرام هي غلبانة جدا وطيبة بس هو شخصية متسلطة وبيكرهها وبيتللكلها ع كل حاجه ومازال لحد الآن رغم انهم كبروا وعدوا الستين سنة بس هو بيظلمها رغم انه حنين معانا كعياله و مع أي حد غريب ولا اي ست تلاقيه حنين معاها بس قصدي يعني مرات عمي او كده لكن مش بمعنى غلط الا امي ميتعاطفش معاها لو عملت إيه
من زمان وهو مسببلي رعب وخوف انه ينفصلوا واتربيت ع كده بس خلاص أنا تعبت مبقتش قادرة استحمل بقيت شخصية قلوقة جدا وبخاف من الهوا جوو البيت خلاص والله ماقادرة استحمل اي ضغط ولا اي كلمة ولا اي خلاف مهما كان بسيط يمكن اوقات بكبر الموضوع بس غصب عني انا بحبهم هما الاتنين ومقدرش استغنى عنهم وهو مش هعرف اتكلم معاه لأنه بيشوفني جاية في صفها فمش بيحب يسمع وانا معنديش طاقة اتكلم
اعمل إيه انا مش عارفه مفروض اعمل ايه
السلام عليكم، عارفة الموضوع صعب عليكِ بس حاولي تفصلي نفسك عن علاقتهم، أنتِ بنتهم هم الاثنين وده شيء مش هيتغير لكن علاقتهم ببعض تخصهم وأنتِ مش مسؤولة تضعي ضغط إضافي على نفسك بمحاولة تغيير شيء خارج عن إرادتك. لو مش هتقدري على الأقل تتكلمي مع والدك وتعرفي منه أسبابه وتوفقي بينهم خلاص لا تهلكي نفسك ما بينهم. أنتِ أولا مش شايفة الصورة الكاملة. ثانيا، دي حياتهم واختياراتهم وواقعهم هو نتيجة الاختيار، واللي ارتضوا يتقبلوه ويستمروا عليه رغم الوضع اللي أنتِ شايفاه. *** دورك تحمي نفسك من تأثير اختيارهم على حياتك أنتِ وده هيكون سهل لما تتفهمي إنك مش مسؤولة عن اختيارات حد ولا نتائجها ولا مسؤولة عن إصلاحها. اهتمي بنفسك الأول وركزي على حياتك، خصصي مكان ووقت لكِ أنتِ بس وروّحي عن نفسك ومارسي هوايات تفرغي فيها أي ضغوط وتراكمات. صلحي من نفسيتك وأفكارك ومخاوفك، لأن أوقات كتير لو الأفكار دي فضلت مرافقة الإنسان بيقع في نفس اللي خايف منه وبيجذب أشخاص وبيئة نسخة من البيئة اللي عايش فيها فصلحي أفكارك ومشاعرك عشان تتجنبي إنك تكوني نسخة منهم في المستقبل. *** ولا توقفي دعاء حتى لو شايفة إن الاستجابة تأخرت، أحيانا استجابة الدعاء بتكون بطرق تانية فيها الخير أكتر ومش شرط تكون بالصورة الوحيدة اللي احنا عاوزينها. ويا ريت تشغلي سورة البقرة في البيت يوميا والأفضل برضه تداومي على قراءتها بنفسك كل يوم وإن شاء الله ربنا يصلح لك الأحوال.💚💚
تم النشر الأحد، ٦ سبتمبر ٢٠٢٦
بصي ي حبيبتي اولا لازم تفرقي بين انك فرد من العيله وبين انك طرف تالت ف علاقه باباكي ومامتك مينفعش تعيشي نفسك ف صراع تام لمجرد انك بنتهم يمكن الموضوع اكبر من كدا يمكن باباكي لي نظره مختلفه او يمكن اتجبر او يمكن حجات كتير ومش ببرر بس دا واقع وبطلي تخافي من مستقبل مجهول منعرفش هيجي علينا ولا لا اصلا لو حاولتي تعملي كل اللي عليكي وتحلي بينهم ومعرفتيش يبقي خلاص اللي متغيرش فكل السنين دي مش هيتغير ف يوم وليله دلوقتي... حاولي كمان مره مع باباكي بهدوء افهمي لي بيعمل كدا منغير تحيز ومتاخديش صف حد لاني قلتلك انتي مش طرف تالت انتي بنتهم وبتحبيهم هما الاتنين ايا كان مين الغلطان وربنا معاكي ي جميله
تم النشر الأحد، ٦ سبتمبر ٢٠٢٦
أفهم تمامًا مدى الإرهاق والألم اللي بتعيشيه، خاصة إنك نشأتِ في بيئة مليانة توتر وخوف من الصغر، وده طبيعي يخلّيكِ تشعري بالقلق الشديد حتى من أبسط الخلافات. مشاعركِ تجاه والديكِ الاتنين مش غلط، وإنكِ بتحبيهم ومش قادرة تستغني عنهم ده دليل على قلبكِ الطيب، لكن في نفس الوقت لازم تحمي نفسكِ من الضغط اللي بيأثر عليكِ. ركزي على اللي تقدري تتحكمي فيه، وهو ردود أفعالكِ وصحتكِ النفسية. حاولي تخلقي مسافة شخصية صغيرة داخل البيت، زي تخصيص وقت لنفسكِ في غرفتكِ أو ممارسة هواية بتحبيها بعيدًا عن الجو العائلي، عشان ما تتراكم الضغوط. كمان، لما تحسي إن الموضوع بيتصاعد، ابتعدي بهدوء عن النقاشات اللي بتاخدكِ في صف أحد الطرفين، واستخدمي عبارات محايدة زي "أنا بحبكم الاتنين ومش عايزة أشوفكم متضايقين" لو اضطريتِ تتكلمي، لكن بدون محاولة إصلاح علاقتهم لأن ده مش مسؤوليتكِ. من الناحية الإسلامية، الدعاء للوالدين والصبر عليهم من أكبر الأعمال، فادعي لهم بالهداية والرحمة، واستمري في برّهم بطريقة متوازنة دون أن تؤذي نفسكِ. في الوقت نفسه، ابدئي تبني استقلالكِ تدريجيًا من خلال التركيز على أهدافكِ الشخصية زي الدراسة أو العمل، عشان يكون عندكِ مساحة أمان خارج الضغط ده. لو لقيتِ أسئلة مشابهة على فدني، ابحثي عنها عشان تشوفي تجارب أخرى قد تساعدكِ في التعامل مع الموقف. أنتِ مش لوحدكِ في الشعور ده، وخطوات صغيرة زي دي هتساعدكِ تسترجعي طاقتكِ مع الوقت.
تم النشر الجمعة، ٤ سبتمبر ٢٠٢٦
يبتي امك ووالدك محدش يعرف أي بينهم فمتشغليش بالك انتي ادعي كد م تقدري وربنا يفرج كربك
تم النشر الاثنين، ٧ سبتمبر ٢٠٢٦
روحي عند اخصائي نفسي
تم النشر الاثنين، ٧ سبتمبر ٢٠٢٦
بصي امك تعودت ع دا خلي بالك ولو سالتيها هتقلك هو طبعه من بدري كدا هما مع بعض انا عارفة غصب عنك بتزعلي بس اكلمي معاه قولي ليه انا عارفه انكم ع الوضع دا من بدري بس انا نفسيتي بتتعب لما اشوفكم كدا طب اعمل اي فهميه انك مش صفها وحاولي تظهري انك زعلانه ونفسيتك مش احسن شي وابوكي طالما حنين معاكي هيجي هسالك وقتها قوليلو بقي براحه فهميه وهو خلي بالك طبعه مش هتتغير يعني عشان اقلك هتتغير والله لو حتي بعد ٢٠سنه مش هتتغير ف حطي ببالك كدا بس يمكن لما يشوفك انتي واخواتك زعلانين لعل وعسي يهدي شويه وامك تحاول متردش عليه بردك أو تجادل معاه عشان دا بزيد فاهمه وتزعليش واقرئي سورة البقرة كل يوم وادعي كد ماتقدري والله المستعان
تم النشر الأحد، ٦ سبتمبر ٢٠٢٦
عندك حق هحاول اعمل كده شكرا بجد على ردك وكلامك ده♥️
تم النشر الأحد، ٦ سبتمبر ٢٠٢٦
للأسف ده من زمان مفيش مودة بينهم وخصوصا من ناحية والدي وكنت فاكرة ان لما يكبروا في السن يوصلوا للسن ده خلاص ده كله هيخلص اتضح أنه لا متغيرش حاجة بالعكس اوماال انا تعبت ليه لأني مش لاقية اي طريق بحس كل م احاول في طريق الاقيه مقفول مش معايا غير الدعاء هعمل ايه و سألت هنا عشان لو حد عنده اي حل او حيلة حتى اي حاجة تخليني عايشة من غير توتر وافرح لما الاقيهم كويسين سوا بش محدش بياخد غير نصيبه فالحمد لله
تم النشر السبت، ٥ سبتمبر ٢٠٢٦
يارب ربنا يصلح بينهم وربنا يصلح حال جميع البيوت
تم النشر الاثنين، ٧ سبتمبر ٢٠٢٦
بفكر اعمل كده فعلا
تم النشر الاثنين، ٧ سبتمبر ٢٠٢٦
امي مش بترد عليه خالص بالعكس بتحاول تفتح معاه كلام وتكلمه وهو لا مش بيتقبلها واوقات لما اشرحله موقف الاقيه حس ان في صفها فيقلب عليا ويقفل كلام مش عارفه اديني بحاول ادعيلي بجد وشكرا على ردك
تم النشر الأحد، ٦ سبتمبر ٢٠٢٦
ممكن تشوفي هو ليه بيعاملها كدة أو تدخلي حد من اخوات والدك ممكن يساعد جداً
تم النشر السبت، ٥ سبتمبر ٢٠٢٦
مينفعش خالص ومقدرش استغنى عن اي حد ولا اقدر ابعد عن والدي و حتى والدتي رغم كل ده مش بتستحمل عليه اي حاجة فالحل ده عمره م هيريحني بالعكس انا مش عارفه اعمل ايو لأني مقيدة بحاجات كتير اوي و مش عارفه الاقي ليها حل
تم النشر السبت، ٥ سبتمبر ٢٠٢٦
إحساسك ده لو و هما مع بعض اريح ليكي نفسياً لكن مشكلة والدك مع مامتك نفسها وهي أكيد تعبت من الوضع ده دول ناس بقالهم عمر مع بعض يعني لو كان في أمل كان حصل من زمان حاولي تساعدي مامتك إنها تبعد عنه حتى لو مش بالطلاق تفضل معاكي لو عايشة لوحدك أو مع حد من اخواتك كفاية أوي عليها إللي عاشته طول عمرها ، عن تجربة و الطرفين اتحسنوا جداً مع بعض لما بعدوا
تم النشر السبت، ٥ سبتمبر ٢٠٢٦
ياريت اللي مر بتجربة كده يفيدني
تم النشر الجمعة، ٤ سبتمبر ٢٠٢٦
لعرض السؤال في فدني اضغط هنا