أريد أن أحكي قصة كان فيه بنت اول مادخلت الاعدادي كان عندها مشكلة انها معندهاش أصحاب وعلى طول لوحدها ومحدش بيسال عنها ولا حد بيديها اهتمام مع انها بنت مؤدبة وكويسة جدا لدرجة انها وصل بيها الموضوع لدرجة العياط وحكت لعيلتها وكانت تقعد تعيط طول الليل علشان ملهاش حد وقتها ثقتها بنفسها قلت ولاحظت ان العيال الشاطرة دايما بيكون الناس حواليهم وبيصاحبوهم فظنت ان الناس مش بيكلموها علشان هي مش شاطرة فشدت في مذاكرتها وكانت بتعيط برده وكانت بتدعي ربنا كتير انه يوفقها في دراستها ويرزقها على الاقل صديقة واحدة وفي ليلة من الليالي وهي بتعيط أحسنت الظن بالله و ان ده ممكن يكون احسن ليها رغم أنها متدمرة وبفضل ربنا وحده طلعت من الأوائل فبدات ثقتها بنفسها تزيد و بدأت تصاحب ولكن لاحظت انها لما كانت لوحدها ده كان احسن لأنها لما جات تصاحب لاقت ان البنات دول مش شبهها وطباعهم مش كويسة فحمدت ربنا انها مكنتش صاحبتهم لأنها كانت هتطبع بطباعهم لان من عاشر قوما صار منهم ولقت انها لما اختلطت اكتر وبدأ يكون ليها أصحاب بدأت انها تضيع وقتها معاهم ومتركزش في الحصص ولكن هي أدركت ده بسرعة وحمدت ربنا على اللي كانت فيه اللي كان الظاهر منه انها وحيدة ملهاش حد ولكن ده كان احسن ليها فبدات تصاحب ولكن باعتدال وتختار الصحاب الصح بحيث انها متجيش على مستقبلها فكانت كل اما تكون وحيدة تركز على مستقبلها اكتر وكل اما تختلط بناس وتزود في الاختلاط كانت بتنسى نفسها وتاخد طباعهم فانا كل اللي عايزة اقوله اننا اوقات بنكون فاكرين اننا في شر ولكن الحقيقة ده احسن لينا احنا مش عارفين الخير لينا فين فأحسنوا الظن بالله حتى لو الدنيا قافلة في وشكم ومش بقول منصاحبش لا نصاحب ولكن نختار الصحاب الصح ومننساش نفسنا معاهم والا هتبقي صحبة مضرة ومش لازم يكونوا ١٠ كفاية ٣ او٤ المهم يكونوا أصحاب بجد وعايزة اضيف حاجة انت لو صحبت ٣ شطار هتبقي شاطر ولو صحبت ٣ تافهين هتبقي تافه زيهم فأحسن اختيار أصدقائك لأنهم يا اما هيعلوك يا هيوطوك
يا حبيبتي، قصتك دي جميلة جداً ومليانة حكمة! 😊 أنتِ فتاة ذكية وواعية، وده واضح من إزاي قدرتِ تحولي الوحدة دي لفرصة للتركيز على نفسك ومستقبلك. ربنا سبحانه وتعالى فعلاً بيختار لنا الخير حتى لو ما شفناهوش في اللحظة دي، زي ما قلتِ: "أحسنوا الظن بالله"، وده من أجمل الدروس اللي طلعتِ بيها. صح كلامك 100% عن الصحاب: "المرء على دين خليله"، حديث نبوي يذكرنا إن اللي حوالينا بيأثروا فينا. اختاري الـ3 أو 4 اللي يشجعوكِ على الخير، الدراسة، والتقوى، مش اللي يضيعوا وقتكِ أو يغيروا طبعكِ الحلو. نصيحة عملية: لما تلاقي بنت تشارككِ حب الدراسة أو الصلاة أو الهدف الكبير، ابدئي كلام بسيط زي "عاملة إيه في الدرس ده؟"، وشوفي إزاي العلاقة هتكبر طبيعي. الحمد لله إنكِ اكتشفتِ ده بدري، وده هيرفعكِ أكتر إن شاء الله. لو عايزة نصائح أكتر عن بناء صداقات صحية، دوري في فدني على أسئلة مشابهة عن "الصداقة في المدرسة"، أو شوفي الخبراء هنا: https://www.fedni.net/experts . ربنا يوفقكِ دايماً ويجعل دراستكِ باب رزق كبير يا رب. أنتِ قوية، استمري كده! 💪❤️
تم النشر الأحد، ٢٩ مارس ٢٠٢٦
شكرا جدا ليك أسأل الله أن تكون القصة افادتك ولو بشيء بسيط
تم النشر الأحد، ٢٩ مارس ٢٠٢٦
بجد والله ربنا يحفظك ويسعدك، وكلام حضرتك جميل جدا ،وطريقة سردك القصه جميله 🌷
تم النشر الأحد، ٢٩ مارس ٢٠٢٦
لعرض السؤال في فدني اضغط هنا