مساء الخير
انا عندي مشكله وبجد محتاجه حل ليها انا جوزى غريب اووي ف تصرفه وتفكيره اما يجيي يتكلم مع حد او معايا في موضوع يفتح مواضيع ويدخل كلو في بعضه وبيقول كلام اوقات مش فاهمه وغير كده مش بيشيل مسىؤليه معايا في البيت من ناحيه هو يساعدني
والمشكله في الخطوبة كان كويس معايا ومكنش بيحصل مشاكل بينا كده كتير انا بقالي 4 شهور متجوزة وف مشاكل بينا.... المشكلة انا بحبه ومش عاوزة اكرهه من كتر مشاكل احنا فيها....
فياريت حد يفيدني اتعامل معاه ازي
السلام عليكم ورحمه الله وبركاته. يعني انت بس بتذكري ان في وقت الخطوبه كان كويس معاكي وما كانش فيه مشاكل هو ممكن تكون شخصيته شخصيه بسيطه طيب جدا ما عندوش حاجات بيوقف عليها اصلا فلذلك مفيش مشاكل يعني أنت بدأتي تشوفي تعاملات ومع الاخرين وهي دي اللي انت لاحظت فيها الحاجات الغريبه التعاملات الاخرى ممكن تكون اصعب من تعاملك انت معاه يعني انتوا تعاملكم الحمد لله بسيط يعني مش بتقفوا على حاجات كبيره فلذلك الدنيا جميله لكن اول ما الموضوع بيخرج للاخرين وارد جدا يكون طبيعه شخصيته الطيبه قوي او الهاديه قوي او البسيطه قوي هو بيحس نفسه قدام الاخرين ما عندهوش حاجه يقولها فلذلك ممكن تلاقيه بيقول اي كلام ملهوش علاقه بالموضوع او يقول كلام غير مفهوم. ده احتمال في احتمال ثاني ان هو يكونعنده ازمات نفسيه وحاجات ان وهو صغير متعلقه بتعاملاته الاجتماعيه او تعاملاتهم على الاخرين ما عندوش ثقه في نفسه كافيه مثلا بسببها فلذلك بيتوتر داخليا كل اما يكون قاعد في وسط تجمعات او حتى يكون قاعد ما بين شخص او شخصين وفي مفتوح ونقاش وهكذا ممكن يكون في عنده مواقف هو متأزم او بتعقد منها ممكن يكون احتمال ثالث ولا اي حاجه من دول وفي حد كان ذكرها في الاجابه ممكن يكون في عنده ضغوط داخليه لها علاقه مثلا بالمسؤوليات لها علاقه بديون مثلا الحاجات دي ممكن يكون هو قاعد بيفكر فيها طول الوقت ولذلك ما بيكونش عنده قدر من التركيز يعمل به حوار مع اي حد. فلما بيحاول يركز ويتحاور مع اي حد الافكار اللي عنده بتكون مسيطره بشكل كبير فهو ما بيعرفش هو بيقول ايه من كتر زحمه الافكار اللي في دماغه فانت ضروري تتكلمي مع جوزك عموما في الحياه وفي الحاجات القديمه وتتكلموا تتكلموا بشكل دردشه كثير عشان تعرفي هو ايه الحاجات اللي بتضايقه وايه الحاجات اللي كانت مضايقه قبل كده الحاجات اللي حصلت معاه وبتوتره الاشخاص اللي بيحب يقعد معاهم الاشخاص اللي ما بيحبش يقعد معاهم الاسباب لو حسيتي ان هو مش قادر يجاوبك على الاسئله دي او مش قادر يتكلم عنها يبقى هنا هو ممكن يكون محتاج مختص وشخص يقعد معاه يكون تخصصه دعم نفسي ايا كان بقى والله طبيب نفسي اخصائي نفسي الموضوع في البدايه هيحتاج اي حد يكون دعم نفسي يتكلم معاه عشان يقدر يحدد هو الموضوع رايح في انهي اتجاه واقرب حل ليه ايه.
تم النشر الأحد، ٢١ سبتمبر ٢٠٢٥
الأمور في أول الزواج بتكون صعبة شوية طباع مختلفة وعادات مختلفه استحملوا بعض علي ما تاخدوا علي بعض اتكلموا مع بعض في الحاجات اللي بتضايقكم قوموا بعض ودورك كبير في تحسين تفكيرة وطريقة في الكلام بس خليكي زكية في التعامل علشان متعمليش حساسيه بينك وبين زوجك ربنا يسعدكم
تم النشر الجمعة، ١٩ سبتمبر ٢٠٢٥
مساء الخير عزيزتي، أولاً أحب أشكرك على صراحتك ومشاركتك لمشكلتك، وهذا بحد ذاته خطوة مهمة جدًا في طريق الحل. من كلامك، يبدو أن زوجك يعاني من بعض السلوكيات المختلفة مثل الحديث بطريقة غير واضحة أو مزج المواضيع معًا، وأيضًا عدم تحمّله لمسؤوليته في البيت كما كنت تتمنين، وهذا يسبب توتر ومشاكل بينكما رغم حبك له. إليك بعض النقاط التي قد تساعدك في التعامل معه بشكل أفضل: الهدوء والتواصل الواضح: حاولي في أوقات هادئة أن تتحدثي معه بحب وهدوء. فبدلاً من الدخول في جدال أو لوم، يمكن تقولين له كيف تشعرين تجاه تصرفاته وتأثير ذلك عليك. اطلبي منه بأن يحاول أن ينظّم حديثه حتى تفهمي جيدًا ما يريد قوله. تقسيم المواضيع: لو كان يميل إلى الخلط بين موضوعات كثيرة في نفس الوقت، يمكن تساعديه بأن تذكريه بالتركيز على نقطة أو موضوع واحد في كل مرة حتى لا يحدث لبس. تحديد المسؤوليات: في البيت، حاولي أن تتحدثا سويًا عن تقسيم المسؤوليات بشكل واضح. ربما هو لا يعلم تمامًا ما تحتاجينه منه، أو يشعر بالإرهاق لكنه لا يعبر بوضوح، فهذا التفاهم ضروري. تذكري فترة الخطوبة: ذكرتِ أنه كان مختلف معك في فترة الخطوبة، فحاولي استعادة تلك اللحظات الجميلة من خلال التذكير باللحظات الطيبة أو القيام بأنشطة مشتركة تحفز التواصل الإيجابي بينكما. الصبر والاحتواء: الزواج هو رحلة تعلم مستمرة، خصوصًا في الشهور الأولى. حاولي أن تتحلّي بالصبر وابتعدي عن التفكير السلبي المتوقع، وامنحيه فرصة للتغيير والتمكين من التكيف مع الحياة الزوجية. مساعدة مختصة إذا لزم الأمر: إذا كانت المشاكل مستمرة وتشعرين أن الحوار بينكما غير كافٍ، قد يكون من المفيد استشارة خبير أو استشارة زوجية تساعدكما على تحسين التفاهم. أنا هنا دائمًا لأي دعم تحتاجينه، ولا تترددي في طرح أي أسئلة أو مشاركة تفاصيل أكثر إذا أحببتِ. وأيضًا أنصحكِ بتصفح قسم "الخبراء" في تطبيق فدني حيث يوجد متخصصون في العلاقات الزوجية يمكنهم تقديم استشارات مفيدة لك. ربنا يرزقك بالسعادة والاستقرار ويفكّ كل همّ، وأنتِ قوية وقادرة على تجاوز هذه المرحلة بخطوات هادئة ومحبة. ذكية معك دومًا. 🌷
تم النشر الجمعة، ١٩ سبتمبر ٢٠٢٥
ساعات تحبي تتكلمي معاه اختاري موضوع خاص بيكم لا تدخلي فيه حد من العيلة ولا تقارني بيه حد بغيرك ولا تحسسيه أنه مش قد المسئوولية ولكن نقاش هادئ بعقل صافي حتي لو هو أنكر وحاول يعمل مشكلة متفعليش معاه وسيبه وخليها يساعدك في الحاجة الالي تقدري عليها كاحساس بالمسئولية واتعملي معها بلطف وسعة صدر واصبري ولو حابة يجيب حاجات وزعيها علي الشهر كله عشان يتعود وانتي تكوني اتاقلمتي معه وربنا يصلح الكل
تم النشر الاثنين، ٢٢ سبتمبر ٢٠٢٥
اوعي تكوني بتصرفي و لا بتحطي جنيه في البيت يا فوزية 🙈
تم النشر الأحد، ٢١ سبتمبر ٢٠٢٥
قربي منو حولي تعرفي اللي جواه
تم النشر السبت، ٢٠ سبتمبر ٢٠٢٥
… بيدخل الموضيع كلها في بعضها عشان مش عارف يفصل كلامو او تصرفاته عن الدوشه اللي بتحصل جواه … هو مضغوط داخليا بس اللي لازم تكوني واخده بالك منو ان دي فتره مش دايمه
تم النشر الجمعة، ١٩ سبتمبر ٢٠٢٥
اظن الامر ناتج عن ضعط ما .. ربما الامر محتاج الى جلسه معة لمعرفة اسباب الامر
تم النشر الاثنين، ٢٢ سبتمبر ٢٠٢٥
لعرض السؤال في فدني اضغط هنا