انا فى بداية سنة خامسة تجارى و الحقيقة أن علشان اوصل للحظة دى بعد وفاة بابا من سنة و معاناتى اللى فى التفكير المفرط اللى زادت وبالصدفة قابلت فيديو واحد جايب 97% من دبلوم فنى و لقيته مدخلش اللى عايزه و كل الكومنتات جايبة فوق ٩٠٪ و مع ذلك بيقولوا مدخلوش تجارة ولا أمنيتهم
و ده كان اوحش احساس و حسيت انى تعبت و اتخنقت و خفت انا دخلت فنى علشان ابعد عن ظلم ثانوى و دخلت و خدت الصدمة بعد الفيديو انا كنت متخيلة أن اللى يعدى ٨٥٪ خلاص هيدخل جامعة بدون معادلة و هيبقى فى الأمان و انا اول يوم مذاكرة النهاردة و بعد الحماس و التحدى من امبارح قلبى وجعنى و مخنوقه
هلاقيها من الفقد ولا الرعب اللى فى قلبى من السنة دى ولا التفكير ( مع العلم بصلى و اصوم و اسبح و كده) و معلش لو حد يفيدنى انا ليا عدد اسئلة هنا معين ولا ايه و ازاى اكتره و اللى يفيدنى ربنا يباركله فى نفسه و حياته
بصي المهم ف الموضوع انك تذاكري وتعملي كل الا عليكي والباقي ع ربنا حتى لو مجبتيش المجموع الا بتحلمي بيه فاكره انك بعد التعب دا كلو ربنا مش هيراضيكي لا طبعا دا هيرضيكي هيوفقك ف حاجه تانيه كل الا عليكي انك تركزي على هدفك وعلى نفسك وسيبك من التشتتات وكلام الناس طول مانتي بتحاولي وتتعبي ربنا هيديكي على قد تعبك وربنا يوفقك.
تم النشر الأربعاء، ١٧ سبتمبر ٢٠٢٥
السلام عليكم، أولًا ربنا يرحم والدك ويصبرك على فراقه. بالنسبة للتفكير المفرط والخوف، هتلاقي هنا أسئلة كتير مشابهة وفيها نصائح من الخبراء هتفيدك بإذن الله. بخصوص دراستك والإحباط اللي بتمري به دلوقتي بعد ما شفتِ الفيديو والتعليقات عليه، فحابة أنصحك، إنك تعتبري نفسك مشفتيش حاجة خالص، انسي أي حاجة سمعتِها أو قرأتِها. التفكير والخوف مش هيفيدوك بحاجة وهيقيدوك مش أكتر وإذا كان فيه احتمال إنك تحققي اللي عاوزاه فأنتِ هتضيعي بنفسك. كل اللي مطلوب منك دلوقتي، سواء كنتِ ثانوي عام أو فني أو أي دراسة إنك تعملي اللي عليكِ وتذاكري باجتهاد. هتقولي ما هم اجتهدوا وتعبهم راح على الفاضي، وده التفكير الغلط. الشيء الثابت الوحيد واللي المفروض تؤمني به إن ربنا مش بيضيع تعب واجتهاد حد... ما دام تعبتِ واجتهدتِ فاعرفي يقينًا إن ربنا مش هيضيعه. اللي الناس بتبقى فاكراه إنها لو مدخلتش الكلية الفلانية يبقى كده تعبها راح وربنا ظلمها والعياذ بالله، لكن احنا منعرفش إن ربنا كاتب الخير الكبير في حاجة تانية احنا مش شايفينها دلوقتي. اعملي اللي عليكِ ومتركزيش مع أي أفكار سلبية، اجتهدي وانتِ موقنة تمامًا إن ربنا هيعوض تعبك واجتهادك ويوجهك للطريق اللي فيه الخير لكِ. أنتِ مش معك مفاتيح الغيب ولا شايفة بكرة فيه إيه، مين عارف، ممكن السنة دي تكون عكس كلامهم خالص، ممكن جدًا تدخلي الكلية اللي بتحلمي بها وممكن ربنا يختار لك الأفضل. استعيني بالله وتوكلي عليه وإن شاء الله خير. ************ بالنسبة لتنزيل الأسئلة، فأنتِ مسموح لك تنزلي أي عدد من الأسئلة بس بشرط إن قبل كل سؤال تكوني مشاركة بإجابة مفيدة على أسئلة تانية (إجابات وليس تعليقات) طبعًا إذا بتتفاعلي كتير وبتساهمي بإجابات كتيرة ده هيزود إمكانية طرحك للأسئلة. ** بالتوفيق إن شاء الله.
تم النشر الأربعاء، ١٧ سبتمبر ٢٠٢٥
أهلاً بكِ يا عزيزتي، أنا ذكية معك هنا، وأول شيء أحب أقولك عليه هو تقديري الكبير لقوتك وصبرك، خاصةً مع فقدان والدك والظروف الصعبة اللي مرّيتِ بها. مش سهل أبدًا تستمري وتكافحي مع كل هذه الضغوط، وأنتِ بالفعل قوية لأنك مازلتِ واقفة بتحدي رغم كل شيء. تعالي نحلل الموقف مع بعض خطوة بخطوة، وأتمنى أقدر أساعدك تخرجي من دائرة التفكير المفرط والضغط اللي بتحسيه. 1. التفكير المفرط والضغط النفسي التفكير المفرط عادة بيزيد من القلق ويشعركِ بالاحتقان. عشان تساعدي نفسك: حاولي تقسمي المشكلة الكبيرة (مثل مستقبل الدراسة أو اختيار التخصص) لمشاكل صغيرة وممكن تداركها وحدة بوحدة. سجلي في دفتر مثلا: "إيه الخطوة البسيطة اللي ممكن أعملها دلوقتي؟" خدي وقت لنفسك كل يوم تفصليه، حتى لو 10-15 دقيقة، تخرجي فيها الطاقة السلبية، ممكن تمشي شوية أو تكتبي أو تعملي حاجة بتحبيها. 2. ندم على اختيار الدبلوم الفني شعور الندم طبيعي لما تتخيلي نفسك في مكان آخر، أو لما تلاحظي ناس تانية حققت ما تمنيتيه بسهولة. لكن الدنيا كثيرة الفرص، والدبلوم الفني له مجالاته وفرصه، وبعض الناس اللي ما دخلتش الجامعة اللي حلموا بيها فعلًا نجحوا في مجالات ثانية أو طوروا مهاراتهم بشكل مختلف. يمكن تفكري: "إيه المهارات أو الخبرات اللي أنا اكتسبتها في الدبلوم، وإزاي استغلها لتحقيق حلمي الجامعي أو حتى مجال عملي بعدين؟" 3. حلم الجامعة بعد الدبلوم الفني الآن في قنوات عديدة تمكنكِ من دخول الجامعة بعد الدبلوم الفني: ممكن تقدمي على معادلة أو تنسيق خاص في الجامعات، وكل سنة هناك فرص لأنها بتتغير حسب النظام التعليمي. اسألي في المدرسة أو الجامعة عن هذه الفرص، وابحثي عن شروط التقديم للعام الدراسي الحالي. لا تيأسي، وفكري في التخصصات اللي ممكن تدخلينها حتى لو مش بالضبط اللي حلمتي بيه، وابدئي منها حتى توصلّي لتخصص أقرب لحلمك. 4. كيف تبدأي من جديد بنفس متجددة؟ من اليوم وإنتِ بدأتِ مذاكرة ومثابرة، ده نجاح بحد ذاته، حاولي تحتفظي بالإيجابية دي. لو شعرتِ بالضيق أو القلق، سجلي مشاعرك، وحاولي تدعي ربنا كثيرًا، لأن الدعاء أداة للطمأنينة والراحة. ركزي على الحاضر، وما تضغطيش على نفسك بكثرة التفكير في المستقبل، تقدمي خطوة خطوة. خلاصة ودعم أخير: ضعي هدف صغير يومي للمذاكرة وحاولي تحقيقه. لا تقارني نفسك بالآخرين كثيرًا، لأن كل حد طريقه مختلف. تذكري: ربنا مع الصابرين، وأنتِ عندك إيمان وهمة، وده بداية عظيمة. لو حبيتي، ممكن أساعدك نضع خطة مذاكرة مناسبة ونراجعها معًا، أو إذا حابة تطرحي أسئلة أخرى. أنتِ مش لوحدك، وأنا هنا لأساعدك دائمًا. أتمنى لكِ كل التوفيق والراحة النفسية، وربنا يعينك ويرزقك النجاح والفرحة قريباً! 🌸🤲 هل تحبي أن أساعدكِ في تنظيم وقت المذاكرة أو اختيار التخصص الجامعي لاحقًا؟
تم النشر الأربعاء، ١٧ سبتمبر ٢٠٢٥
لعرض السؤال في فدني اضغط هنا