أنا بنت من الأرياف وحرفيًا عمري ما شوفت يوم زين فيها، نكد وعادات وتقاليد وأب وأم كل همهم الناس والقيل والقال!!
حياة مملة روتينة، متعبة مملة
أنا نفسي أغير من نفسي ومن حياتي،
بس بأي حاجة موجودة في البيت عشان غير مسموح بخروجي من البيت
إزاي أطور من نفسي
بدأت حاجات كتير معرفتش ألتزم
أكتر حاجة مزعلاني العمر ال بيعدي والسجن ال أنا موجودة فيه
في النهاية أنا إنسانة عندي أحلام نفسي احققها 💔💔
السلام عليكم، أنا متفهمة إن البيئة بتفرق وبتؤثر لكن برأيي تطوير الذات مش محتاج خروج من البيت. ناس كتير عايشة في نفس الظروف وناس تانية طبيعتها انطوائية جدا ومش بيحبوا يخرجوا أو يتفاعلوا مع الناس ومع ذلك بيلاقوا الطريق لتطوير نفسهم وتغيير ظروف حياتهم. ** فكري في الأدوات المتاحة بالنسبة لك حاليا واستغليها. وبلاش جلد ذات بسبب إنك بتبدئي حاجات ومش بتلتزمي لأن ده بيحصل مع كتير مننا، سواء بقى ملل او تسويف أو النفس مش مدربة كفاية على الاستمرارية والالتزام لكن بيحصل ومفهوم وتحويله لعقدة أو جلد ذات بيزود المشكلة مش بيحلها. *** لو بتبدئي حاجات كتيرة في نفس الوقت أو بتضعي أهداف كتيرة فغيري ده وقرري تشتغلي على حاجة واحدة (تكون أولوية) تلتزمي بها من ثلاثة لستة أشهر. وامشي خطوات صغيرة أفضل من إنك تبدئي باندفاع وحماس وخطوات كبيرة وبعدين تقفي بسبب ملل أو ضغط أو غيره. *** جربي تمشي بنموذج (عجلة الحياة المتوازنة) هتلاقي له شروحات كتيرة على يوتيوب، وابدئي طوري وصلحي خطوة خطوة. متفكريش إن العمر بيعدي، مش مطلوب منك إنجازات خرافية كل يوم وبلاش مثالية وبحث عن الكمال وترفقي بنفسك. بلاش التفكير السلبي والضيق من البيئة والظروف يخليكِ واقفة مكانك. ابدئي بالمتاح وغيري واحدة واحدة. *** لو بتدرسي أو بتروحي كلية، ممكن تستغلي الأوقات اللي في المواصلات أو بين المحاضرات في إنك تعملي الحاجات اللي متقدريش تعمليها في البيت. يعني مثلا لو بتحبي القراءة وفيه مكتبة قريبة من كليتك، تقدري تعملي اشتراك فيها وتستغلي مثلا الوقت بين المحاضرات أو أي وقت فاضي وتروحيها شوية سواء للقراءة أو لاستعارة الكتب. ده مثال، جربي تطبقيه لو ينفع على الحاجات اللي عاوزاها من برا البيت. **** ما دام عندك إنترنت وأدوات (حتى لو بسيطة) في محيطك استغليها قدر الإمكان وإن شاء الله تقدري تحققي اللي عاوزاه. المهم لا تيأسي من نفسك أو تملي عقلك الباطن بأفكار ومعتقدات سلبية تؤخر النجاح اللي عاوزة تحققيه في حياتك. وبالتوفيق إن شاء الله.💚💚
تم النشر الثلاثاء، ١٥ سبتمبر ٢٠٢٦
أنا فاهمة شعورك تمامًا، ومش هقولك "كل حاجة هتبقى كويسة" بسطحية، لأن اللي بتمرّي بيه صعب فعلاً. أنتِ بنت في بيئة ريفية بتقيّد الحركة والخروج، وعايشة جوا ضغط العادات والقيل والقال، وده بيخلّي الإنسان يحس إنه محبوس وعمره بيضيع. الشعور ده طبيعي، وإنك لسه عندك أحلام رغم كل ده ده دليل على قوتك. عشان تطوري نفسك من جوا البيت، لازم نبدأ بخطوات صغيرة جدًا وواقعية، مش خطط كبيرة بتتعبك وتخلّيكِ تتوقفي. جربي تحددي هدف واحد بس في الأسبوع، زي إنك تقرئي كتاب أو جزء منه كل يوم (حتى لو ١٥ دقيقة)، أو تتعلمي مهارة جديدة من اللي موجودة في البيت زي الخياطة أو الطبخ بطرق جديدة أو حتى تعلمي لغة من خلال التطبيقات على الموبايل لو عندك إنترنت. المهم إنك تكتبي اللي بتتعلميه أو بتحلمي بيه في ورقة، ده بيساعدك تشوفي تقدمك ويحفزك تكملي. من الناحية الروحية، الصلاة والدعاء والقرآن بيمدّوا الإنسان بطاقة وصبر، وده مش هيغير الظروف فجأة لكنه هيغير طريقة تعاملك معاها. كمان، حاولي تستغلي أي وقت فاضي في البيت في تطوير مهارة ممكن تفيدك مستقبلاً، زي الكتابة أو الرسم أو حتى تعلمي أساسيات التسويق لو بتفكري في مشروع صغير من البيت بعدين. الالتزام مش هيجي مرة واحدة، هيجي لما تتقبلي إنك هتفشلي أحيانًا وترجعي تاني بدون ما تلومي نفسك. ابدئي النهاردة بخطوة صغيرة جدًا، ولو عايزة تتكلمي عن أحلامك بالتفصيل أو تحددي أهداف معينة، أنا هنا أساعدك. أنتِ مش لوحدك في الشعور ده، وفيه بنات كتير في ظروف مشابهة بدأوا يغيروا حياتهم من جوا البيت خطوة بخطوة.
تم النشر الثلاثاء، ١٥ سبتمبر ٢٠٢٦
طورى نفسك اونلاين مش لازم خروج . لحد ما يجى الوقت المناسب ف تبقى جاهزة .. سواء شغل او جواز او غيره
تم النشر الثلاثاء، ١٥ سبتمبر ٢٠٢٦
لعرض السؤال في فدني اضغط هنا