ازاي اقنع اهلي اني نفسي ارتبط و احب انا بحب و هما رافضيين نهائي هو جد و محترم و حاطط ف دماغه انه هيخطبني و بعد سنه هنتجوز
يعني من كلامك فهمت إنك عاوزة ترتبطي به سنة وتحبوا بعض وانتم مش مخطوبين رسميا لكن أهلك يبقوا عارفين عادي، صح كده؟ طيب ما يتقدم لك أسهل وساعتها أهلك هيصدقوا إنه فعلا محترم وبيحبك وشاريكِ. ليه تنتظروا سنة لحد ما يتقدم لك وبعدين سنة مثلا كمان خطوبة على ما يجهز نفسه وبعدين تتزوجوا؟ ممكن يتقدم دلوقتي عادي وتبقوا مرتبطين رسميا وتتعرفوا على بعض وتشوفوا هينفع تكملوا سوا ولا لأ وتكون علاقة في النور وبرضا الأهل مع طبعًا الحفاظ على الحدود اللي شرعها ربنا لفترة الخطبة. إذا مش جاهز حاليًا للزواج فملوش لازمة الارتباط.
تم النشر السبت، ٥ يوليو ٢٠٢٥
السلام عليكم ورحمه الله وبركاته انت مش محتاجه تقنعي اهلك مش محتاجه تقنعي اهلك ان هم يوافقوا على علاقه ارتباط يبقى هم كده عايشين حياتهم اه بنتنا مرتبطه وبتحب يعني وفري المجهود ده لانه لا داعي منه انت محتاجه انك تعمليه انك تقنعي الشخص اللي بيقول ان هو بيحبك انه يقصر المده اللي ما بين الوقت الحالي اللي هو بس بيحبك فيه بالكلام وما بين الوقت اللي هو هيثبت فيه حبه ليكي بالأفعال ويتفضل يجي يخبط على باب البيت ايا كانت امكانياته يقول يا اهل البيت يا محترمين يا اللي ربيتوا بنتكم كويس انا جاي عاوز البنت دي وظروفي 1 2 3 وهقدر ان انا يعني اخلص كل ما يتطلبه الزواج في الميعاد الفلاني. هيتشال على الراس هيقدروا قد ايه هو فعلا بيحبك وهيحترموا الحب جدا جدا جدا لكن هم مش مجبرين يقتنعوا بالارتباط اتمنى انك انت اللي تقتنعي بالكلام ده وتفهميه كويس جدا وتعرفي قد ايه هو مصلحتك ما تمشيش ورا إقناع اهلك بحاجه لا هي مش صح تمام.
تم النشر الجمعة، ٤ يوليو ٢٠٢٥
الحب حلال وشئ قلبي رغما عن الإنسان اصلا .. لكن الغلط انه يقودك .. يوديك للحرام أحيانا حيث ان عادي تحب بس مينفعش تكلم او تنظر .. يخدعك أحيانا حيث انك بتحس بالأمان مع الشخص ده ولكن يطلع في الآخر كريه ومصدر بؤس وكان بيتصنع وكانت مصيدة وكان الأمان مجرد مشاعر وهمية لحظية ... فمتخليش الحب يقودك ومتتعلقيش بإسم معين لأنه مش مضمون .. احنا بنحب الشخصية نفسها مع اختلاف الأسماء والأشكال .. فمش لازم هو ده اللي تتزوجيه يمكن اهلك لهم نظرة اكثر عقلانية .. زي ما قلت لك احنا بنحب الشخصية مش الأسم وممكن يكون الحب ده خدعة منه
تم النشر الجمعة، ٤ يوليو ٢٠٢٥
مافيش عندنا في الاسلام حاجة اسمها ارتباط يا ست البنات وبما انه زي ما بتقولي انه جد يبقى يدخل البيت من بابه دلوقتي بدال هو جاهز لكن ارتباط من غير حتى دبلة دي حاجة احنا ما نعرفهاش في الدين بتاعنا فهماني يا ست البنات روحي قوليله انا مش ها اقدر اكمل من غير ما يكون في حاجة تربطنا رسمي وشوفيه ها يقولك اي بس ولعله خير🤍
تم النشر الجمعة، ٤ يوليو ٢٠٢٥
ياحبيبتي انا بقولك اهو صدقيني العلاقات المحرمة دي اخرتها وجع قلب صدقيني انا كنت في علاقة محرمة وطالعة منها خسرانة نفسي وديني وكل صحابي مفيش حاجة كده كل العلاقات المحرمة اخرها هلاك ماتتعبيش نفسك عشان ماترجعيش تندمي في الاخر
تم النشر السبت، ٥ يوليو ٢٠٢٥
الحب قبل الزواج في علاقة محرمة لا يُرضي الله متعصيش ربنا علشانه وكمان مين عارف بيحبك او لا ولو بيحبك بجد تقطعوا العلاقة دي لغاية مايجي يتقدم وتتجوزوا غير كدا ...حافظي على نفسك من أي حد
تم النشر السبت، ٥ يوليو ٢٠٢٥
هناك فرق بين الحب والإعجاب
تم النشر الجمعة، ٤ يوليو ٢٠٢٥
يا قلبي الاسلام لم يذكر عن أي شيء اسمه ارتباط هو الخطوبه وتعد وعدا بالجواز عقد القران وهو كتب الكتاب وتصبحسن حلاله أما الارتباط فهو غير محلل ويوجد فرق واضح بين الحب والارتباط الحب مشرع بيه عادي ولكن لا تعصي الله فيه يعني العلاقه اصلا بدأت بعد رضا ربنا فكرك هتنتهي بايه لما تسببه لله ربنا هيعوضك بيه في الحلال احسن من أنه يعاقبك بيه عشان عصيتيه فيه يا قلبي انتي بنوته ليكي قيمتك والإسلام اعزك والرسول وصي بيكي لا تذهبي كل ذلك وانظري للجانب المظلم حبيه بس خليكي فاكره لا تعصي الله فيه
تم النشر الاثنين، ٧ يوليو ٢٠٢٥
لعرض السؤال في فدني اضغط هنا