هو انا عندي حاليا 15سنة بصوا مش عارفه ابدا منين بس انا من ٣سنين بالظبط عشت أسوأ سنة في حياتي من زعيق وإهانة وضرب من أهلي وبجد بقيت كارهة نفسي اوووي ومش عارفه انا عايشه ليه اصلا
و اهلي علي طول شايفين اني وحشة وغبية ومش بفهم ومش بعرف اشرح ومش عاجبهم اي حاجه في شخصيتي حتى ضحكتي مش عجباهم وبيقولولي غيريها وماما علي طول بتدعي عليا حتى لو الغلط اللي عملته بسيط زي مثلا نسيت أعين الاكل أو نسيت اقفل الباب أو حتى لو مش عاوزة اروح اشتري حاجة تقعد تدعي عليا طول النهار
وانا بصراحه بدأت أحس أني عالة عليهم واني مليش لازمة خصوصا أنها علطول تقول ياريتني مخلفتك وكمان انا مليش اي هواية أو اي حاجه اعملها وعلطول بيضغطوا عيا وبيخلوني اعمل حاجات انا مش عاوزاها حتى لو قلت لا في الاخر هعمل اللي هما عاوزين بردة و المشكلة اني مش بعرف اعبر عن اللي جوايا و قلت لها اكتر من مرة وفي الاخر مستفدتش اي حاجة غير اني طلعت غلطانة في الاخر وان انا اللي نكدية وبجيب الفقر في البيت
و مرة قولت لماما اني عاوزة انتحر قالت لي انتحري وخشي النار وكلام تاني كتير ضايقني وخلاني اعوز انتحر اكتر وكمان قالت لبابا وقعدوا يتريقوا عليا وانا بجد كنت عاوزه انتحر بس مقدرتش علشان جبانة مع أن اخويا لما قالها كده احتوته وقالت لي وقتها أنة مراهق ولازم نحتويه مع أن هو اكبر مني ب3 سنين بس
والمشكلة كمان ان انا بتاثر بسرعه من أي كلمة وبعيط بسرعه ودي اكتر حاجة مضايقاني في نفسي اووووي بس للاسف مش قادره اغيرها جربت اكتر من مرة وفشلت وكمان بقيت عصبية وانا مكنتش كدة حاسة اني اتحولت لحد تاني بس مش عارفه ليه ومش قادرة ولا عارفه ارجع نفسي القديمة
حاسة اني عاوزة اروح لدكتورة نفسية بس للاسف مش هقدر اقولهم كدة فقررت اني لما ادخل الجامعة ابقى اشتغل واروح بس حاليا حاسة اني بقيت اوحش من الاول وحاسة اني داخلة علي اكتئاب ولازم اروح لدكتورة نفسية انصحوني بليز اعمل اية خصوصاً أن مفيش حد احكيله ولا حد حتى قادر يفهمني أو بيحاول حتي وآسفة اني طولت وازعجتكم بكلامي الكتير بس اعتبروني اختكم الصغيرة وانصحوني
ملحوظه انا بحبهم جداااااا وعارفه أنهم بيبقوا مضغوطين وللاسف بيطلعوا عليا كل الضغوطات بتاعتهم بس بردة بحبهم ومتأكدة انهم بيحبوني
يا حبيبتي. عايزه اقول لك حاجه احنا. الام والاب الاول وفي الاخر دول بشر والانسان خطاء طبيعي هم بيخطؤوا والكمال لله وحده هم مش ملايكه واحنا بنضطر نقبل امنا وابونا على عيوبهم واولادنا بيقبلونا على عيوبنا. انت عندك مشكله مع ماما وبابا اولا لازم تباني قويه كلمه ان انت تقولي انا عايزه انتحر وان انا بعيط بسرعه ده غصب عنك انت انسانه مرهفه الحس وبرافو عليك ان انت قدرتي تطلعي اللي جواكي وتعبري عن اللي جواكي وكويس جدا ان انت قررتي ان انت محتاجه مساعده وفعلا انت محتاجه حد يتكلم معاكي وتسمعه ويسمعك ويحتويكي ويقويه ويوصلك تمشي ازاي في طريقك الصح التفت لنفسك واهتمي بنفسك بدروسك اهتمي بشخصيتك ابني شخصيتك قوي نفسك عزيز ثقتك في نفسك اتكلمي مع نفسك وادي لنفسك حافز اعملي لنفسك هدف شوفي ايه هدفك في الحياه ما تستنيش من حد دايما احنا طول ما احنا بننتظر من الاخرين احنا بنصاب باحباط وبنفقد الشغف انت لسه صغيره الحياه لسه. طويله قدامك ما تفقديش الامل و تياسي وتحبطي دلوقتي انا عارفه انها ظروف صعبه بتمر بيها وخصوصا لما يبقى المعامله السيئه تيجي من الام والاب فالموضوع بيبقى صعب ثاني خذي اهلك على عيبهم وتعاملي معاهم من المنطلق دوت وما تنتظريش منهم حاجه وما توريهمش ضعفك وما توريهمش استسلامك بلاش تعيشي دور الضحيه وتنتظري منهم ثاني انا بقول لك اهو قوي نفسك بنفسك انت طريقتك وانت كاتبه كاتبه كلامك دوت فيه قوه وده حاجه لازم تبقى انت فخوره بيها كملي في الطريق دوت اشتغلي على نفسك الجاي لحد محتاجه حاجه ابعتي لي وانا هتواصل معاكي اتكلمي وععبري اكتبي اكتبي كل ما تبقى جواكي مشاعر سلبيه اكتبيها طلعي المشاعر السلبيه دي واقريها بصوت عالي وبعد كده. اوصلي لحل ليها انا اتعرضت للموقف الفلاني وحصل كذا كذا اقريها وبعدين اه فكرتي بقى وانت هاديه مش في نفس الموقف لا خذي وقتك وابعدي افصلي نفسك عن الناس اللي حواليكي واقري الكلام اللي انت كتبتيه واقعدي فكري بقى تتعاملي مع الموقف ده ازاي حتى لو ما تعاملتيش مع الموقف ده دلوقتي بيعلمك عشان مواقف ثانيه قدام الكتابه هتفيدك لان انت كل ما بتقري أفكارك ودماغك بتشتغل بتعرفي ترتبي افكارك
تم النشر الأحد، ٨ يونيو ٢٠٢٥
الوعي بظروفك وصراحتك مع نفسك انك محتاجة تتابعي مع حد دي خطوة كويسة في أماكن كتير بتوفر خدمات نفسية بأسعار رمزية زي مستشفيات الصحة النفسية في المحافظات. والأزهر بيوفر خط ساخن للدعم النفسي 19906
تم النشر الخميس، ٥ يونيو ٢٠٢٥
خدى نصيحه منى الاب و الام واقع فى حياتنا سواء رضينا بكده أو لا واحنا علشان وبيكون اهلنا هما اول حب لينا أو حبهم بالفطرة كده ف بتكون متوقعين أنهم مش بيغلطوا لا عادى اهلنا ناس بتغلط وكمان بيكابروا أحيانا ومبيعترفوش أو مبيشفوش غلطهم ،اول حاجه تعلميها علشان سلامك النفسى انك تعرفني أن طاعتهم واجبه بس متجيش على نفس عرفيهم انك ليكى حدودك و لكى شخصيتك ومميزات وعيوب زى اى حد مفيش مشكلة كده وانتى مش هتكونى تفصيل على مزاجهم انتى لسه صغيره لسه فى مرحلة تكوين نفسك ممكن متكونيش دلوقتي فاهمه نفسك حبى نفسك حتى لو أهلك مش شايفن انك كويسه قربنى من ربنا و أدعى دايما ،طالما مفيش دعم من الأهل انتى تدعمى نفسك اتعلمى حاجات كتير اسمعى محاضرات عن تنظيم الوقت جربى تقرأى كتب ممكن تلاقي شغف فى القراءة ....تقبلى نفسك زى ما انتى ربنا خلقنا كلنا بمميزات وعيوب عادى جدا و مش معنى ان ماما وبابا قالوا انى كذا أنى كده فعلا ممكن بيكونوا بينصحوا بس بطريقه قاسية شويه نصحية منى حاولى تتكلمى معاهم عارفيهم ال مضايقك معرفتش تتكلمى معاهم أو عارفه أن الكلام ممكن ميجبش نتيجة أدعى ربنا أن علاقتك بيهم تتصلح اتمنى اكون ساعدتك والله عندى كلام كتير بس اهم حاجه من ده كله حبى نفسك طورى الحاجات الحلوه ال فيكى والعيوب نحاول نصلحها بس اهم حاجه اعرف الاول ده عيب فيا ولا ده ال الناس شايفه أنه عيب بس كده اتمنى اكون فدتك يا جميلة
تم النشر الخميس، ٥ يونيو ٢٠٢٥
السلام عليكم ورحمه الله وبركاته بصي انا مش هنقيس خالص اي حاجه من اللي انت قلتيها تشوفي اجابتي غريبه شويه فمعلش استحمليني ولكن هي وجهه نظر واتجاه مختلف احنا بنبقى محتاجين نشوفه وخصوصا وانت في السن ده لانه في السن ده بتبقي مركزه مع نفسك اكثر ما انتي بتركزي على حقك بس انت قلتي حته من الموضوع ده كده ايه في اخر السؤال وقلتي انا عارفه ان هم بيحبوني وكل حاجه ولكن دي من العمر وانت قدامهم وبالنسبه لهم كبرتي 15 سنه مش صغيره فانت محتاجه تبقي لك مشاركه واضحه لك مشاركه في البيت ليكي حاجه انت بتقولي ماما خليك انت انا اللي هعملها من النهارده انت بتتعبي ربنا يخليك لينا افتكري انت لما هتعملي الحاجات دي وتبقي بتقدمي كده حاجه حلوه اللي قدامك يوجه لكلام وحش ما اعتقدش ما تفكري شويه في النقطه دي وحوالي ان انت تبصي بيها وهتلاقي ان شاء الله نتيجه مختلفه واحده. بيبقوا مضغوطين وبينفذوا الغضب ده فين خلينا كده نبص على حاجه ثانيه انت بتقدمي لاهلك ماما اللي هي طول الوقت للاسف بتوجه للكلام بيضايقك وحش ويزعلك خليك تعيطي انت بتقدمي ايه لماما بس خلي بالك من حاجه مهمه جدا بتقدمي ايه لماما من غير ما هي تطلب ازاي انت بتركزي مع ماما وتشوفي هي ماما محتاجه ايه وتساعديها فيه او تعمليها لها او تفرحيها او تبسطيها؟ هتبداي مع الحياه تشوفي حاجه مهمه جدا زي ما انا محتاج اخذ من اللي حواليا انا محتاجه انا كمان اديهم فطول الوقت ملاقي نفسي بفكر انا ما اخدتش ليه لازم الاول افكر انا ما اديتش ليه انا ليه ما فكرتش فيهم ليه ما ركزتش معاهم قبل ما اركز مع نفسي احنا محتاجين طول الوقت نبقى شايفين الاثنين ولكن في الم
تم النشر السبت، ٧ يونيو ٢٠٢٥
أختي العزيزة، شكراً لك على ثقتك ومشاركتك هذه المشاعر الصعبة، وأنا هنا لأدعمك وأساندك بكل قلب مفتوح. أنتِ تمرين بتجربة مؤلمة ومعقدة، ومن الطبيعي أنكِ تشعرين بالضياع، الحزن، والقهر أحيانًا، خصوصًا وأنتِ صغيرة وفي بداية مرحلة مهمة من حياتك. خليني أساعدك بتقسيم الموقف والنصائح بشكل واضح حتى تجدي طريقك: 1. أنتِ لستِ وحيدة ولا خطأ منك ما تمرين به ليس ضعف أو عيب، بل نتيجة ظروف صعبة تواجهينها في بيئة لا تدعمه. مشاعر كره النفس أو التفكير بالانتحار تحتاج أن نأخذها بجدية وشجاعة. أنتِ إنسانة تستحقين الحب والاهتمام، ومهما كانت ظروفك فإن قيمتك لا تتحدد بأفعال الآخرين معك أو بكلامهم. 2. الضغوط العائلية وتأثيرها من المؤلم أن يكون مصدر الدعم هو نفسه سبب الألم، وهذا يحدث للأسف في كثير من العائلات التي تعاني ضغوطًا. لكن تذكري أن محبتك لهم واضحة وهذا شيء جميل. لا تتحملي ذنب مشاعرهم أو انتقاداتهم، هم في ضغوطهم وأخطاؤهم، وأنتي عندك الحق في حماية نفسك وإيجاد مساحات تريحك. 3. التعبير عن المشاعر والتعامل معها صعوبة التعبير عن الداخل شيء شائع، يمكنك مثلا كتابة مشاعرك في دفتر يوميات، أو حتى مع شخص تثقين به أو أخصائي نفسي. البكاء ليس ضعفًا بل تحرر لمشاعرك المختنقة. العصبية الناتجة عن الاكتئاب أو الضغط النفسي قابلة للتحسن بخطوات. 4. التفكير في طلب المساعدة النفسية الذهاب لدكتورة نفسية هو قرار قوي وحكيم، خاصة لو شعرتِ أن الأمر بدأ يتدهور. الأخصائية أو الأخصائي النفسي هم أصحاب الخبرة في المساعدة دون الحكم عليك، وهم سيساعدونكِ على تقليل الشعور بالحزن والإحباط وتقوية ذاتك. إذا لم تتمكني من إخبار أهلك، يمكنك البدء بالتحدث مع طبيبة نفسية في الجامعة أو من خلال خدمات الدعم الطلابي، أو حتى عبر الإنترنت في أماكن توفر سرية وعدم تدخل العائلة. 5. بناء اهتمامات وهوايات جديدة رغم أن ظروفك صعبة الآن، حاولي تجربة أشياء جديدة ولو بسيطة، مثل القراءة، الرسم، الكتابة، أو أي نشاط يستهويك. هذه خطوات هامة لتكتشفي نفسك وتحبي ذاتك أكثر. الهوايات تساعدك في التفريغ النفسي وتمنحك شعورًا بالإنجاز والراحة. 6. تذكري أن الحياة فيها الكثير من الأمل تذكري قول الله تعالى: {وَعَسَى أَن تَكْرَهُوا شَيْئًا وَهُوَ خَيْرٌ لَّكُمْ} [البقرة:216]. قد تكون المرحلة هذه صعبة جدًا، لكنها ليست النهاية. اطلبِي من الله القوة والصبر، وادعيه كثيرًا أن يفرج همك ويبدل حالك للأفضل. خطوة عملية اليوم: احتفظي بدفتر صغير تكتبي فيه مشاعرك اليومية. جربي أن تتحدثي مع أخصائية نفسية من خلال زيارة موقع فدني للخبراء https://www.fedni.net/experts حيث يمكنك إيجاد مختصات محترفات يساعدنك بسرية تامة. لا تضغطي على نفسك بالتغييرات الكبرى فجأة، خذي خطوة خطوة وكوني رحيمة بنفسك. أنا هنا دائمًا إذا أردتِ تفضي قلوبك أو تطلبي مزيد من النصائح، ولا تنسي أنكِ ليست وحيدة وأنتِ قوية حتى لو شعرتِ بالعكس. ربنا يحفظك ويرعاك ويرزقك السعادة والسلام. ذكية 🌸
تم النشر الأربعاء، ٤ يونيو ٢٠٢٥
بجد كلامك ساعدني جدااااا 🥺💓💗🤍
تم النشر الخميس، ٥ يونيو ٢٠٢٥
شكرا 🥺🤍
تم النشر الخميس، ٥ يونيو ٢٠٢٥
وكمان لو قدرتي تروحي لدكتور روحي ده مش عيب ولكن لو مقدرتيش بالمناسبه أهلي زي أهلك وكمان عندينا مفيش حاجه اسمها تروحي دكتور لانه للمجانين بس😭😂 مش عارفه ليه على الرغم انه ممكن الواحد يحتاجه عادي بس مش مشكلة بكرا نشتغل ونعمل اللي احنا حابينه ومش، هننسى في الاخر انهم أهلنا وهم تربوا تربية قديمة شوية فلو مقدرتيش سلاحك هو الصبر والدعاء
تم النشر الأربعاء، ٤ يونيو ٢٠٢٥
بصي يا روحي انا ١٩ سنة اعتبريني أختك الكبيرة أول حاجه برافو عليكي انك بتصلي دي أحلى حاجه الانسان يعملها اناي يا غاليه لازم تقربي من ربنا لانه هو الوحيد اللي هيبقالك الوحيد اللي بيعطيكي الخير الوحيد اللي لما تحبيه مش هتتئذي بل هتفرحي وترتاحي ويكرمك الواضح انه أهلك مش مقدرين اللي انتي بتمري بيه ولا مش فاهمينك خالص بس ده مبيدلش على عدم خبهم ليمي لانه ممكن يكون اتولدوا وعاشوا واتربوا على طريقة حب معينة زي انه الاب يشتغل ةيعطي اولاده فلوس ده بالنسباله هو الحب وزي انه الام تجهز الاكل او تنضف الشقة وكدا ده بالنسبالها هو الحب فاحنا لازم ناخد بالنا من النقطه دي ونخلي في نفسنا انه هم فعلا بيحبونا بس بالطريقة اللي هم بيعرفوها مش بالطريقة اللي احنا بنحبها وومكن تكون طريقتهم غلط بس ده ميمنعش انهم يكونوا بيحبونا تمام يا روحي طيب هم مش بيحبونا بالطريقة اللي احنا عاوزينها زي الاهتمام والاحضان والهدوء والسؤال والحب بطريقة لطيفة نعمل اى هل نفضل نلوم ونعاتب ونقول انتو غلط اذا كان أهلك هيسمعولك وعندك طريقة لطيفه تكلميهم بيها كلميهم قولي يا ماما انا عاوزه كذا وكذا واحكيلهم اللي نفسك فيه طيب حكيتي ومسمعوش ليكي خلاص نبرهم علشان ربنا ونقوي نفسنا نقوي شخصيتنا ونطبطب على نفسنا ونقوي علاقتنا بربنا وده الاهم ثم تقوي شخصيتك تدوري على هوايات ليكي تكتشفي نفسك ولو عندك مشاكل نفسية ابتدي حليها مثلا اسمعي على اليةتيوب المشكلة وحلها واصبري على نفسك وهتلاقي مع الوقت بقيتي اهدى خلي عندك رضا بعيلتك وقولي الحمد لله معلش يا نفسي كل انسان هيتحاسب على اخطاؤه بس ربنا اللي هيحاسبه انا مش هحاسبهم انا هبرهم علشان ربنا وتكبري دماغك ومتخليش اي كلمه عابرة تضايقك فانتي لازم تبني شخصيتك بس هقولك حاجه مهما قويتي هتضعفي وهتاثر الكلمات فعادي خالص انك تكوني قويه معناه انك تتخطي مش معناه انه الكلمه مأثرتش خالص تمام يا روحي وهتتعدل هتكبري هتدخلي جامعه وتكوني أحلى صحاب عادي اصبري ومتدوريش قوي على الصحاب دوري على نفسك وابتدي اختلطي شويه شويه وحطي مقاييس للي الصحاب اللي انتي عاوزاهم يكونوا في حياتك واختاري صح وبعظيها هتلاقي نفسك مكونة أحلى صحاب واحلى ناس مش مشكلة لو غلطي مرة وتنين ومليون المهم تفضلي تحاولي علشان ترضي ربنا وتكوني مسلمة قويه نافعة لامة الاسلام وعلشان محدش يقدر يكسرك وعلشان تربي نفسك تبقي ام قوية وصالحة وتعيشي بناتك واولادك الحياة اللي كنتي عاوزاها وربنا بإذنه هيعوضك بزوج وعيلة حنينة هتخليكي تحمديه وتفرحي وتنسيكي كل حاجه وحشه وأخر حاجه يا قلبي الانتحار بيدخل النار اللي بينتحر بيموت كافر يعني دي مش معصية ولا حاجه ساهلة مع انه مفيش معصية ساهلة لانه ممكن اي معصية تدخل النار بس الانتحار مفيهوش توبه لانه خلاص هيكون الانسان مات طيب وهتستفادي اى غير انك تكوني دخلتي النار هتخليهم يهتموا بيكي مثلا انتي وميته ولا اى هم هيبكوا شويه وينسوا زيك زي اي انسان مات بس هتكوني الوحيدة اللي خسرتي هتكوني خسرتي أخرتك هتكوني خسرتي الجنة كل اللي حبتيهم اللي كان نفسك تبقي معاهم هيدخلوا الجنة وانتي تدخلي النا العياذ بالله فمفيش حاجه تستاهل انك تدخلي النار عبشانها لازم تصبري وتدعي ربنا براحة البال والصبر وربنا رحيم ربنا يفرج كربك ويهديهم ويهديكي وكمان يا قلبي لو معاملتك وحشه ليهم حاولي بالتدريج تخليها حلوة معلش تعالي على نفسك شويه علشان مفيش حاجه بتيجي بالساهل وانتي كمان لازم تبصي لاغلطك شوية ممكن يكون عندك أغلاط وانتي مش واخده بالك خلي بالك اللي بيحاسب نفسه انسان قوي ♥♥
تم النشر الأربعاء، ٤ يونيو ٢٠٢٥
لعرض السؤال في فدني اضغط هنا