انا عندي دوخه وصداع دائم وخمول رهيب و كمان كسلللل لما أبقى عايزه اقوم اعمل حاجه احس ان جسمي مش عايز يقوم من مكانه و كمان بقى نومي 11 ساعه لأني مش بقدر أقوم من السرير مع اني ببقى عايزه أقوم من السرير مع إني مكنتش كدا قبل المده دي
للمعلومات انا طالبة ثانوي عام عمري 17
السلام عليكم، أولًا، ألف سلامة عليكِ، ربنا يشفيكِ ويعافيكِ. الأعراض دي لها أسباب مختلفة، ممكن يكون فيه أنيميا أو نقص فيتامينات أو أي مشكلة تانية، ممكن حتى روتينك اليومي فيه مشكلة زي إنك تكوني مش بتنامي كويس (ممكن بتنامي كتير بس نومك نفسه جودته مش كويسة) أو فيه قلق وضغط وتوتر وخاصة إنك في ثانوية عامة. فالأول، لازم نستبعد المشاكل الصحية ونطمئن من الناحية دي، فمهم جدا تكشفي باطنة وحسب الكشف والفحوصات هيتحدد إذا كان فيه أنيميا أو نقص فيتامينات أو غيره. *** ممكن كمان الأعراض دي تكون هروب من جسمك، العقل لما بيحس بضغط ومسؤولية كبيرة بيحاول يحميكِ من الألم ده بالتسويف والتسويف هيكون بأي شكل زي النوم الطويل والكسل والإحساس بانعدام طاقتك وشغفك. والصحة النفسية لها عامل كبير وبتنعكس على صحة الجسم... فشوفي إذا كان فيه أي مشكلة في الجانب ده *** أنصحك كمان، لو أنتِ مسلمة... واظبي على أذكار الصباح والمساء واقرأي سورة البقرة يوميًا حتى لو هتقسميها على الأيام وهينفعك جدا تسمعي رقية شرعية... من ناحية عشان الحفظ والتحصين واكتساب البركة في حياتك، ومن ناحية تانية نكون استبعدنا كل الاحتمالات. ** وبالتوفيق إن شاء الله.
تم النشر الأربعاء، ١٩ نوفمبر ٢٠٢٥
اكشفي وحللي غده واكشفي باطنه واطمني على نفسك جسديا بقيتي مشكله حليها ملقتيش ممكن يكون نفسي وضغط حاولي تهوني على نفسك
تم النشر الجمعة، ٢١ نوفمبر ٢٠٢٥
عليكي بالصلاة وقراءة القرآن
تم النشر الخميس، ٢٠ نوفمبر ٢٠٢٥
يمكن سبب نفسي محتاج له حاجات بسيطة تدي شعور بالإنجاز
تم النشر الخميس، ٢٠ نوفمبر ٢٠٢٥
راجعى تحليل نسبة فيتامين د فى جسمك ف نقصانه يسبب هذه المعاناه. ثانياً خدي من وقتك نصف ساعة فقط اقرأي فيها سورة الفلق كل يوم. ستنفك عندك العقد المعقودة على رأسك.
تم النشر السبت، ٢٢ نوفمبر ٢٠٢٥
روحي لدكتور نفسيه وعصبيه لو هو بسبب الضغط الناتج عن الثانويه او اعملي تحليل غده درقيه واتمنالك الشفا العاجل🫂🙂↕️
تم النشر الجمعة، ٢١ نوفمبر ٢٠٢٥
لعرض السؤال في فدني اضغط هنا