السلام عليكم، مشاكل المعدة وخاصة لو فيه جرثومة فهي بتتطلب التزام بالعلاج والنظام الغذائي والجرثومة عامة بتتكرر ولازم متابعة. مش لازم إن تشخيص منهم كان غلط، ممكن الأول كان فعلا التهاب في المعدة بسبب الجرثومة لكن بعد عمل المنظار اتضح وجود قرحة وطبيعي هيكون عندك التهاب ومشاكل في الهضم وطبيعي الأكل المحمر والتقيل هيتعبك. ** هتحتاج دلوقتي تتابع مع طبيب واحد لفترة وتاخد معك المنظار اللي عملته ولو هو لقى إنك محتاج فحوصات أو تحاليل تانية هيطلب وتمشي على العلاج فترة وتفضل تتابع معه بس طبعا مع ضرورة الالتزام بالنظام الغذائي. لو بتاخد علاج لكن مستمر على الأكل غير الصحي أو الضار لمعدتك هتفضل تعاني من المشكلة والقولون كمان بيتأثر بنفس العوامل دي. اهتم بالأكل وابعد عن التدخين (لو بتدخن) ومارس رياضة مع متابعتك كل فترة مع الطبيب وإن شاء الله صحتك تتحسن. ألف سلامة.
اللة يسلمك كلام فى محله شكرا
تم النشر الثلاثاء، ١٨ نوفمبر ٢٠٢٥
لعرض الإجابة في فدني اضغط هنا