انا بقالى 3 سنين بيجيلى كل أسبوعين مرة أو 2 وجع بطن مع صداع وأحيانا ترجيع مع سخونية على خفيف اخد مسكن مرة ينفع ومرة لا وما أفوقش الا لما أرجع واعمل حمام على الرغم من إن ممكن أكون عامل حمام من فترة قصيرة ورحت عند كذا دكتور إلى مع التحاليل قال ان ده التهاب معدة وعسر هضم وتانى عملى منظار ولقى عندى قرحة من آثار جرثومة كانت عندى وخفيت منها ومع العلاج الدنيا هديت شوية بس بردو مش مرتاح خصوصا لما آكل حاجات محمرة بالسمنة أو آكل حاجة تقيلة ودكتور تانى قالى ده قولون عصبى بس مخدتش علاجه.
وشكرا وآسف على الإطالة
السلام عليكم، مشاكل المعدة وخاصة لو فيه جرثومة فهي بتتطلب التزام بالعلاج والنظام الغذائي والجرثومة عامة بتتكرر ولازم متابعة. مش لازم إن تشخيص منهم كان غلط، ممكن الأول كان فعلا التهاب في المعدة بسبب الجرثومة لكن بعد عمل المنظار اتضح وجود قرحة وطبيعي هيكون عندك التهاب ومشاكل في الهضم وطبيعي الأكل المحمر والتقيل هيتعبك. ** هتحتاج دلوقتي تتابع مع طبيب واحد لفترة وتاخد معك المنظار اللي عملته ولو هو لقى إنك محتاج فحوصات أو تحاليل تانية هيطلب وتمشي على العلاج فترة وتفضل تتابع معه بس طبعا مع ضرورة الالتزام بالنظام الغذائي. لو بتاخد علاج لكن مستمر على الأكل غير الصحي أو الضار لمعدتك هتفضل تعاني من المشكلة والقولون كمان بيتأثر بنفس العوامل دي. اهتم بالأكل وابعد عن التدخين (لو بتدخن) ومارس رياضة مع متابعتك كل فترة مع الطبيب وإن شاء الله صحتك تتحسن. ألف سلامة.
تم النشر الثلاثاء، ١٨ نوفمبر ٢٠٢٥
الف سلامة عليك بس لازم تكشف عند دكتور ومتعتمدش كلام حد مش متخصص عشان ده ممكن يزود المشكلة وانتوا الاتنين مش واخدين بالكم
تم النشر الأربعاء، ١٩ نوفمبر ٢٠٢٥
لازم تروح لدكتور عشان تشوف إيه الي عندك ويساعدك
تم النشر الثلاثاء، ١٨ نوفمبر ٢٠٢٥
الشفاء العاجل انشاء الله
تم النشر الثلاثاء، ١٨ نوفمبر ٢٠٢٥
لعرض السؤال في فدني اضغط هنا